1981 онд ЗХУ /хуучнаар/, БНУАУ-ын тусламжтайгаар Монгол оронд генетикийн лабораторийг иж бүрнээр тоноглон бэлэглэжээ.
Энэ орчин үеийн лабораторийг нээхэд ЗХУ-ын Лениний болон Төрийн шагналт, академич Н.П.Дубинин, Унгарын академич Амсподий нар оролцсон байна. ШУА-ийн Ерөнхий ба сорилын биологийн хүрээлэнд генетикийн лабораторийг хүлээлгэн өгсний дараа Н.П.Дубинин гуай биологи, генетикийн салбарын залуу судлаачидтай уулзах санал тавьж, тэдний эрдэм, судалгааны ажлын явцыг сонссоны дараа залуу судлаач Ж.Батсуурийг сонгон, ШУА-ийн ерөнхийлөгч Б.Ширэндэв гуайтай уулзахдаа, түүнийг зөвлөлтийн шинжлэх ухааны академийн В.И.Вавиловын нэрэмжит хүрээлэнгийн аспирантурт суралцуулах санал тавихад зөвшөөрчээ. Маргааш нь академич Дубинин гуайг МАХН-ын Төв хорооны ерөнхий нарийн бичгийн дарга Ю.Цэдэнбал хүлээн авч уулзахад саналаа хэлэхэд уриалгахан, баярлаж дэмжжээ. Ингээд залуу судлаач Ж.Батсуурь 1982 оны нэгдүгээр сард Орос орныг зорилоо. Ерөнхий генетикийн хүрээлэнгийн аспиратур болоход нь профессор Ю.Г.Радиков удирдагч багшаар томилогджээ. Батсуурь өмнө нь Москвагийн Ломоносовын их сургуулийг төгссөн бөгөөд есөн жилийн дараа өөрийнх нь дипломын ажлыг удирдаж байсан багштайгаа ерөөлөөр учирчээ.
1985 оны аравдугаар сард “БНМАУ-ын хүн амын удамшлын полимерт хэлбэршил ба гамма географийн судалгаа” сэдвээр дэд докторын бүтээлээ туурвижээ. Зөвлөлтийн хоёр том эрдэмтэн албан ёсны шүүмж бичжээ. Түүнд горилогчийн бүтээл дэд докторын бүтээлээс хавьгүй хол давсан тул шууд доктор хамгаалуулах нь зүйтэй гэсэн санал ирүүлжээ. Эрдмийн зөвлөлийн гишүүн 23 доктор шууд докторын зэрэг олгох санал дээр 100 хувь нэгджээ. Би Ю.Цэдэнбал, Б.Ширэндэв гуай нар дэмжсэнийг тухайн үедээ мэдээгүй, хожим дуулсан.
1986 оны гуравдугаар сард ЗХУ-ын Сайд нарын зөвлөлийн дэргэдэх эрдмийн зэрэг цол олгох комиссоос захидал ирүүлжээ. Уг захидалд биологийн ухааны дэд эрдэмтний дипломыг түр зогсоосугай. Цаашид үргэлжлүүлэн хамгаалахыг зөвшөөрсүгэй гэсэн утгатай байлаа. Учир нь биологийн тусгай сэтгүүлд уг бүтээлийг гурван сарын хугацаанд орон даяар мэргэжлийн хүмүүсээр хэлэлцүүлж, шүүмж, санал хүлээн авдаг журамтай аж.
Ж.Батсуурь дэд докторын бүтээлээ нэмэлт боловсруулалт хийж баяжуулан ажилласны дүнд эрдмийн зөвлөлийн хурлаар дахин хэлэлцүүлж 1986 оны зургадугаар сарын 20-нд биологийн шинжлэх ухааны доктор цол хамгаалжээ.
Ж.Батсуурь академич Дубинин, профессор Радиков, ШУА-ийн ерөнхийлөгч Б.Ширэндэв, Ю.Цэдэнбал нарын дэмжлэг, туслалцаатайгаар генетикч эрдэмтэн болжээ. Эдүгээ Ж.Батсуурь гуай Шинжлэх ухааны гавьяат зүтгэлтэн, доктор, профессор цолтой, дундаршгүй арвин эрдэм бүтээлээ үргэлжлүүлэн судалгаа шинжилгээний ажлаа туурвисаар явна.
Д.ДАВАА /судлаач, багш/
Эх сурвалж: Зууны мэдээ сонин
Сэтгэгдэл0
Монгол бахархал
Салбартаа хэнийг ч дагуулахгүй сайн эрдэмтэн гэж би боддог. Удмын сан муудах ямар аюултай, ер нь удам муудсан хүмүүс гэж хэнийг хэлдэг, үүнийг хэрхэн засаж болдог, цус ойртолт, Монголд ямар байгаа зэргийг товч тайлбарласан зүйлийг олон нийтэд мэдээлж байвал ард иргэд эрдэмтэн мэргэдээ "улс төрчдөөс" илүү сонсоно шүү.
ene bol gaihamsigtai baharhal bas iim erdemtedeeree hicheel nomoon zaalgadag gedegt itgene,bas ene tor ni ene metiin erdemtedeeree sanal onoliig ni asyyj tedniihee hychiig asiglah ni ylasiin maani yndes yum!
шаал худлаа хулхиар чихнээс нь чангааж хучээр шахуу узэл суртал идеолог пропагандын ууднээс шахсан хиймэл эрдэмтэн байна.
эмчид очивол зугээр гэж хэлье, таньд
109..100 чи нөгөө АНы атаархуу болван нь уу. Хулгай хийж худлаа шаахаас өөр эрдэм гэж та нарт байх биш
ахмад хөгшин эрдэмтэн докторууд нь ШУНАЛАА хязгаарлаж,залуу эрдэмтэн докторууд нь ДОЛИГНОЛ ЗУСАРДАЛАА больсон цагт МОНГОЛЫН ШИНЖИЛЭХ УХААН ХӨГЖИНӨ. ХУДЛАА ГЭВЭЛ ШИНЖИЛЖХ УХААНЫ АКАДЕМИ ГЭГЧ ТЭР ДУНДАА АНАГААХЫН шуакадеми гэгчийг очоод хараарай
ахмад хөгшин эрдэмтэн докторууд нь ШУНАЛАА хязгаарлаж,залуу эрдэмтэн докторууд нь ДОЛИГНОЛ ЗУСАРДАЛАА больсон цагт МОНГОЛЫН ШИНЖИЛЭХ УХААН ХӨГЖИНӨ. ХУДЛАА ГЭВЭЛ ШИНЖИЛЖХ УХААНЫ АКАДЕМИ ГЭГЧ ТЭР ДУНДАА АНАГААХЫН шуакадеми гэгчийг очоод хараарай
Их мөрөн дөлгөөн, эрдэмт хүн даруу гэдэг үгс үе үеийн суутнуудад зориулагдсан сайхан ерөөл шүү. Эрдмийн ажлаа л хийж байвал барав тиймээ. Тэртээ тэргүй одоо, ирээдүй үр шимийг нь хүртхээс хойш. Энэ хүнийг бүрэн хүчин чадлаар нь ажиллуулж бүх шим шүүсийг нь сорох ухаан байна уу, манай төр засагт.