Баянзүрх дүүргийн нутагт байрладаг Оросын өмчлөлийн гэх тодотголтой орон сууцнуудад оршин суудаг иргэд “Бид хүний эрх, хууль, шударга ёсноос гадуур гадны түрээслэгчдэд дарлуулж, дарамтлуулж амьдарч байна” хэмээн зовлон тоочсоор 19 жилийн нүүрийг үзэж байна. Энэ хооронд жагсаал, суулт, хэвлэлийн хурал өчнөөн хийж, шат шатны байгууллагад өргөдөл гомдлоо өгч тэмцсэн ч асуудал огт шийдэгдсэнгүй.
Иргэд хэлэхдээ “Сүүлийн жилүүдэд түрээслэгч эзэд байнга солигдож байгаа. Дээр нь ОХУ-ын Влатас ХХК-ийн зүгээс иргэдээс авдаг түрээсээ байнга нэмж, түүнийгээ монгол мөнгөөр биш ам.доллараар төлүүлэх болсон. Эрх ашгаа хамгаалж үг хэлсэн, гомдол гаргасан иргэд, айл өрхийн усыг хааж, цахилгааныг хязгаарлачихдаг. Тэр бүү хэл, гэртээ усанд орж байсан хөгжлийн бэрхшээлтэй охины гэрт дайрч орж айлган сүрдүүлсэн. “Байраа сулла” хэмээн эд хогшлыг нь том цаасан хайрцагнуудад хийж зөөж гадагш гаргасан. Үүнээс үүдэн ханиад хүрч, эрүүл мэндийн байдал муудаж байсан. Шүүхийн шийдвэр гарсан бол яах вэ гэх сэн, гэтэл тийм зүйл огт байхгүй. Иргэд Баянзүрх дүүргийн Цагдаагийн газарт өдөр болгон шахам дуудлага өгдөг. Цагдаа ирж хөөгдсөн иргэдийг буцааж байранд нь оруулдаг ч түрээслэгчдийн байдал өөрчлөгдөггүй. Гэртээ орж болохгүйгээр хаалгыг нь гагначихдаг, хашааны үүдийг цоожилчихдог, ийм учраас гадаа салхинд гарч ч чадахгүй болсон” гэхчлэн иргэд зовлон тоочиж байна.
Гэртээ орж болохгүйгээр хаалгыг нь гагначихдаг, хашааны үүдийг цоожилчихдог, ийм учраас гадаа салхинд гарч ч чадахгүй болсон” гэхчлэн иргэд зовлон тоочиж байна.
Ямар учиртай, яагаад иргэд эх орондоо, өөрийн газар нутагт атал ОХУ-ын түрээслэгч компанийн дарангуйлалд ийм байдалтай амьдарч байна вэ. Энэ түүх 1971 онд БНМАУ-ЗСБНХУ-ын Засгийн газар хооронд хоёр хүний гарын үсэг зурсан протоколоор эхэлсэн юм. Маш нууцын зэрэглэлтэй гэсэн учраас тухайн үеийн АИХ, Засгийн газраар ч ороогүй. Ингэж явсаар 2001 онд нууцын зэрэглэлээс гарсан. Тэрхүү протокол нь ганц хатуу заалттай. Тэр нь тухайн үед Зөвлөлт Орос улсаас Монголд соицализм байгуулахад дэмжлэг туслалцаа үзүүлж байсан мэргэжилтнүүдийг байршуулах, тэдний ая тухтай байдлыг хангахад зориулсан 50 м/кв газар олгосон тухай. Түүний 40 мянган м/кв нь нийслэлд, 10 мянган м/кв нь Дархан хотод мэргэжилтнүүдийг байршуулах, дэлгүүр, цэцэрлэг, сургууль зэрэг үйлчилгээний газруудыг барихад зориулагджээ. Газрыг тухайн үед ямар ч татвар хураамжгүй, хугацаагүйгээр БНМАУ-аас ЗСБНХУ-д өгсөн байдаг. Тэрхүү газар дээрх обьектийг Оросын хөрөнгөөр барьж босгоно гэж тохиролцжээ. Ингэхдээ обьектийн доорх газраар тооцох бөгөөд орчин тойрны газар нь БНМАУ-ын газар гэж протоколд тусгасан байна. 1991 онд нийгэмд өөрчлөгдөж, Монголоос Зөвлөлтийн мэргэжилтнүүд гарч зарим үйлдвэр, обьект, бүтээн байгуулалтыг манай улсад шилжүүлэн өгөх ажил өрнөсөн. Гэвч, Баянзүрх дүүрэгт байрлалтай 14 орон сууцыг шилжүүлж өгөлгүй өөрсдийн мэдэлд үлдээсэн юм. Уг нь 1991 онд нийгэм өөрчлөгдсөн гэдэг үндэслэлээр хоёр улсын хоорондох дээрх протокол Олон Улсын Венийн конвенц болон 1992 оны шинэ Үндсэн хуулиар хүчингүй болох ёстой байж. Гэтэл хууль зөрчсөн асуудал өнөө хүртэл үргэлжлэн иргэдийг чирэгдүүлж байгаа нь энэ ажээ.
