Бямба - 04 сарын 27,
2024
Улсын Их Хурлын Хууль зүйн байнгын хороо өнөөдөр /2014.11.27/ хуралдан Авлигатай тэмцэх газрын дэд дарга Б.Хурцыг үүрэг ажлаас нь чөлөөлөх тухай асуудлыг хэлэлцлээ.
Авлигатай тэмцэх газрын дэд дарга Б.Хурц Авлигын эсрэг хуулийн 22 дугаар зүйлийн 22.1.1 дэх заалтыг үндэслэн өөрийн хүслээр үүрэгт ажлаас чөлөөлөгдөх хүсэлтээ Улсын Их Хуралд гаргасан юм.
Энэ асуудлыг Байнгын хорооны хуралдаанаар хэлэлцэх үеэр Улсын Их Хурлын гишүүн З.Баянсэлэнгэ, С.Эрдэнэ нар Монгол Улсын Үндсэн хуульд заасан хүний эрх, эрх чөлөөг дээдэлж, шударга ёсыг хангаж ажиллахад анхаарлаа хандуулж ажиллах нь зүйтэй гэсэн санал хэлсэн.
Үүний дараа Б.Хурцыг Авлигатай тэмцэх газрын дэд дарга үүрэг ажлаас нь чөлөөлөх асуудлаар санал хураалт явуулахад хуралдаанд оролцсон гишүүдийн олонх чөлөөлөхийг дэмжлээ хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
Сэтгэгдэл0
Францаас хүн хулгай хийж хүний эрхийг ноцтойгоор зөрчиж улс орны нэр нүүрийг сэвтээж явсан энэ нөхөр, Н.Энхбаяр, Ц.Нямдорж нар яахаараа ял зэмгүй яваад байдаг юм бэ? Гэтэл эх орон газар шорооныхоо төлөө хоосон буун дуу гаргасан Мөнхбаяр нарыг зандалчин энэ тэр гэж олон арван жилийн ялаар шоронд үхүүлэх гэж\дэг байнаа. Энэ чинь шудрага ёс юмуу эрхэм ерөнхийлөгчөө.
УИХ-ын нэгдсэн чуулган хуралдах гээд гишүүд хуралдаа орохгүй болохоор Б.Хурц өөрөө утасдаж миний асуудал хэлэлцэх гэж байна гэсэн чинь УИХ-ын гишүүд коридороор уралдан гүйлдэж чуулганы ирц бүрдсэн гэдэг үнэн үү.