НАТО буюу Хойд Атлантын орнуудын эвсэл 1949 онд байгуулагдсан юм. Яагаад энэ эвсэл байгуулагдсан бэ гэхлээр дэлхийн хоёрдугаар дайны үед Зөвлөлт Холбоот улс АНУ, Их Британитай холбоотон улс байсан боловч дайны дараа Зөвлөлт Улс байгуулсан гэрээгээ зөрчиж, Европт оруулсан цэргээ гаргахгүй байсан, эзэлсэн дорнод Европын орнуудын төрийн тэргүүнээр өөрсдийн коммунист угшилтай хүмүүсийг хүчээр томилж байв. Тэр үед Зөвлөлт Улс дайнд ялсан, хуурай замын цэрэг нь дэлхийд хамгийн томд тооцогдсон, өрнөд Европт хүчтэй цохилт өгөх чадалтай байлаа.
1946 оны 3-р сарын 5-ны өдөр Их Британий Ерөнхий сайд Уинстон Черчилль Америкийн Фултон хотод “ Штеттинээс Балтийн тэнгис хүртэл,Триестээс европын Адриатийн тэнгис хүртэл төмөр хөшиг буулаа. Европын Берлин, Варшав, Прага, Вена, Будапешт, Бухарест, София нийслэл хотууд хүн амынхаа хамт Зөвлөлтийн нөлөөнд орлоо” хэмээн мэдэгдэв.Чухам энэ үеэс дэлхийн хүйтэн дайны үе эхэлсэн юм.
Энэ явдлаас хойш гурван долоо хоногийн дараа Москвад суугаа Америкийн дипломатч Жон Кеннан АНУ-ын Засгийн газарт “Зөвлөлт Холбоот Улс нь зөвлөлт засгийн аюулгүй байдлын үүднээс гэдэг нэрийн дор АНУ-ыг устгах, манай улсын нэр хүндийг унагах, манай чөлөөт нийгэм, амьдрах хэв маягийг устгах зорилготой байгаа тул АНУ болон өрнөд европын орнууд өөрсдийн гадаад бодлогоо энэ байдалд тохируулан өөрчлөх хэрэгтэй” гэсэн утгатай урт цахилгаан утас илгээжээ. Энэ бодлого хожим нь “Тогтоон барих бодлого” хэмээн нэрлэгдсэн. Хоёр жилийн дараа Их Британи, Франц хоёр Зөвлөлт Холбоот Улсын түрэмгий бодлогоос жийрхэж, хэрэв гадаад улс аль нэг оронд нь довтолвол харилцан туслалцах гэрээ байгуулав. 1947 онд АНУ-ын ерөнхийлөгч Гарри Трумэн Кеннаны бодлогыг тусгасан АНУ хэрэв бусад эрх чөлөөт ард түмнүүдийн эсрэг гадааадын элдэв дарамт, халдан довтлох аюул гарвал тэдгээр орнуудад туслах тухай зарчмуудыг тунхаглан зарласан юм. Трумэний нэг гол бодлого бол европын орнуудад олгох “Маршаллын төлөвлөгөө” хэмээх эдийн засгийн тусламж байлаа. Зөвлөлт улс энэ тусламж авахыг өөрийн нөлөөний улсуудад хориглов. 1948 оны 3-р сард Чехословакийн Гадаад хэргийн сайд Ян Масарик Прага хотод гадны нөлөөтэй гэнэт нас барсан, 1948 онд Зөвлөлтийн цэрэг баруун Берлин хотыг бүсэлснээс болж олон мянган энгийн иргэд өлсгөлөн, хүйтэн, өвчнөөс болж нас барах эрсдэлтэй болсон, 1956 онд Унгарт гарсан ардчилсан хөдөлгөөнийг Зөвлөлт улс нухчин дарсан, 1968 онд Чехословакт болсон ардчилсан хөдөлгөөнийг Зөвлөлт улс мянган танк оруулж нухчин дарсан зэрэг аюултай байдлыг харгалзан өрнөдийн орнууд энэхүү Хойд атлантын эвсэлд түргэн нэгдэж байв.