Түрээслэгч иргэд ч тухайн үед хууль зөрчсөн байранд орж байгаагаа мэдээгүй. Тэдний дотор тухайн үед гудамжинд амьдарч байсан хүн нэг ч байгаагүй. Зарим нь хашаа байшинд, зарим нь гэрт, эсвэл байгууллагаас өгсөн байранд амьдарч байгаад нөхцөл сайжрах нь гээд Оросын байр руу шилжиж орсон нь тэр. Гэтэл хууль зөрчсөн түрээсийн байрны асуудал хуульчлагдсан хэлбэрт шилжиж, оросуудын мөнгө олох хэрэгсэл болж иржээ. Иргэдийн зүгээс байраа хувьчилж авах, Монголын талд шилжүүлэх асуудлыг удаа дараа тавьж, төр, засгаас ч анхаарал хандуулна гэж амлаж ирсэн ч өнөө хүртэл өөрчлөлт гарсангүй. Оросуудын зүгээс бид өмчийн эзэн учраас дураараа түрээслэх эрхтэй гэдэг. Тухайлбал, “Ээрмэл” компанид байраа түрээслэж байсан бол “Ажилчдаа гарга, бид Оюуны Ундраатай өндөр үнээр гэрээ байгуулсан. Эсвэл шинэ компанитай гэрээлсэн. Та нар 50 цент төлж байсан бол энэ хүмүүс нэг ам.доллар төлнө гэх зэргээр үнэ хаялцаанаар оршин суугчдыг хөөж гаргах зэргээр асуудал үүсдэг ажээ.
Иймээс 2002 онд тус байранд оршин сууж ирсэн иргэд Үндсэн хуулийн цэцэд хандсан байдаг. Цэц “Энэ нь тусгайлан дүгнэлт гаргах боломжгүй. Яагаад гэвэл, 1992 оны Үндсэн хуулиас өмнө гарсан баримт бичиг. 1993 оныг дуустал шинэ Үндсэн хуульд олон улсын бүх гэрээ, хэлэлцээр, хууль зөрчсөн асуудлуудыг нийцүүл гэсэн хууль батлагдсан. Тэр хуулийн заалтаар хүчингүйд тооцогдсон байна” гэжээ. Тэгэхээр манай Засгийн газар ОХУ-д асуудлыг тавьж, обьектийн асуудлыг шийдэх ёстой байж.
2008,2009 онд Оросын өмчлөлд үлдсэн 14 байраас найман байр нь түрээслэгч, гишүүдийн холбоонд бүртгэлтэй байсан бөгөөд тэд шүүхэд хандсанаар нийтдээ зургаан байрны үл хөдлөх хөрөнгийн гэрчилгээ хууль бус болохыг тогтоолгосон байна. Одоо найман байрны үл хөдлөх хөрөнгийн гэрчилгээ хүчинтэй хэвээр байгаа аж. Түрээслэгч иргэд үе үеийн Ерөнхийлөгч, Ерөнхий сайд, УИХ, Үндсэн хуулийн цэцэд хандаж ирсэн. Энэ удаа ч мөн хандаад байгаа. Гэвч өнөөдрийг хүртэл эрхээ зөрчүүлсэн хэвээр, сэтгэл санаа, эдийн засаг, амьдрах орчны байнгын дарамт, шахалтад байна гэв. Монголын төр Оросын гэх тодотголтой өмч хувчлалын асуудлыг нэг тийш болгож, газар нутагтаа атал гадны түрээслэгчдэд дарлуулсан иргэдээ өрөвдөх үү, өшиглөх үү” гэдгийг шийдэх цаг нь иржээ.
