Бямба - 04 сарын 20,
2024
ВАШИНГТОН. /BBC/. АНУ-ын Ерөнхийлөгчөөр сонгогдоод буй Жо Байдены тангараг өргөх ёслол ирэх лхагва гарагт болох гэж буйг угтан 50 муж улс болон нийслэл хотод энэ долоо хоногийн амралтын өдрүүдээр зэвсэгт жагсаал өрнөж болзошгүй тул бэлэн байдлыг хангаж байна.
АНУ-д энэ сарын 6-нд болсон эмх замбараагүй байдал дахин давтагдахаас сэргийлэхийн тулд Үндэсний гвардын цэргүүдийг Вашингтон хот руу илгээжээ. Холбооны мөрдөх товчоо Ерөнхийлөгч Дональд Трампыг дэмжигчид бүх 50 муж улсад зэвсэгт жагсааж хийж болзошгүйг анхааруулжээ.
Мөн Вашингтонд баасан гарагт аюулгүй байдлыг чангатгасны дараа зэвсэглэсэн эрэгтэйг баривчилсан байна. Капитолын Цагдаагийн албанаас уг мэдээллийг бямба гарагт баталжээ. Гэвч тэрбээр аюулгүй байдлын хувийн фирмтэй хамтран ажилладаг гэдгээ мэдүүлсэн тул сулласан байна.
Вашингтонд аюулгүй байдлыг чангатгаж, олон гудамж, Капитолын байрны ойролцоох хэсгүүдийн замыг хаагаад байх үед дээрх баривчилгааг хийжээ. Мөн тангараг өргөх ёслолын үеэр олон мянган хүн цугладаг “National Mall” хүрээлэнг Ерөнхийлөгчийн аюулгүй байдлыг хамгаалах агентлагийн хүсэлтээр түр хаахаар болжээ.
Мөн Ж.Байдены шилжилтийн баг “COVID-19” цар тахал дэгдсэн энэ үед тангараг өргөх ёслолтой холбогдуулан Вашингтоныг зорихоос татгалзахыг америкчуудаас хүсжээ. Ард иргэд ёслолын үйл ажиллагааг алсаас үзэх хэрэгтэй гэж орон нутгийн эрх баригчид мэдэгдсэн байна.Д.Трампыг дэмжигч, хэт барууныг баримтлагч цахим сүлжээнүүдэд ням гарагт зэвсэгт жагсаал хийхийг уриалсан нийтлэлүүд гарсан тул өнөөдөр жагсаал цуглаанд онцгой анхаарал хандуулах төлөвтэй байна.
Энэ долоо хоногт Д.Трамп хариуцлага алдсаныхаа төлөө албан тушаалаас нь огцруулж шүүхэд татах асуудалд /импичмент/ хоёр дахь удаагаа холбогдсон АНУ-ын түүхэн дэх анхны Ерөнхийлөгч болсон юм. Төлөөлөгчдийн танхим Ерөнхийлөгч Трампыг буруутгасан зүйл заалт бүхий тогтоолыг хэлэлцэн баталж, түүнийг эмх замбараагүй байдалд өдөөн турхирсан хэрэгт буруутай гэж үзсэн бөгөөд уг тогтоолыг Сенатын танхим хэлэлцэнэ.
Д.Трампыг дэмжигчид Ж.Байденыг ерөнхийлөгчийн сонгуульд ялалт байгуулсныг батлах Конгрессын хуралдааныг тасалдуулахын тулд нэгдүгээр сарын 6-нд Капитолын байр луу халдсан юм. Уг эмх замбараагүй байдлын үеэр таван хүн амиа алдсаны дунд цагдаагийн нэг ажилтан байжээ.
Э.Хулан
Эх сурвалж: "Монцамэ" агентлаг
Сэтгэгдэл0
Америк иргэдийн тал нь трампыг дэмждэг гэхээр байден ерөнхийлөгчийн сонгуульд ялсан гэдэг үнэмшилгүй байна.
50 хувийн эрх ашгийнхаа амыг хаадаг ардчилал
Ардчилсан оронд иргэн юу дуртайгаа хийж эсэргүүцлээ илэрхийлж болдог гээд манай Ардчилагчид дандаа сургадаг! Манайд бол эсэргүүцлээ илэрхийлж шатааж ч болдог эрх чөлөөтэй байхад энэ Америкд юу болоод бн аа?? Ардчилалын эх орон гэдэг нь худлаа болжийн уу?? Хидад , Оросоос илүү шууд цэрэг зэв сэг болоод үнэн аймаар юмаа??!!
дахиж хэзээ ч эвлэршгүй улаан цагаан болж бүх дэлхийг бүрхэх октябрь Өвлийн орд руу дайрсан диаспор нэг дайралтаар авч чадаагүй байна Угсраа сери довтолгоонд бэлтгэж байгаа юм байна Дараа нь партизаны дайнд бэлтгэнэ биз Бүр сүүлдээ нууц байдалд орно улс төрийн ухамсартай шинэ хүчин үүснэ---------
ОКТЯБРЬ Ч ГЭХ ШИГ ИЙМ ХҮН ОДОО БИДНИЙ ДУНД БАЙГАА ЮМ УУ БАЗАРВААНЬ ҮХЭЭЛ ТААРНА ЧИ ХӨ
АНУс. Ардчилал бдаггүй юм
Та нар сүүлийн үед нэг юм анзаарч байна уу. АН н их мэдэгч пастор баабар АНУ г шүлсээ гоожуулаад магтаад байдгаа болиод монголын түүх рүү орсныг. Тэрэнд бас бага ч гэсэн ичих мэдрэмж байсан байна. Донгосоод байсан бүхэн нь худлаа хуурамч болсноос хөөрхий нүүрээ хийх газаргүй болсон.Одоо тэгээд гэм хор багатайгаар нь монголын түүхийг л завхруулж суух шив дээ. "Ардчилал гэж хаана ч байхгүй. Улс бүр өөр өөрийн хуулиар улсаа удирдах ёстой" гэсэн Трампын үгийг сануулъя.