sonin.mn
Сэтгэгдэл (0)

Увс аймгийн хилийн отрядын хариуцсан хэсгээр энэ сарын 17-ны өдөр ОХУ-ын талаас морьтой хүн улсын хил зөрчсөнийг хилчид илрүүлэн саатуулсан байна. Ан хийх зорилгоор хил зөрчсөн этгээдийг  нэгдүгээр сарын 18-ны өдөр Хилийн бүрэн эрхт төлөөлөгчийн туслахын хэмжээний уулзалтаар ОХУ-ын талд унаж явсан мориных нь хамт хүлээлгэн өгчээ.

 Мөн энэ сарын 13-ны өдөр Сэлэнгэ аймаг дахь Алтанбулаг автозамын шалган нэвтрүүлэх боомтоор Улаанбаатар-Улаан-Үүд чиглэлийн автобусаар зорчин явсан Монгол Улсын иргэн Э нь хуудас дутуу хүчин төгөлдөр бус баримт бичгээр улсын хилээр нэвтэрснийг хилчид илрүүлэн шалгаж байгаа аж. Түүнчлэн Сүхбаатар аймгийн отрядын хариуцсан хэсгээр энэ сарын 16-ны өдөр улсын хилийн шугамаас 1.5 км-т автомашинтай дөрвөн хүн ан хийх зорилгоор хилийн зурваст зөвшөөрөлгүй нэвтэрснийг хилчид илрүүлэн Захиргааны хариуцлагын тухай хуулийн дагуу торгууль ноогдуулсан байна. Харин дээрх иргэдийн авч явсан СКС маркийн нэг буу, ПС маркийн 33 ширхэг сумны хамт хураан авч Онгон сумын цагдаагийн хэсэгт нотломжоор хүлээлгэн өгсөн гэж Хил хамгаалах ерөнхий газраас мэдээлэв.

Ж.Батсайхан

Эх сурвалж: