sonin.mn
Сэтгэгдэл (0)
Хятад, Төв Азийн удирдагчдын дээд хэмжээний уулзалт БНХАУ-ын Ши Ань хотод өчигдөр эхэлж, өнөөдөр үргэлжилж байна. БНХАУ-ын дарга Ши Жиньпин уг хурлыг даргалж, Төв Азийн таван орны удирдагчидтай хамтын ажиллагааны талаар зөвшилцөж, хэтийн төлвийг зураглаж буй юм. 
 
Энэ тухай Хятадын Олон Улсын Радио: "Энэ бол хоёр талын хамтын ажиллагаа шинэ эринд орсны илэрхийлэл юм. Энэхүү дээд хэмжээний чуулга уулзалт нь Хятад улсын энэ оны анхны өргөн цар хүрээтэй дипломат арга хэмжэ. Мөн Хятад, Төв Азийн орнууд дипломат харилцаа тогтоосны 31 жилийн хугацаанд дээрх 6 орны удирдагчид анх удаа нэг дор биечлэн уулзаж буй тохиолдол.
Талуудын зүтгэлээр Хятад, Төв Азийн орнуудын харилцаа үсрэнгүй хөгжлийн замд орж, стратегийн хамтын ажиллагаа дээд түвшинд хүрч, өөр хоорондын хөгжлийг ахиулсны дээр бүс нутгийн энх тайван тогтвортой байдлыг хамгаалж, харилцан хүндэтгэсэн, шударга ёсыг эрхэмлэсэн, хамтран ажиллаж хамтаар ашиг хүртсэн шинэ хэлбэрийн олон улсын харилцааны жишиг болж байгаа юм. Өнгөрсөн жил Хятад улс Төв Азийн таван оронтой дипломат харилцаа тогтоосны 30 жилийн ойн видео хуралд Ши Жиньпин хэлэхдээ: " Хятад улс болон Төв Азийн таван орны 30 жилийн хамтын ажиллагаа амжилтад хүрсэн шалтгаан бол харилцан хүндэтгэж, сайн хөршийн найрамдалт харилцаа хөгжүүлж, зовлон жаргалаа хамтатгаж, харилцан ашигтай хамтран ажилласанд байлаа" гэж хэлсэн юм.
 
Өнгөрсөн таван жилд Ши ЖиньпинТөв Азид долоон удаа айлчилж, тухайн орны удирдагчидтай гүнд зузаан нөхөрлөл тогтоосон юм. Хуучин анд нөхөд Ши Ань хотод ахин уулзаж байна.
 
Энэ уулзалтаар олон салбарын хамтын ажиллагаа болон олон улс, бүс нутгийн асуудлаар санал бодлоо солилцож, Хятад улс болон Төв Азийн стратегийн итгэлцэл, хамтын ажиллагааны тэргүүлэх чиглэлийн талаар нийтлэг ойлголтод хүрэх нь лавтай.
 
Ши Жиньпин 2013 онд Казахстанд айлчлахдаа Торгоны замын эдийн засгийн бүс байгуулах санаачилга дэвшүлсэн. Түүнээс хойш арван жил өнгөрчээ. Энэ хооронд “Бүс ба зам” нь өнөөгийн дэлхий нийтэд хамгийн их өгөөжтэй, таалагдсан олон улсын төсөл болж, Хятад болон Төв Ази олон улсын дэд бүтцээр холбогдох жишиг төсөл болсон юм. Энэ хугацаанд Хятад болон Төв Азийн таван орны худалдаа ихээхэн нэмэгдэж, зөвхөн 2022 онд гэхэд хоёр талын худалдаа 70 тэрбум ам долларт хүрсээн байна.
Дэлхийн дахин зуун жилд тохиолдоогүй их өөрчлөлт хувьсалтын үед орж, тогтворгүй, савлагаа ихтэй байна. Энэ үед Хятад болон Төв Азийн орнууд харилцан ашигтай хамтарч байгаа нь чухал ач холбогдолтой юм. Хятад Төв Азийн хамтын ажиллагаа гурав дахь талд чиглээгүй, бусад механизмтай өрсөлдөөгүй. Бүс нутгийн тогтвортой байдал, хөгжил цэцэглэлтэд тустай байлгахын тулд хэрэгжүүлж буй арга хэмжээ билээ" хэмээн мэдээлжээ.
 
Г.Бямба