Ерөнхий сайд Ч.Сайханбилэгийн зөвлөх, хэвлэлийн төлөөлөгч Ц.Мөнхтөр Шийдлийн Засгийн газрын анхны яаралтай хуралдааны талаарх мэдээллийг хийв. Сайд нарынхаа бvрэлдэхүүнийг батлаад гуравхан хонож байгаа ч Монгол Улсын өмнө тулгамдаж ирээд байгаа олон асуудлын зах зухаас нь яаралтай шийдвэрлэх эхний тушаал, шийдвэр гарсан талаар Ц.Мөнхтөр дарга мэдээлэлдээ дурдсан юм.
Ялангуяа ёстой л элгээрээ хэвчихээд ёолсоор байгаа Эрүүл мэндийн салбарт Ерөнхий сайдын зvгээс дорвитой анхаарал хандуулж байгаагаа шинэхэн сайд Г.Шийлэгдамбын Засгийн газрын анхны хуралдаанд зориглон оруулж ирсэн 150 ортой хvvхдийн эмнэлгийн асуудлыг дор нь шийдсэнээс харагдаж байгаа юм. Мэдээллийнх нь vеэр Ц.Мөнхтөр даргаас дараах асуултанд хариулт авснаа хvргэж байна.
-Засгийн газрын хуралдаанаар 2014 оны төсвийн тухай хуульд өөрчлөлт оруулах асуудлыг авч хэлэлцсэн байна. Он дуусахад 20 хvрэхгvй хоног vлдээд байхад заавал энэ оны төсөвт өөрчлөлт оруулахаар оруулж ирж байгаа нь ямар учиртай юм бэ?
-Төсвийн тухай хуульд өөрчлөлт оруулдаг зайлшгvй хэдхэн хvчин зvйл байдаг. Энэ удаа Засгийн газрын бvтцэд тодорхой өөрчлөлт орсон тул зайлшгvй төсвийн хуульд өөрчлөлт оруулах шаардлагатай болж байна. Энэ сарын 4-ний УИХ-ын хуралдаанаар Монгол Улсын Засгийн газрын тухай хуульд өөрчлөлт оруулсан.
Тэр хуулиар Засгийн газрын бvтэц өөрчлөгдсөн тул зайлшгvй төсвийн ерөнхийлөн захирагч нарын хооронд төсвөө шилжvvлэх, гvйлгэх шаардлага vvсч байгаа. Жишээлбэл шинээр яам байгуулагдлаа, зарим яамд татан буугдсан тул төсөв санхvvд нь зайлшгvй тодотгол, өөрчлөлт хийх шаардлага гарч ирсэн.
Төсвийн тухай хуульд өөрчлөлт оруулахдаа баримталсан гол зарчмуудын нэг нь Засгийн газрын бvтцийн тухай хууль батлагдсантай холбогдуулан тодорхой зохицуулалтыг хэрэгжvvлж эхлэх vvднээс тодотгол хийхээр болж байна.
-Энэ оны хөрөнгө оруулалтаар хэрэгжvvлэхээр болоод байсан зарим бvтээн байгуулалт, төсөл хөтөлбөрийг зогсоох шийдвэр гаргасан гэв vv?
-Энэ онд хэрэгжvvлэхээр тооцож байсан зарим төсөл хөтөлбөр хэрэгжих боломжгvй болж байгаа. Үүнтэй холбоотой зураг төсөл, бусад бэлтгэл ажлын зардлыг хасч тооцохоор болсон.
Дээр нь төсвийн ерөнхийлөн захирагч нарын хэмнэж болох зардлуудыг хасч тооцохыг удирдлага болгон ажиллахаар болж байна. Чухамдаа энэ заалтаар л гэхэд 51 тэрбум төгрөг хэмнэх бололцоотой байгааг Сангийн сайд Ж.Эрдэнэбат мэдэгдсэн.Ерөнхийдөө Сангийн яам, сайд Ж.Эрдэнэбатын өргөн мэдvvлсэн төсвийн тухай хуульд өөрчлөлт оруулах асуудал хэлэлцэгдээд дэмжигдэх боломжтой нь харагдаж байгаа.
-Өнөөдөр Эрvvл мэндийн салбар хамгийн их асуудалтай байгааг иргэд өдөр бvр харж, тэрхvv хvндрэлийн улмаас амь нас, эрvvл мэндээрээ хохирч байгаа. Харин Эрvvл мэндийн шинэхэн сайд Г.Шийлэгдамба шинээр хvvхдийн эмнэлэг барих асуудлыг шийдvvлж чадсан дуулдлаа?
-Тийм ээ. Г.Шийлэгдамба сайдыг Эрvvл мэндийн сайд болоход “Мэргэжлийн бус, асуудал шийдэх чадвар муутай” гээд шvvмжилж байсан хvн олон бий. Тэгвэл шинэ Засгийн газрын анхны хуралдаанд 150 ортой хvvхдийн шинэ эмнэлэг барих асуудлыг оруулж ирээд батлуулж чадлаа.
