sonin.mn
Сэтгэгдэл (0)
НЬЮ-ЙОРК. /ТАСС/. Саудын Арабын сэтгүүлч Жамаль Хашоггийн амийг хөнөөсөн хэрэгт хариуцлага хүлээх этгээдүүдийн эсрэг хориг арга хэмжээг авч хэрэгжүүлэхэд шаардагдах мэдээллийг цуглуулахад Америйн эрх баригчдад хэдхэн долоо хоног хэрэгтэй байна гэж АНУ-ын Төрийн нарийн бичгийн дарга Майкл Помпео “ KMOX” радиогийн хөтлөгч Марк Рирдоны нэвтрүүлэгт оролцохдоо мэдэгджээ.
Саудын Арабд авах цаашдын арга хэмжээнүүдийн талаар түүнээс тодруулахад “Бид нөхцөл байдлыг тодруулсаар байгаа.Үнэхээр хориг арга хэмжээнүүдийг авч хэрэгжүүлж чадах эсэхийг шийдвэрлэхэд бидэнд хэдхэн долоо хоног шаардлагатай байна. Гэхдээ бид үүнийг хийж чадна гэж бодож байна” хэмээн тэрбээр хэлсэн байна.
М.Помпео АНУ болон Саудын Арабын эрх баригчдын харилцааг гүнзгий бөгөөд урт хугацааны хэмээн тодорхойлжээ. Түүнчлэн тэрбээр Турк дахь Ерөнхий Консулын газар Жамаль Хашоггийн амийг хөнөөсөн хэргийг байж боломгүй явдал гэж үзэж байгаагаа илэрхийлэхийн сацуу энэ хэргийг хариу арга хэмжээ авалгүйгээр өнгөрөөхгүй гэж амлажээ. 
 
Э.Аянзаяа
Эх сурвалж: Монцамэ агентлаг