1950 онд Хойд Солонгос Зөвлөлт Холбоот улсын танк, нисэх онгоц, цэргийн зөвлөхийн тусламжтайгаар Өмнөд Солонгос руу гэнэт дайрч дайн дэгдээсэн нь ийм явдал Германд гарч болзошгүй гэсэн дүгнэлт хийхэд хүрэв. Ийм л учраас НАТО чөлөөт ертөнцийн орнуудыг коммунизмаас хамгаалах зорилгоор байгуулагдсан юм.
1955 онд Зөвлөлт Холбоот улс тэргүүтэй Варшавын гэрээний орнуудын эвсэл байгуулагдав. Зөвлөлт улс тэр үед өөрийн нөлөөг НҮБ-д бэхжүүлж байлаа. Европын ямар нэг холбоонд элсээгүй европын салангид оронд Зөвлөлт Холбоот улс нөлөөлөхийг оролдож байлаа. 1954 онд Сталин нас барсны дараа Зөвлөлт Холбоот улс НАТО-д элсэхийг оролдов. Зөвлөлтийн Гадаад хэргийн сайд В.Молотов энэ асуудлаар Вашингтон, Лондон, Париж хотод очив. Харин В.Молотов НАТО-гийн төв оршдог Брюссель хотод очоогүй юм. Хэрэв Зөвлөлт улс НАТО-гийн гишүүн болвол НАТО-гийн орнуудын ажлыг нураах байв. НАТО зөвлөлтийн НАТО-д элсэх гэсэн саналд татгалзсан хариу өгөв. Зөвлөлт улс хариуд нь Өрнөдийг милитаризмд буруутгаж зөвлөлтийн энхийн саналыг хүлээн авсангүй хэмээн мэдэгдэв. НАТО Зөвлөлт улсыг эвсэлд элсүүлвэл ардчилсан зарчимд тохирохгүй хэмээн үзэв. 1955 онд Зөвлөлт улс НАТО-гийн эсрэг Варшавын гэрээний эвсэл байгуулж энэ байгууллага 1980 оны сүүлч хүртэл оршиж байв. Хүйтэн дайны дараа 1991 оны 12-р сарын 25-ны өдөр Зөвлөлт Холбоот Улс задарч, 15 бүгд найрамдах улс тусгаар тогнолоо зарлав. Зөвлөлт Холбоот улс бол тэр үед хэт их гүрэн гэгдэж байв. Зөвлөлт Холбоот улс 280 сая хүн амтай, 22.2 сая квадрат км газар нутагтай, 4.2 сая цэрэгтэй хүчирхэг армитай, 10 000 цөмийн цэнэгтэй хошуу бүхий цөмийн зэвсэгтэй гүрэн байв. Тэр үед Зөвлөлт Холбоот улсын дотоодын нийт бүтээгдэхүүний үйлдвэрлэлийн хэмжээ нь АНУ-ын ДНБ-ний 80.0 хувьд хүрч байсан ба Зөвлөлт Холбоот улс нэг хоногт 13 сая баррель / торх/ нефть олборлож дэлхийд тэргүүлж байв.
Зөвлөлт Холбоот Улс задарсны дараа Варшавын гэрээ цуцлагдав. 1993 оноос эхэлж Зөвлөлт Холбоот улс болон өрнөдийн орнуудын харилцаа сайжрав. Хоёр тал цэргийн хүчээ цомхотгов. 1997 онд НАТО болон Орос улс аюулгүй байдлын төлөө хамтран ажиллах гэрээ байгуулсан Хоёр талын хил орчим их хэмжээний цэрэг байрлуулахаас татгалзах гэрээ байгуулав. Мөн хоёр тал олон улсын алан хядах ажиллагааны эсрэг, хар тамхины эсрэг хамтран ажиллахаар тохиролцсон.
