sonin.mn
Сэтгэгдэл (0)

Ж.Батзандан 7 дугаар сарын 1-нд жагсаал турхиран зохион байгуулснаас таван ч  хүний амь эрсэдсэн нь ард түмний ой санамжинд бүртгэгдсэн тул тэр  бусдаас хүний амь нэхэх эрхгүй  нь тодорхой болсон. Сүүлийн үед түүний тухай нэгэн онигоо гарсан байна.  Жагсаан цуглаан моодноос гарсан тул гишүүнийхээ давуу эрхийг ашиглаж ашигтай алба хашиж байгаа сайд, дарга нарыг огцруулна, төлбөрийг бэлнээр... Батзандан гэсэн зар твиттерээр нэг цацагдсан.

 

Энэ хошин зар үнэн болохыг нь хэдхэн хоногийн дараа батлагдсан байна. Тэрбээр Монгол улсын шадар сайд руу улангасан  дайрсан шалтгаан нэгэнт  тодорхой болжээ. Учир нь  шадар сайдын багцанд Мэргэжлийн хяналтын байгууллага байдаг бөгөөд түүний даргаар улсад их хэмжээний хохирол учруулсан төдийгүй МИ8 онгоц сүйрч,15 сайхан эрийн аминд хүрч хариуцлага алдаж байсан увс бүлгийн С.Отгонбаярыг уг албан тушаалд шахахын тулд Д.Тэрбишдагвад дарамт үзүүлсэн нь тодорхой болсныг эх сурвалж төрийн ордноос мэдээлэв.

 


 Олон жил шударга ёс ярьж, ард түмний төлөө үхэхэд ч бэлэн гэдгээ хоолойгоо шахан бахирч байсан, “амьд цагаан хоолой” Ж.Батзандан гэгч нөхөр гэнэт л  ахаа намайг бодоорой гэж хошуу дэвсэн царайчилан, АН-д элсэж, Ерөнхийлөгч Ц.Элбэгдоржийн торгон цэрэг болсноосоо хойш ядарсан олныг ядахдаа амаараа ч болтугай гийгүүлсэнгүй. АН-ын хатавчинд наалдсанаасаа хойш УИХ-ын гишүүн болж, нэг л чухал царайтай нөхөр юу хийж байгаа нь тодорхойгүй замхарсан.

 

Гэтэл тэрээр саяхан гэнэт “цоорч” цор цор хийсэн шалтгаан нь ядарч туйлдсан түмний зовлонгоор улс төр хийхээр шийдсэн нь энэ. Ж.Батзандан МАХН-ын шадар сайд Д.Тэрбишдагвыг огцрохыг шаардав. АН-ын олонхид дээрэлхүүлж, мөчөөгөө өгөхгүй, шар махтайгаа хатаж яваа ТБД сайд ямар нүгэл үйлдэв ээ?  Байгалийн гамшиг, гэнэтийн осол, золгүй явдал бүхэн чухам түүнээс болсон юм байх.

 

Зөв дөө хө. Хэрэв зарим мухар сүсэгтнүүдийн яриад байгаагаар энэ сарын 21-д дэлхий сөнөвөл чухам Монгол гэгдэх улсын шадар сайд Тэрбишдагваас болох юм байх. Ойворгон, овилгогүй Ж.Батзандангийн тайлбараас өөрийн эрхгүй нэг ийм гажиг логик үнэртээд байна. Цагийн сайханд “эрүүл нийгэм” гэж хашгирч байсан эрхэм харин өөрөө эрүүл сэтгэхүйтэй хүн мөн үү?

 

Ж.Батзандан золгүй явдлаас болж харамсалтайгаар амь насаа алдсан ээж хүү, Налайхад шороонд дарагдсан гурван нинжагийн амь насыг Д.Тэрбишдагваас нэхэх юм. Тэгэж яривал ингэж ярье. 7 дугаар  сарын 1-д амь үрэгдсэн 5 хүн,эрүүл мэндээр хохирсон олон зуун иргэд, цагдаа нарын нөхөн төлбөрийг уриалан турхирчаад, ичихгүй хаяж зугтсан Ж.Батзандангаас нэхвэл яасан юм бэ ?

 

Батзандан, Магнай нар эр хонгор дуугаар хоолойгоо чичрүүлэн байж олон нийтийг бослого тэмцэлд уриалж, турхирсныг монголчууд ч мартаагүй, ТВ-ийн хальсанд ч тодорхой буусан. Харин энэ хоёр сагсуу залууд  итгэж, цугларсан мянга мянган хүмүүсийг удирдан залж, аюулгүй байдлыг нь хангаж чадаагүй, аюул эрсдлийг урьдчилан тооцож чадаагүй, дэндүү жулдсан.

 

Тийм дээ ч тэр үеийн МАХН-ын байрны урдаас ум хумгуй зугтаж яваа дүрс  мөн ч олон ТВ-гээр цацагдсан. Тэд одоо харах царай нь  гэмгүй дүр эсгэж хормойн доорхи агуйдаа олон но-г нууж яваа улс. Тэд 2008 онд хариуцлага хүлээхээс үхтлээ айж, гэрээсээ дайжиж, уулын мухарт бүгэж байсныг ч бид мэднэ. Урьдчилан хорих төвд байхдаа ч зарим хүмүүс шиг эрийн шийр зааж чадаагүй.

 

“Ах аа авраарай, аврахгүй бол таныг матна шүү” хэмээх шантаажийг Ц.Элбэгдорж руу байнга илгээсний хүчинд 2009 оны Ерөнхийлөгчийн сонгуулийн дараа хулгайч, дээрэмчин, алуурчин хүчиндэгчдийн армийг араасаа чирэн Өршөөлийн хуулиаар суллагдсан түүхтэй. Түүх ч гэж дээ. Саяхны л үйл явдал. Бид мартах учиргүй. Нэг иймэрхүү овилгогүй залуус төрийн сэнтийд заларч, “ ачит ахынхаа” захиалгаар бусдад хамаарахгүй асуудлыг тохон, огцор гэж хашгирч байна. 7-р сарын 1-д хохирсон олон зуун залуус харин ч өөрөөс чинь хүний амь нас нэхэх бүрэн эрхтэй. Хэрэг хуучирдаггүй, үг өмхийрдэггүй.