Ч.Зотол
Эх сурвалж: “Зууны мэдээ” сонин
Сэтгэгдэл0
байрыг нь худалдах замаар хоёр тал ашигтай маш амархан шийдэж болно. Манай төрийхөн өөрсдөө ашиггүй бол ямар ажил хийхгүй.
DAVARTSAN MONGOLCHUUD BUH YUMIG UNEGUI AVCHIHDAG GEED OILGOTSON,BUR UUR ULSIN UMCHIIG ZUGEEREL AVCHIDAG YUM BAIH,TIIM BOL OROSUUD HUVSGULIIG AVIIL GENEDEE..
Оор байр турээслээчээ Оорсдоо монго олох боломж олгоод байх юм Хэн ч турээслэхгуй бол хямд унээр зарахаас оор аргагуй болно ш дээ
Оросуудмөнгөнд дуртай, бусдыг ялгаварлахдаа сайн, их бүдүүлэг талдаа улс шүү дээ. Энэ зэргийн тэнэг араншин гарах нь мэдээж.
Энэ байрыг эдэлгээний хугацаа дууссан гээд нураах нь зөв юм байна. Монгол Улс иргэддээ газар дээр нь 15 давхар шинэ сууц бариад оруулчих.
Muusain oros pizdaakuud hiij sursan yumaa hiij l baina. Uugaasaa mongolchuudiig dord uzedeg, odoo bol uuniig taslan zogsooh tsag boloogui gej uu? Mongol gazar nutag deer oros luivarchidad tegej deerhluuleed yavaad baihuu?
Улс өөрийнхөө газраас түрээсээ авч эхлэх хэрэгтэй
Хуучирсан байрыг ашиглахугцаа болон хун амьдрах суухад тохирохгуй гэдгээр акт тавих хэргтэй монголын москвад бдаг газар ул ходлох хоронг хэвийн ба уу гэдгээс шалтглаад асуудлыг шууд
Хуучирсан байрыг ашиглахугцаа болон хун амьдрах суухад тохирохгуй гэдгээр акт тавих хэргтэй монголын москвад бдаг газар ул ходлох хоронг хэвийн ба уу гэдгээс шалтглаад асуудлыг шууд
Газрыхаа түрээсний мөнгийг улс хахатлана нэмчихвэл оросууд явахаас өөр замгүй болно! Эзэн нь юм аа мэддэг биш билүү?
Газар хөдлөлд тэсэх чадваргүй байр. Хүн дарж алахаас нь өмнө актлах хэрэгтэй.
З.Энболд л анх авсан шүү дээ. Тэр л учрыг нь мэдэж байгаа шүү дээ.
Гарна л биздээ Өөрсдөө мөнгө төлөөд байгаад байгаа бол тэгээд байж байхаас өөр яахав дээ
Сайн уу Бүгд, Миний нэр бол хатагтай joyce anderson. Би өнөөдөр аз жаргалтай амьдарч байна. Би өнөөдөр аз жаргалтай эмэгтэй. Би ядуу зүдүү байдлаасаа гэр бүлээ аварсан аливаа зээлдүүлэгчид, зээл авахаар хайж байгаа хүнтэй холбоо барьж, надад болон гэр бүлд минь аз жаргалыг өгсөн. Би 10.000,00 долларын зээл авах шаардлагатай болсон бөгөөд би амьдралынхаа туршид амьдралаа эхлүүлэхийн тулд бүх зээлээ төлөх шаардлагатай байсан. Учир нь би энэ шударга ёсыг харсан 2 хүүхэдтэй ганц бие ээж бөгөөд 10,000 долларын зээлийг надад өгсөн зээлдэгчээс бурханд итгэдэг. Доллар, тэр бол хүнээс айдаг БУРХАН, хэрэв танд зээл хэрэгтэй бол та зээлээ эргүүлэн төлөх болно. Түүнтэй холбоо бариарай. и-мэйлээр дамжуулан: fundsservice0@gmail.com. Бурханд бид итгэдэг