Мэдлэг боловсрол, бүтээлч чанар, шинэ санаа, сайн үйлс, авьяас, ур чадвараараа онцгой амжилт гаргасан бакалаврын хөтөлбөрийн өдрийн ангийн оюутнууд болон коллеж, мэргэжлийн сургалт, үйлдвэрлэлийн төвд суралцагчдаас шалгаруулан “Монгол Улсын Ерөнхий сайдын нэрэмжит тэтгэлэг” олгоно.
Тэтгэлэгт нэр дэвшигчийн материалыг Засгийн газрын 2014 оны 111 дүгээр тогтоолоор баталсан “Шилдэг оюутанд Монгол Улсын Ерөнхийлөгчийн болон Ерөнхий сайдын нэрэмжит тэтгэлэг олгох журам”-ын дагуу Засгийн газрын Хэрэг эрхлэх газарт буюу Төрийн ордны шуудангаар хүлээн авна.
Бүрдүүлэх материал:
· Сургуулийн захиргаа, эсхүл оюутны байгууллагаас Ерөнхий сайдын нэрэмжит тэтгэлэгт нэр дэвшүүлэх тухай албан тоот;
· Тэтгэлэгт нэр дэвшигчийн мэдүүлэг /Засгийн газрын 2014 оны 111 дүгээр тогтоолын 2 дугаар хавсралтын дагуу үнэн зөв, бүрэн гүйцэд, тодорхой бичих/;
· Дүнгийн тодорхойлолт;
· Тэтгэлгийн болзол хангасныг нотлох баримт материалууд /журмын 2.2-т заасны дагуу холбогдох баримт материалыг бүрдүүлж, төрөл, огноогоор нь эрэмбэлж дараалуулан товьёог үйлдсэн байх/;
· “Монгол Улсын ирээдүйн хөгжил ба миний оролцоо” сэдвээр 500 үгэнд багтаасан эссэ.
Материал хүлээн авах сүүлийн хугацаа: 2019 оны 11 дүгээр сарын 15-ны өдөр
Тэтгэлэг олгох журам болон Мэдүүлгийн загварыг дараах холбоосоор харна уу.
Тэтгэлэг олгох журам: https://www.legalinfo.mn/annex/details/6295?lawid=9882
Мэдүүлгийн загвар: https://www.legalinfo.mn/annex/details/6653?lawid=9882
Дэлгэрэнгүй мэдээллийг Засгийн газрын Хэрэг эрхлэх газрын 51-264450 утсаар холбогдон тодруулах боломжтой.
Сэтгэгдэл0
Татвар төлөгчдийн хөрөнгө мөнгийг улс төоийн зорилгоор ашиглахыг хуулиар болиулмаар юм. ЕС төсөвийг алдагдалгүй татвар төлөгч нийт ард түмэн, аж ахуйн нэгжүүдийн бизнэс хийж ашиг олж эргээд татвараа улам их хэмжээгээр төлөх таатай нөхцөл хөшүүрэг бий болгох замаар ажилаа хийж дүгнүүлдэг баймаар. Үр ашиг өгөх төмөр зам , дэд бүтэц бий болгох төслийг бодлогоор дэмжиа (түгжрэлийг арилгах эко нийтийн тээвэр, утаагүй болгох бодлого гэх мэт). Үр ашиггүй төмөо зам, нарийн ТЭЗҮгүй төсөл, жилд нэг удаа ашиглах шинэ цэнгэлдэх хүрээлэн, мүзэй театр гэж эдийн засгийг уруудуулах поп төслүүд, өөрийн нэрэмжит шагнал, тэтгэлэг зарцуулснаас, өр ширээ дарах, төгрөгөө тогтвортой байлгах, гадны хөрөнгө татах таатай нөхцөл бүрдүүлэх зэргээр ажлаа дүгнүүлдэг баймаар