Өнөөдөр 5 сарын 18-нд БНХАУ-ын дарга Ши Жиньпин, Хятад-Төв Азийн дээд хэмжээний уулзалтад оролцон, Хятадад төрийн айлчлал хийж буй Киргизийн Ерөнхийлөгч Садыр Нургожоевич Жапаровтой ШиАнь хотод хэлэлцээ хийлээ.
Ши Жиньпин энэ үеэр хэлэхдээ, "Өнгөрсөн онд бид хоёр ч удаа уулзаж, Хятад, Киргизийн харилцаа, хоёр талын олон салбарын хамтын ажиллагааны талаар нэгдсэн ойлголтод хүрсэн. Эдгээр нэгдсэн ойлголтууд үр дүнтэй хэрэгжиж, хоёр орны харилцааны хөгжилд хүчтэй түлхэц өгч байна. Та үүрэгт ажлаа авснаас хойш эдийн засгаа хөгжүүлэх, ард түмний амьжиргааг сайжруулах, улс төрийн эвсэл бүлгүүдийн хүчийг нэгтгэх талаар хүчин зүтгэл гаргаж, өргөн олон Киргизийн ард түмний дэмжлэг, хүндэтгэлийг хүлээсэн. Таны удирдлага дор Киргиз улс олон салбарт байнга шинэ амжилт гаргана гэдэгт итгэлтэй байна.Хятад, Киргизийн харилцаа 31 жилийн хөгжлийн замыг туулсан. Киргизтэй хамтран сайн хөршийн найрамдал, хамтдаа хөгжсөн Хятад-Киргизийн хувь заяаны нэгдмэл цогцыг байгуулж, бүх талын хамтын ажиллагааг хөгжүүлж, хоёр орны хөгжлийг сэргээхэд Хятад улс бэлэн байна" гэв.
Г.Бямба
Сэтгэгдэл0
XYTAD ZALGIX BAIX DAA
Монгол луугийн ам руу сайн дураараа орж залгиулж байгаа.
Азийн дайсан Оросын нөлөөнд байдаг Киргизстанд Хятад ач холбогдол өгдөггүй. Киргизстан Хятадын хөрөнгөөр баригдах төмөр замын царигийн талаар 30 жил хэрэлдэж 6 удаа техник эдийн үндэслэл гаргахдаа төмөр замын зардалд гаргах 20 сая юанийг хэрэглээд дуусгачихсан.Одоо Узбекстаны шахалтанд орж төмөр зам тавихдаа Монгол шиг Орос стандартаар тавина.Зардал нь 250 сая доллар байсан бол одоо 1,4 тэрбум доллар болж өссөн. Ачаа шилжүүлж ачихад тонн тутмаас 20 доллар алдана.Нэг орныг эрхгүй санагдуулдаг, Энэ зам нь бас орос стандартын Казахстаны төмөр замтай өрсөлдөнө.Оросын нөлөөнд байдаг Казахстаны төмөр замаас 900 км дөт,бас Узбекстаны нутгаар дамжих тул Казахстан хохирно.