Улсын Их Хурлын гишүүн Ц.Оюунгэрэл ХБНГУ-аас Монгол Улсад суугаа Онц бөгөөд Бүрэн эрхт Элчин сайд ноён Герхард Тийдеманныг хүсэлтийнх нь дагуу өнөөдөр /2016.05.18/ хүлээн авч уулзлаа.
Уулзалтын эхэнд Элчин сайд ноён Герхард Тийдеманн удахгүй Шинэ Зеланд улсад очиж ажиллахаар зэхэж буйгаа дурдаад Монгол Улсад ажиллах хугацаандаа УИХ-ын гишүүн, Соёл, спорт, аялал жуулчлалын сайд асан Ц.Оюунгэрэлийг хоёр орны соёлын хамтын ажиллагаа тэр дундаа археологийн олдворын судалгааны ажилд онцлгойлон анхаарч ажилласанд талархал илэрхийлэв.
Улсын Их Хурлын гишүүн Ц.Оюунгэрэл, Соёл, спорт, аялал жуулчлалын сайдаар ажиллах үедээ ХБНГУ-ын дэмжлэгтэйгээр Хархоринд байгуулсан ил музей болон Алтай ятга тэргүүтэй олон олдворыг Монголд ирүүлж олон түмэнд таниулсан нь хоёр улсын соёлын хамтын ажиллагаанд тодоор бичигдэх дурдатгал болно гэдэгт итгэлтэй байна хэмээв.
Мөн тэрээр Монгол, Германы хамтарсан ил музейн бүтээн байгуулалт нь Монгол Улсын археологийн ирээдүйн үйл ажиллагаанд жишиг болохуйц хамтын ажиллагаа байсан гэдгийг онцлов.
Түүнчлэн Элчин сайд ноён Герхард Тийдеманн мөстлөгийн үеийн занданшуулсан шарилын талаарх судалгааг Монголын Үндэсний музейтэй хамтран энэ зун ажил хэрэг болгохоор төлөвлөж байгаа талаар сонирхуулаад Улсын Их Хурлын гишүүн Ц.Оюунгэрэлд Хархорум хотын архелогийн судалгааны тухай мэдээлэл бүхий номыг дурсгал болгон өгөв.
Уулзалтын үеэр талууд Улсын Их Хурлын чуулганаар өнгөрөгч баасан гарагт батлагдсан Эрүүгийн хэрэг хянан шийдвэрлэх тухай, Хууль сахиулах үйл ажиллагааны тухай хуулийн талаар ярилцаж, мэдээлэл солилцлоо хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
Сэтгэгдэл0
Zokhiol bichikheesee uldaar zokhiol sain unsh. Ter nogoon nuden lam gedeg chini zokhiol bish shuu dee. Yadaj zokhioliig yaj zokhioj yaj bichdeg talaar S.Eredene, S.Dashdoorov, Luvsantseren, Digmid, D.Myagmar naraas suralysaach. YUm medekhgui Amrichuudad Mongol ulsad bolson khelmegduulelyiin talaar bukhnii medekh zuilsiig ur dui muutaikhan evluulen bichsen baisan ba Dashnyam gedeg khunii bichsen Ulzii naragiin uchil gedeg nomiinoos gol sanaagaa avaad zokhiochikhson yum bish uu.
bataar bataar geseer baigaad l khugatsaagaa unguruusun dee khurkhii. DINOZAUR -iin MUZEY gedeggui yum. Yadaj bolovsrol medlegtei bai tend chini gants ert galaviin amitanaas gadna urgamliin aimag khurtel sudlagddag yum PALEONTLOGY gej ner tomyo baina. PALEONTOLOGIIN MUZEY gel Dee.
nogoon nudtei lam tiim ih sonin edyy