Өнөөдөр Дүүргийн Эрүүгийн хэргийн анхан шатны хоёрдугаар шүүхэд занданшуулсан шарил хулгайлан, хууль бусаар худалдах гэж оролдсон этгээдийг шүүх хурал болж байна.
Энэ оны нэгдүгээр сарын сүүлээр нийслэлийн Сонгинохайрхан дүүргийн 9-р хорооны нутаг дэвсгэрээс занданшуулсан шарил олдож, хууль бусаар худалдах гэж байна гэсэн мэдээ шуугиан дэгдээж байсан. Тухайн үед энэ хэргийг шалгахад иргэн Д.Энхтөр нь Архангай аймгийн Цахир сумын нутаг Содномдаржаа уулын өврөөс занданшуулсан шарилыг хулгайлан хил дамнуулан худалдаалах гэж байгаад цагдаад баригдсан юм. Түүнийг Эрүүгийн хуулийн 129.1-т зааснаар булш сүйтгэсэн буюу түүнд байсан эд зүйлийг авсан хэрэгт буруутган шүүж байна. Түүнийг шүүхээс буруутай гэж үзвэл хөдөлмөрийн хөлсний доод хэмжээг 51-250 дахин нэмэгдүүлсэнтэй тэнцэх хэмжээний төгрөгөөр торгох, эсхүл гурваас дээш зургаан сар хүртэл хугацаагаар баривчлах ял оноох юм.
Ж.Батсайхан
Эх сурвалж: "Монцамэ" агентлаг
Сэтгэгдэл0
tsorj lam ooroo shiitegchih bailgui dee
С.Баярын хэрэг юу болсон бэ.
uyn boldgiim, turiin tolgoid hamt ideltsej yavsan humuus baigaa tsagt yuch bolohgui....
Энэ нөхөр урд нь далан давхар, нарангийн энгэрийн булш ухдаг байсан мэргэжлийн булшчин гэдгийг мэдэх хэрэгтэй.
Харин ч хэнч мэдээгүй тэр булшийг олж илэрүүлсэн нь Энхтөрийн гавьяа юм бишүү.