sonin.mn
Сэтгэгдэл (0)
Өнгөрсөн ням гаригийн шөнийн 00.00 цагийн vед Усан спорт сургалтын төвийн том бассейны дээврээс зэвэнд идэгдсэн хэсэг төмөр нурсан байна. Бассейн 28 дахь жилдээ их засваргvй ажиллаж байгаа аж. Усан спорт сургалтын төвийн захирал Г.Арслангаас дараахь зvйлийг тодрууллаа. 
 
 
-Төв бассейны дээвэр хэзээ нурсан бэ. Та нар хэдийд мэдсэн бэ? 
 
-Өнгөрсөн ням гаригийн шөнийн 24:00 цагийн vед нурсан. Манай сантехникийн хоёр ажилтан бидэнд мэдэгдсэн юм. 
 
 
-Дээврээс хичнээн хэмжээний төмөр унасан бэ? 
 
-Нийтдээ зургаан том дээвэр унасан. Засварт ороогvй учраас мараалын элэгдэлд ороод нурж байна. Энэ бассейн 1986 онд анх ашиглалтад орсон. 28 жил vйл ажиллагаа явуулахдаа нэг ч удаа их засварт ороогvй байгаа. Иймээс их засварт оруулах шаардлагатай байна. Засвар хийх мөнгийг төрөөс төсөвлөж өгөхгvй байгаа.
 
Бид өөрсдийн хvчин чадлаараа ажиллаж байна. Зуны улиралд бороо орохоор дээврээс маш их хэмжээний ус гоождог юм. Мөн цэвэршvvлэх байгууламжийн бvх труба болон бусад бvх зvйл нь зэвэрч муудсан байгаа. 
 
 
-Их засвар хийгдэх vv? 
 
-Би 2012 оны аравдугаар сарын 05-нд ажил хvлээн авсан өдрөөсөө л эхлэн хотын удирдлагуудад хандан их засварыг яаралтай хийх шаардлагатай талаар олон удаа албан бичиг өгч, биечлэн уулзаж байсан боловч ямар нэг хариу өгөөгvй.
 
Харин их засвар хийлгvй байлгаж байгаад нураана гэхийг нь би өнгөрсөн хагас сайн өдөр сонслоо. Vнэн, худлыг мэдэхгvй. Хотын удирдлагууд хотын төвийн газрыг нь “сонирхож” байх ч магадлалтай болов уу, эсвэл хувьчлах гэж байж магадгvй юм.
 
Мөн өнгөрсөн хагас сайн өдөр болсон хурлаар манай бассейныг алдагдалтай ажиллаж байгаа. Харин “Улаанбаатар чуулга”-ыг алдагдалгvй ажиллаж байна хэлж байсан.
 
Vнэндээ “Улаанбаатар чуулга” улсаас мөнгө авч ажилчдынхаа цалинг тавьдаг байгууллага шvv дээ. Харин манай бассейн улсаас ямар ч мөнгө авдаггvй өөрсдөө цалин мөнгөө тавьж, засвар vйлчилгээ хийж байна. 
 
 
-Их засвар хийхэд хичнээн хэмжээний мөнгө хэрэгтэй вэ? 
 
-3-6 тэрбум төгрөг хэрэгтэй. 
 
 
-Хэдэн төгрөгийн алдагдалтай ажиллаж байна гэсэн бэ? 
 
-184 сая төгрөгийн алдагдалтай ажиллаж байна гэсэн. Төрөөс мөнгө авч байгаа Улаанбаатар чуулга, төрөөс нэг ч мөнгө авдаггvй газар хоёр өөр шvv дээ. Том бассейн орлого сайн олдог газар юм. Одоо том бассейн ажиллахгvй бол алдагдалд орох магадал өндөр хувьтай байна. 
 
 
-Том бассейн одоо vйл ажиллагаа явуулах боломжгvй болсон гэсэн vг vv? 
 
-Одоогоор дур мэдэж vйл ажиллагаа явуулах боломжгvй. Яагаад гэхээр дээвэр нурах магадал маш өндөр байна.
 
 
-Тэгэхээр төв бассейн ажиллахгvй гэсэн vг vv? 
 
-Зөвхөн том бассейн ажиллахгvй. Харин жижиг бассейн болон бусад газар хэвийн vйл ажиллагаа явуулна. 
 
 
-Том бассейнд өдөр хичнээн хvн ордог бэ? 
 
-Өдөрт 100-600 хvн ордог юм. 
 
 
-Том бассейн нурсан талаар нийслэлийн удирдлага болон холбогдох хvмvvст мэдэгдсэн vv? 
 
-Ажилдаа ирэнгvvтээ нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэлтэй утсаар холбогдож хэлсэн боловч хуралтай байна гээд утсаа салгасан. Ийм байж болохгvй шvv дээ.
 
Н.Алтанцэцэг 
 
Эх сурвалж: