Лхагва - 05 сарын 08,
2024
Улаанбаатар /МОНЦАМЭ/. ЦЕГ-ийн ХМТ-ийн ахлах мэргэжилтэн, цагдаагийн ахмад М.Мөнхшүрийн мэдээлснээр "Өчигдөр цагдаагийн байгууллагын 102 утсанд 20 цагт 40 дүгээр сургуулийн 1 дүгээр ангийн 6 настай сурагч хүү алга болсон мэдээлэл ирсэн. Дуудлага мэдээллийг харьяа дүүргийн цагдаагийн хэлтэс буюу Баянгол дүүргийн цагдаагийн нэгдүгээр хэлтэс хүлээн авч 50 алба хаагч хүүг хайх ажиллагааг зохион байгуулан ажиллаж Баянгол дүүргийн 14,15,16 дугаар хорооны нутаг дэвсгэрт самналт хийж 23 цаг 30 минутад 15 дугаар хорооны нутаг дэвсгэрт үйл ажиллагаа явуулдаг эмийн сангаас эсэн мэнд олж эцэг эх ар гэрийнхэнд нь хүлээлгэн өгчээ. Урьдчилсан байдлаар 6 настай хүүг өдөр өнжүүлэхийн багш авч явах хугацаандаа орхисон нь тогтоогдоод байна. Мөн өдөр өнжүүлэхийн багш эмэгтэй 49 настай, архи согтууруулах ундаа хэрэглэсэн байсан болохыг тогтоож эрүүлжүүлэх арга хэмжээг авчээ. Иймд эцэг эхчүүд та бүхэн үр хүүхдээ өдөр өнжүүлэхэд /газарт/ өгөхдөө тухайн газрын үйл ажиллагааны аюулгүй байдал, найдвартай эсэхийг нягталж шалгаж судлахыг анхааруулж байна гэлээ.
Ж.Батсайхан
Эх сурвалж: Монцамэ агентлаг
Сэтгэгдэл0
Миний ачийг ангийн нь багш ӨӨРИЙН ӨДӨР ӨНЖҮҮЛЭХ_дээ байлгадаг юм Энэ хуулинд тохирох уу......................
Uguh yamar albatai yum.
Хуулинд тохирохгүй. Багш нар өөрийн өдөр өнжүүлэх болон дугуйлан зэрэгтээ хамрагдсн сурагчдад ээлтэй бусад сурагчдад өөрөөр ханддаг гаж үзэгдэл газар аваад байна.
Хуулинд тохирохгүй. Багш нар өөрийн өдөр өнжүүлэх болон дугуйлан зэрэгтээ хамрагдсн сурагчдад ээлтэй бусад сурагчдад өөрөөр ханддаг гаж үзэгдэл газар аваад байна.
энэ өдөр өнжүүлэхийн асуудлыг хариуцдаг яам агентлаг байдаггүй юм билээ. Асуудал тавихаар боловсролнь ч, мэргэжлийн хяналтын байгууллага нь ч манайх хариуцдаггүй гэдгийн. Өдөр өнжүүлэх бол зүгээр л бага ангийнханд зориулсан цэцэрлэг гэсэн үг. Ядаж хичээлийг нь давтуулахгүй. Зарим өдөр өнжүүлэх бол хүүхэд чинь хичээлдээ тааруу бол авахгүй шүү гэдэг. Энэ нь би залхуу тул хүүхдийн чинь хичээлийг давтуулж чадахгүй ээ гэсэн үг. Тэгсэн хэрнээ 200,000-300,000 төгрөгийн төлбөртэй, Хоол нэртэй хачин юм өгнө. Дундаж амьдралтай айлын хүүхэд тоож харахгүй хоол өгнө.