Бүгд Найрамдах Өмнөд Судан Улсад хэрэгжүүлж буй НҮБ-ын энхийг дэмжих “UNMISS” ажиллагаанд манай улсын Зэвсэгт хүчний цэргийн алба хаагчид 2012 оны 4 дүгээр сараас оролцож байна. Монголын энхийг сахиулагчид үүргээ нэр төртэй гүйцэтгэсэн тухай мэдээллийг дахин ирүүлжээ.
Өчигдөр гэхэд ахлагч Э.Энхээ, С.Эрдэнэбилэг нар харуулын цэг дээр үүрэг гүйцэтгэж байхдаа сэжиг бүхий орон нутгийн 4 иргэнийг анзаарч, нуусан байсан зэвсэглэлийг илрүүлж үүсэх аюулаас олон мянган иргэдийн амь насыг хамгаалж чадсан мэдээ нийгэмд тархсан. Тэгвэл энэ сарын 25-нд НҮБ-ын бааз болон дотоодын дүрвэгсдийн хуаранд халдсан халдлагыг Монгол Улсын цэргийн багийн бие бүрэлдэхүүн амжилттай няцаасан байна.
НҮБ-ын баазын зүүн өмнө зүгт 250 орчим метрийн зайнаас ойролцоогоор 40 гаруй сумаар чиглэсэн болон үргэлжилсэн буудлага явагдаж байсан учраас харуулын цэгүүдийг хүч нэмэгдүүлж, шуурхай бүлгийн бүрэлдэхүүнээр хуягт техникүүдийг гаргаж, хүчжүүлсэн хамгаалалтыг богино хугацаанд зохион байгуулсан аж. Зэвсэглэсэн этгээдүүд 30 гаруй удаа буудахын зэрэгцээ гар гранатомётоор дахин буудлага явуулж байсан гэнэ. Түүгээр зогсохгүй НҮБ-ын энгийн ажилчдын байрлал руу тооны буудлагыг үйлдэж, НҮБ-ын бааз руу гар гранатомёт/РПГ-7/-оор буудсан боловч уг гранат нь НҮБ-ын энгийн ажилчдын байрлал болон нисдэг тэрэгний зогсоолын ойролцоо унаж, аз болоход тэсрээгүй байна. Гранатыг НҮБ-ын мина хайгуул устгалын бүлгийн бүрэлдэхүүнтэй хамтран аюулгүй болгосон байна.
Буудлагын үеэр манай цэргийн баг болон НҮБ-ын ажилтнуудын хувьд ямар нэгэн хохирол амсаагүй ба олон арван хүнийг аймшигт эрсдэлд орох, амь насаа алдахаас урьдчилан сэргийлж чадсан байна.
Ж.Батсайхан
Эх сурвалж: “Монцамэ” агентлаг
Сэтгэгдэл0
woow
Za ymar ch baisan manai tserguud baildaad uzsen um baina gej oilgoloo. Tushaal bol tushaal gedeg ch zaya muutai haruudiig hamgaalhaasaa iluugeer oorsdiigoo sain bodooroi. Ah ni ayn zamiin erool neg baitugai hediig araas chini unshiy.
Сайн байна, гэхдээ өөрснөө эрсдэх бий вий, машид болгоомжтой байна шүү хүүхдүүд минь.
mongol hund baidag tsusni zan chanariig n hugjuuleed ugvul manai batlan hamgaalah huch tiim muu bish bhaa
Manai zaluus khamgiin shildeg
буудлага хийж, буудлага үйлдэж, буудлага явуулж..... Зүгээр л БУУДАЖ гээд бичиж болдоггүй юм уу, сэтгүүлч нэртэй мал аа?
сэтгүүлчид гэж бантан болсон, ямар ч мэдлэггүй малнуудыг ихээр үйлдвэрлэснийх.
АН л гэсэн уг
улс төржин гэхэд арай ч гэмээр дэндэх юмаа. МАН-ын ялагдаж,эрх мэдлээ алдсан нөхөр л байхдаа. АН энд ямар хамаа байНА. Монголын нийгэм бүр галзуурчихаж. Энэ мал бодволажилгүй, орлогогүй, эрх мэдэл, албан тушаал, авилга алдах боломжоо алдсан нэг муу шаар байгаа даа
Otgoo duu min Sudand baigaa yumsan. Gaigui l baidag baigaa daa. Burhan min!
Mongol ehiin suugeer boojson baataruud min
Монгол залуусын хийморь нь өөдөө байг! Бас тэднийг нутгийнх нь уулс,хөх тэнгэр нь үргэлж ивээж байх болтугай!
40 sumaar buudaad haldlagyg nyatsasan yum uu oilgosongui
Сумны ТОО, буудлагын ТОО гээд их ойлгомжгуй болоод явчихлаа. Ийм муу бичихээ чинь ногоо "худлаа унаад ошиглосон" гэдэг бодчих гээд байна шуу.
Баяр хүргэе. Олон хүний амь насыг хамгаалж чадсан байна. Нэг зүйлийг хэлэхэд НАТО болон НҮБ -ийн Цэнхэр дуулгатны ангиуд монгол цэргүүдээр хамгаалуулж байгаадаа амар амгалан унтаж амардаг гэсэн шүү...