sonin.mn
Сэтгэгдэл (0)

 

Ховд аймгийн Засаг дарга Д.Цэвээнравдан ба­руун хязгаарыг өөрийн болгож дураараа авирлаж байна аа. Учир аймгийнхаа  шүүгч нартай  нийлж  хуулийг гууль болгож  нэгэн ядарсан залууг хилсээр гүт­гэж  тэдний амьдралыг са­маралцахад оролцсон тухай бид мэдээлж байсан.  
 
 
Тэгвэл  өнгөрсөн хоёр­­дугаар сард боловс­ролын салбартаа огцом эргэлт хийж  51 багшийг үндэс­лэлгүй халсан  тухай ч өмнө бид дурдаж байсан. Тэгвэл шүүхийн шийдвэр өнгөрсөн сарын 5-нд гарч Д.Цэвээнравданг буруу шийдвэр гаргасан гэж тог­тоосон.
 
 
 Гэтэл Засаг ноён­тон шүүхийн шийд­вэрийг үл огоорч өнөөг хүртэл багш нарыг нь ажилд эргүүлэн авалгүйгээр шинээр томил­гоонууд хийгээд эхэлсэн аж. Тус  аймгийн  Захир­гааны хэргийн шүүхээс Д.Цэвээнравдангийн гарга­сан захирамжийг хянаж үзээд  хэд хэдэн хууль зөрч­сөн үйлдэл байсныг нь тог­тоосон байдаг.
 
 
Тухайлбал Төрийн албаны зөвлөлөөс  энэ оны нэгдүгээр сард тус аймгийн боловсролын салбарт уг зөвлөмжийг хүр­гүүлсэн бай­жээ.  Тодруулбал “Салбар зөв­­лөлийн дарга нарыг ал­бан ёсоор баталгаажуулах хүртэлх хугацаанд төрийн удирдах албан тушаалтны сонгон шалгаруулалт зар­лах­­гүй байх” зөвлөмж хүр­гүүлжээ. 
 
 
Энэхүү зөвлөмжийг давж заалдах шатны шүүх хэ­­лэлцээд Засаг даргын за­хирамж болоод сонгон шал­гаруулалт нь хууль зөрч­сөн болохыг тогтоосон юм.  Товчхондоо  Засаг ноёныг үндэслэлгүй захирамж гар­гаж, олон хүнийг хохи­роосон хэмээн үзсэн гэсэн үг.
 
 
Тиймээс нутгийн иргэд өдгөөг хүртэл асуудал ший­­дэгдэхгүй байгаа тул хэвлэл мэдээллийн  сал­бар руу мессеж илгээж өөрс­дий­гөө нийслэлд ирж Д.Цэвээнравдантай хол­боо­той хууль бус үйлдлийг олон нийтэд ил болгож тавина хэмээн мэдэгдсэн юм. 
 
 
Бидэнтэй утсаар хол­богдсон багш  Х.Баярсайхан хэлэхдээ “Боловсролын сал­барт 20 гаруй жил ажил­лаж түмний хүүхддийг эрдэм номд сургах гэж залуу насаа зориулсан хүн байна. Гэтэл хэн нэгэн намчирхсан хүн гарч ирээд нам намаар нь ялгаж олон хүнийг ажлаас нь хоморголон халсанд багш бид  эсэргүүцэж байна. 
 
 
Учир нь өнгөрсөн сард  хууль бус захирамж гаргасан байна гэдгийг нь шүүх тог­­тоогоод өгсөн байхад Д.Цэвээравдан өдий болтол үл тоож байгаа нь ямар зорилгоор ийм бусармаг зүйл хийсэн нь ойлгомжтой байна.
 
 
Бид энэ тухайгаа хо­тын  нэгдсэн  хэвлэлүүд рүү мэдэгдэж ажлаас халагд­сан зарим багш нар /хотод/  болж буй үйл явдлын талаар та бүхэнд мэдээлсэн байх ёстой.
Хэрэв энэ хүн шүүхээс гаргасан шийдвэрийг да­хин хянаж үзэхгүй бол бид Улаанбатар  хотод очиж БШУ-ны  яам болон Сүх­баатарын талбайд өлс­гөлөн зарлах болно.
 