Гэвч Орос улс дорнод европын орнууд НАТО-д элсэж байгаа явдалд ихэд дургүйцэж байсан төдийгүй Оросын цэрэг Чеченд ямар харгислал үйлдсэнийг сайн мэдэх тул НАТО-д элсэхийг хичээж байлаа. Орос улс НАТО-г Орос улстай дорнод европын улсуудыг НАТО-д элсүүлэхгүй гэсэн гэрээ хийсэн боловч энэхүү гэрээг зөрчлөө хэмээн буруутгаж байв. Үнэн хэрэгтээ ямар ч ийм гэрээг НАТО Оростой хийгээгүй аж. Хийгээгүй гэрээний төлөө Орос улс одоо болтол НАТО-г буруутгаж байдаг юм. Сүүлийн 20 жилд АНУ европт Иранаас хамгаалах зорилгоор цөөн тооны пуужингаас хамгаалах систем байрлуулсныг Орос улс ихэд эсэргүүцэж байв. АНУ Оросын талд энэ бол Оросын эсрэг авсан арга хэмжээ биш гэдгээ удаа дараа мэдэгдэж байсан. НАТО Орос улсыг олон улсын гэрээгээр хүлээсэн үүргээ биелүүлэхгүй байгаа бөгөөд НҮБ-ын гишүүн бусад тусгаар улс руу довтолж байгаа нь олон улсын хууль журмыг зөрчиж байна хэмээн үздэг. Жишээ нь Орос улс олон улсын хууль дүрэм зөрчиж Гүрж улс, Украин улсын эсрэг дайн хийсэн. НАТО Орос улсыг 2000 оноос эхэлж хагас дутуу ардчилсан улсаас ганц хүний дарангуйллын улс болж хүний эрх, сонгуулийн эрх, үг хэлэх эрх, үзэл бодлоо илэрхийлэх эрхийг зөрчдөг , хараат шүүхтэй орон болсон хэмээн үздэг болсон. 2014 онд ОХУ Крымийг эзэлсний дараа НАТО Орос улстай харилцахаа зогсоов. Улмаар тус улс Украинд дайн дэгдээсний дараа НАТО, Орос улс хоёрын харилцаа улам хурцадсан юм.
2022 онд НАТО Орос улсыг Хойд Атлантын Эвслийн гишүүн орнуудад хамгийн аюул занал учруулж буй улс хэмээн зарлажээ. НАТО болон Орос улсын хоорондох 75 жилийн харилцааг товч өгүүлэхэд ийм байна.
Доржийн СҮХБААТАР
Сэтгэгдэл8
Тийм ээ, Сталинаас эхлээд зөвлөлтүүд Европыг бүр хашраачихсан даа. Ёстой аймшигт мангас гэж үзээд эвлэлдэн нэгдсэн. Одоо мангас дүр нь Украинд сүүмэлзэж байна. Гэхдээ ялагдана даа!
нацист Киевийн фашист алан хядагч дэглэм Запорожье АЦС руу дроноор халдлага хийж цөмийн терроризм хийхийг завдсан байна. ОУАЭХА гаргасан мэдэгдэл. Drone strikes hit the site of Ukraine’s Zaporizhzhya Nuclear Power Plant (ZNPP) today, in a serious incident that endangered nuclear safety and security, Director General Rafael Mariano Grossi of the International Atomic Energy Agency (IAEA) said. https://www.iaea.org/newscenter/pressreleases/update-220-iaea-director-general-statement-on-situation-in-ukraine
хөлсний бичээч ДоСү Оросыг муулах гэж аргаа барж байнаа. Олон Улсын хуульд дүрэм НҮБ-ийн хоригийг зөрчин Америк НАТО-гийн сүүлийн 35 жилд хийсэн дайн хийсэн Югослав, Ирак, Ливи, Сири, Серби, Афганистан, Палестин гэхчилэн хэдэн арван улс хохирч хүмүүнлэгийн гамшигт өртөж байна.
