ОХУ-ын Новосибирск хотын мэр А.Локоть Төрийн Думын Либерал ардчилсан намын фракцийн нарийн бичгийн дарга А.Курдюмовын тавьсан Орос даяар В.И.Лениний хөшөө дурсгалыг буулгах саналыг эсэргүүцэж буйгаа мэдэгдсэн байна.
А.Локоть “В.Жириновскийн намын гишүүд Оросын хотуудад байдаг Октябрийн хувьсгалын удирдагчийн хөшөөг нүүлгэн шилжүүлэхийг хүсдэг. Одоо тэд энэ саналаа хотуудын мэрт тавьж байгаад нэг л зүйл хэлье. Улсын түүх, түүхийн дурсгалыг зүгээр орхи. Новосибирскийн тухайд гэхэд ЗХУ-ын үед хотын бэлгэ тэмдэг нь В.И.Лениний хөшөө байсан.
Манай хот шинжлэх ухаан, аж үйлдвэрлэлээрээ тэргүүлдэг нь ч энэхүү бэлгэ тэмдэгтэй холбоотой. Тиймээс новосибирскчүүд В.И.Лениний хөшөөг нүүлгэн шилжүүлэхийг зөвшөөрөхгүй.
Ямартай ч намайг хотын мэрээр ажиллаж байхад ийм зүйл болохгүй. Хотын төв талбайд В.И.Лениний хөшөө байх болно. Энэ бол бидний хот, бидний түүх. Харин Украин, Прибалтикт бол өөр хэрэг” хэмээн тэмдэглэсэн аж. /ИТАР-ТАСС/
Эх сурвалж:
Сэтгэгдэл0
Ene ugiig Bat-Uuld heleh heregtei bn.