 
Бидэнд үүнээс өөр боломж байхгүй. Хуулийг  үл тоож  байгаа  хүн  бидний үгийг яаж сон­сох вэ дээ” гэсэн юм. Ямартай ч тус салбарт 20 гаруй жил ажилласан багшийн ярьснаар мань За­саг ноёнтон намын харьяал­­лаас болж ажлаас хо­мор­­голон халсан бол үнэ­хээр харамсалтай юм.  
 
 
Тус аймагт МУБИС-ийн нэг салбар  нь  байдаг юм.  Гэтэл тус  сургуулийн  ТУЗ-ийн даргаар Гадаа­дын иргэн харьяатын асуу­­дал эрхэлсэн газрын дарга Б.Пүрэвдоржийг сон­­­­госон аж.  Гэтэл түү­нийг сонгогд­соноос  хойш    Д.Цэвээн­равдан түүнтэй их л сү­жирч  олон  хуумгай ажил хийс­нийг ч ярьж байсан.
 
 
Уг нь Д.Цэвээнравдан аймгийн Засаг даргын суу­далд их л зовж байж суусан гэсэн.  Ховд аймгийн Жаргалант сумын хоёрдугаар цэцэр­лэгийн эрхлэгч Г.Оюунчимэг хэлэхдээ “Шинэчлэлийн Засгийн  газрын нэрийг барь­сан хэсэг бүлэг нөхөд бо­­ловсролын салбар дахь тө­рийн албан хаагчдыг хо­морголон халж байгаад харамсч байна.
 
 
Учир нь томчууд бидний дунд олон мянган хүүхэд хохирч байна гэдгийг яагаад ойлгохгүй байгаа юм бол.  Улсын чанартай олон уралдаан тэмцээн сурагч нарын  дунд  зохигддог. Гэтэл энэ бүгд алдагдаж байгаад  багш хүний хувьд харамсч байна.  
 
 
Засаг дарга Д.Цэвээн­равдан шинээр бий болсон залуу боловсон хүчин болон  дадлага туршлагатай  багш нараа ажлаас халсан нь  боловсролын салбарт хийж байгаа шинэчлэлт биш шүү дээ. Энэ нь зөвхөн өөрийн намын нөхдийг ажилд авах гэсэн  атгаг санаа.
 
 
Тиймээс боловсролын салбарыг бит­гий улстөр­жүү­лээч гэж хүс­мээр байна” гэлээ.Шинэчилэлийн Засгийн газрын тэргүүн  төрийн албанд ажиллаж байсан хү­­мүүсийг ажлаас халж бай­гаа нь намтай ямар ч хамааралгүй гэж мэдэгдэж байсан. 
 
 
Тэгвэл дээрх багш нарын хэлж буйгаар АН-ын гэх тодотголтой хүмүүсийг үл­дээж   гудамжинд   лааз өшиг­лөөд   явж байсан  дадлага туршлагагүй хүмүүсээр түмний хүүхдүүдийг сурган хүмүүжүүлнэ гэвэл ёстой үлгэр гэж хэлж байсан юм. Энэ нь ч үнэний ортой. 
 
 
Өнөөдөр хэний ч мэдэх­гүй хэсэг бүлэг нөхөд тө­рийн албыг хийдүүлж ах дүү амраг садангаа цуг­луулж  айлын гал тогоо мэт  болсон гэж хэлэхэд нэг их хилсдэхгүй байх.
 
 
 Ямартай ч Ховд айм­гийн Засаг ноёнтон Д.Цэвээн­равданг  шүүхээс гаргасан хууль тогтоомжоо эргэн харж олон хүний амь амьд­ралаар тоглохгүй байгаасай гэж нутгийн иргэд нь хүсч байгаа.  Цаашлаад боловсролын сал­барт хэн дуртай хүн нь ажилладагүйг  эрх биш эр­хэм  Засаг ноёнтон мэдмээр л юм даа.
 
 
Р.Төгс
 
Эх сурвалж: