Нийслэлийн ОБГ-т Налайх дүүргийн 3 дугаар хороо, Ар булгийн Ганц тов гэдэг газар хээрийн түймэр гарсан байна гэсэн дуудлага өчигдөр 15:10 цагт ирсний дагуу Аврах, гал унтраах 28 дугаар ангийн бэлтгэл ээлжийн 18 албан хаагч, 2 автомашинтай, орон нутгаас 13 иргэн, 1 автомашин, 1 мотоциклтой очиж унтраажээ.
Аврах ангийг очиход 20 га орчим өнжмөл өвс шатаж байсныг 18:00 цагт бүрэн унтрааж дүүргийн байгаль орчны байцаагчид хүлээлгэн өгчээ.
Мөн Багахангай дүүргийн 1 дүгээр хороо, Хангайн 9 дүгээр зөрлөг Хээхэрийн Гурван толгой гэдэг газар хээрийн түймэр гарсан байна гэсэн дуудлага өчигдөр 15:43 цагт ирснээр Аврах, гал унтраах 80 дугаар ангийн 21 албан хаагч, 3 автомашинтай, орон нутгаас 27 аж ахуйн нэгж байгууллагын 252 иргэн 45 автомашинтай гарч 315 га орчим өнжмөл өвс шатаж байсныг 19:01 цагт бүрэн унтрааж дүүргийн 1 дүгээр хорооны засаг даргад хүлээлгэн өгчээ.
Ойрын өдрүүдэд Нийслэлийн ОБГ-т өнжмөл шар өвс шатсан дуудлага нэмэгдэж байгаатай холбогдуулан иргэд, аж ахуйн нэгж, байгууллага, олон нийтийг галын аюулаас урьдчилан сэргийлж, ил задгай өвс, хог хаягдал шатаахгүй байхыг онцгойлон анхааруулж байна.
Ж.Болор
Эх сурвалж: "Монцамэ" агентлаг
Сэтгэгдэл0
Энэ гал гарсан нь үнэн гэвч гал гарахад ойт хээрийн түймэрийн эргүүл хийж байсан дэд ахлагч Магнайдорж налайх дүүргийн огцгой байдлын ангийн албан хаагч эргүүл хийж явсан 123-р цэцэрлэгийн хүмүүстэй хамтран мөн ойр хавын ард иргэдийг зохион байгуулж галыг цурманд олуулсан Онгой байдалын 028 налайх ангид дуудлага өгхөд гал намжсан хойно ирсэн машин цагтаа ангиас гарсанч ус нь халаад явахгүй 3-н удаа зогсож байж ирсэн гэрч болох ард иргэд олон байна уг нь төвөөсөө 8 км газар дуудлага асанаас хойш 2 цагын дараа арай гэж ирсэн иймэл машин техник байна төр улс минь
тэгээд нэг машин очсон худлаа хочр машин гээд ард иргэд тэнэг биш шүү ингэж худлаа бичиж байсанаас наад шарлага хангахгүй машинаа бичиж хөөцөлдөж солиоч