ЗХУ энхийг сахиулах гэж натод орох гэснийг оруулаагүй варшавын орнуудыг цуглуулаадч нато орсын эсрэг явсаар байсан Аргаа бараад ЗХУ-саа тарааж үзсэн бас л болдоггүй Нато-д орсыг биш бусад улсыг нь нэгтгээд авчихсан латав литов эстон гүрж болгар ппольш унгар чексловак румын гээд яг гитлерийн үе шиг ОДОО БҮР ФРАНЦ АНГЛИ ГЕРМАН ЯПОН ГЭСЭН ШИНЭ АНТАНЫН ХОЛБОО БАЙГУУЛЖ ШИНЭ БӨМБӨГДӨГЧҮҮДИЙГ ГАРГАЖ ИРНЭ ГЭНЭ НАТО ГЭДГИЙН ЛОР 4 ДЭХ РЕЙХИЙГ БАЙГУУЛЧИХСАН УКРАЙНЫГ БҮРЭН МИЛИРИТЧИЛСЭН БАЙСАН БАЙНА БАЛТИЙН УЛСУУДЫГ ЦЭРЭГ ЗЭВСЭГЖҮҮЛСЭН БАЙЖЭЭ ОДОО ШИНЭ АНТАНТ ЦӨМИЙН ДАЙН ХИЙХЭЭР ЗОРИГ ШУЛУУДАН ОРЖ БАЙХ ШИГ БАЙНА ЁВРОП ЗААВАЛ ӨӨРИЙГӨӨ СӨНӨӨНӨ ГЭЖ БАЙНА ЁВРОП ЯЛБАЛ ХЯТАДЫН ХИЛД МОНГОЛ БУУЖ ӨХ ТУЛ ТУЛНА ИНГЭЭД ЭРГЭН ТОЙРНЫ ДАЙСАНД ХЯТАД ЯЛАГДАНА
Удахгүй Путин алагдсаны дараа Орос улс бүх буруугаа Путинд чихээд дайнаас маш хурдан гарна ! Цэргээ буцааж татаад эзэлсэн мужуудаа Укрианд нь өгчихнө ! Тэгээд Натод элсэх өргөдөл өгнө ! Нато нь жаал гайхаж байгаад элсүүлнэ ! Дараа нь Монгол Натод элсэх өргөдөл өгнө тэгснээр хятадын аюулаас мултарч байгаа юм ! Хятад нь Натод нь элсэх өргөдөл бас өгнө тэгснээр Амёрикаас айхгүй болж байгаа юм ! Эцэстээ бусад улсууд өргөдлөө өгөөд бүх дэлхий Натод элсээд амар сайхандаа жаргаж байгаа юм онолын хувьд ! Дэлхийг харь гаригынханаас хамгаалах үүрэгтэй л үлдэх байхдаа Нато эцэстээ !
Дэлхийн 2-р дайнаас хойш америкийн империалист бүлгийнхэн ЗХУ болон социалист бусад улсын эсрэг " хүйтэн дайн " дэгдээж 1949 онд - НАТО ; 1954 онд - СЕАТО зэрэг түрэмгий эвслүүд зохион байгуулж , Солонгост ( 1950 - 1953 онд ) түрэмгийлэл үйлдэж , Энэтхэг - хятадын хойгт дайн хийж шившигтэй ялагдал хүлээсэн юм. 1945 оны 8-р сарын 6 - д Хиросима ; 8 - р сарын 9 - д Нагасаки хотод америкийн дайнчид цэрэг дайны шаардлага байгаагүй атал улс төрийн зорилгоор атомын бөмбөг хаяж олон 100 000 хүний амь насыг бүрэлгэсэн билээ.
USSR & RF = Evil Empires
Энэ нэг сэтгэцийн өөрчлөлттэй Сүхбаатар гэж нэр нь томдсон юм оросод сурч байгаад хөөгдөж ирсэн гар байхаа Монгол улсад хэрэгтэй юм бичээсэй