Ирэх онд нийтийн тээврээр үнэ төлбөргүй зорчдог ахмад настан, хөгжлийн бэрхшээлтэй иргэд, оюутнуудын унааны зардлын нөхөн олговрыг улсын төсвөөс олгохоо больж, нийслэлийн төсөвт шилжүүлэх асуудал яригдаж байгаа.
Үүнтэй холбогдуулан өчигдөр Том оврын автобусны үйлчилгээ эрхлэгчдийн холбооноос байр сууриа илэрхийллээ.
Мэдээллийн эхэнд тэд нийтийн тээврээр үнэ төлбөргүй зорчдог иргэдийн асуудлыг хөндөж, нөхөн олговроос татгалзаж байгаагаа хэлсэн юм.
Тодруулбал, тэдний зүгээс 2015 онд 83 мянга гаруй ахмад настанд 26.2 тэрбум, 33 мянга 934 хөгжлийн бэрхшээлтэй иргэнд 10.6 тэрбум, 113 мянган оюутанд 36 тэрбум төгрөгийг унааны зардлын нөхөн олговорт төлөвлөж Сангийн яаманд хүргүүлсэн байна.
Гэтэл дээрх мөнгөн дүнг 30 хувиар бууруулж, нийслэлд шилжүүлээд байгаа аж. Иймд тус холбооноос 30 хувиар бууруулан нийслэлд баталсан төсөвт тааруулан хүн тээвэрлэх эсвэл батлагдсан төсвөө ахмад настан, хөгжлийн бэрхшээлтэй иргэд, оюутанд олгож тэдгээр нь нийтийн тээврээр зорчих бүртээ төлбөрөө төлж зорчих санал гаргажээ.
Улмаар ирэх оны нэгдүгээр сарын 1-нээс эхлэн нөхөн олговроос татгалзаж ахмад настан, оюутан гэж ялгалгүй хүн бүрээс 500 төгрөгөөр үйлчлэх шийдвэр гаргажээ.
Эх сурвалж:
Сэтгэгдэл0
Тэр автобусны компаниудад өгдөг нөхөн олговроо ахмадууд, хөгжлийн бэрхшээлтэй иргэдэд бэлнээр өгөөд, оюутнуудыг төлбөртэй зорчдог болгох хэрэгтэй. Оюутнууд бар ресторанд суух мөнгөтэй л хүмүүс байдаг юм билээ.