Өнөөдөр хvvхдийн эмнэлгийн хvрэлцээ, хангамж vнэхээр нийгмийн шаардлага хангахгvй, хамгийн хvнд асуудлын нэг болоод байгаа. Ялангуяа Улаанбаатар хотод хvvхдийн эмнэлгийн орны хvрэлцээ, эмч, сувилагч нарын мэргэжлийн ур чадвар, ажиллах нөхцөл гээд тулгамдаж байгаа олон асуудлыг Г.Шийлэгдамба сайд танилцуулсан.
Гэхдээ эхний ээлжинд шинэ барилга барихаас өмнө хуучин яамны зориулалтаар ашиглаж байсан барилгын vvрэг зориулалт, дотоод зохион байгуулалтыг өөрчилсний vндсэн дээр хvvхдийн эмнэлгийн орны асуудлыг бага ч болтугай шийдвэрлэх нь зөв гэж vзсэн.
-Тэгвэл аль яамны барилгыг өөрчилж хvvхдийн эмнэлэг болгохоор шийдвэрлэсэн хэрэг вэ?
-Өвлийн ханиад томууны дэгдэлт ширvvсдэг энэ цаг vед төрийн өмчийн барилгуудаас аль боломжтойг нь хvvхдийн эмнэлэг болгон өөрчлөх vvднээс татан буугдсан Соёл, спорт, аялал жуулчлалын яамны барилгыг Эрvvл мэнд, спортын яамны холбогдох албаны хvмvvс судалж vзээд ачаалал багатай vед 120, ачаалал ихтэй vед 150 ор бvхий хvvхдийн эмнэлэг байгуулах боломжтой гэдэг дvгнэлт гаргасан юм билээ.
Эхний ээлжинд ямар ч гэсэн хуучны Соёл, спорт, аялал жуулчлалын яам байрлаж байсан энэ байшинд 150 ор бvхий эмнэлэг байгуулахаар шийдвэрлэлээ. Тvvнээс гадна бусад байруудыг ч нэмж судлаад хамгийн тохиромжтой, боломжтой байруудыг эцсийн байдлаар яаралтай тогтоож Засгийн газарт танилцуулахыг Төрийн өмчийн хороо болон холбогдох яамдад даалгасан.
Энэ эмнэлгийг Эрvvл мэнд, спортын яаманд харьяалуулж, мэргэжлийн удирдлага, боловсон хvчнээр хангаад 2015 оны хоёрдугаар сарын нэгэн гэхэд vйл ажиллагааг нь эхлvvлэхийг Эрvvл мэнд, спортын сайд Г.Шийлэгдамбад vvрэг болгосон. Харин холбогдох эх vvсвэрээс санхvvжvvлэхийг Сангийн сайд Ж.Эрдэнэбатад даалгасан.
-Эрvvл мэнд, эмнэлгийн зориулалтын тоног төхөөрөмжvvдийг Монгол Улсын хил, гаалиар татваргvй оруулж ирэх шийдвэр гаргасан гэсэн. Энэ нь аль эмнэлгvvдэд хамаарах тоног төхөөрөмж юм бол?
-Манай улсад Австри улсын хөнгөлөлттэй зээл эрvvл мэндийн чиглэлээр нэлээн амжилттай хэрэгжиж байгаа. Энэ хvрээнд манай гол гол эмнэлгvvдийн тоног төхөөрөмжийг шинэчлэх ажил хийгдэж байгаа юм. Жишээлбэл Хавдар судлалын vндэсний төв, Эх нялхсын эрvvл мэндийн төв, Улсын нэгдvгээр төв эмнэлэг, Төрийн тусгай албаны эмнэлгийн тоног төхөөрөмжийг шинэчлэх төслvvд хэрэгжиж байгаа.
Энэ төслvvдэд зориулагдсан импортын тоног төхөөрөмжvvдийг Монгол Улсын хил, гаалийн албан татвараас чөлөөлvvлэх шийдвэр гаргаж УИХ-д өргөн мэдvvлэхээр боллоо. Австри улсын энэхvv хөнгөлөлттэй зээл нь нийтдээ 40 сая еврогийн тусламж байгаа юм.
Урьд НӨАТ-аас чөлөөлсөн байсан бол одоо гаалийн татвараас чөлөөлснөөр манай тэргvvлэх эмнэлгvvдийн тоног төхөөрөмж орчин vеийн шаардлагад нийцсэн, дэлхийн тэргvvлэх брэндийн бvтээгдэхvvнvvдээр хангагдах боломжтой болох юм. Хил, гаалийн татвараас чөлөөлөгдөх бараанд vvндээр нэмэгдээд гал тvймэртэй тэмцэхэд ашиглагдах багаж хэрэгслvvд орж байгааг хэлэх ёстой.
-Байнга хэл ам дагуулсаар ирсэн тусгай зөвшөөрөл нь цуцлагдсан, ашигт малтмалын хайгуулын болон олборлолтын 106 лицензийн талаар ямар шийдвэр гарсан бэ?
-Ашигт малтмалын хайгуулын болон, олборлолтын дээрх лицензтэй холбоотой Баянгол дvvргийн шvvхийн 2013 оны нэгдvгээр сарын шийдвэр байдаг юм билээ. Яагаад гэвэл дээрх 106 талбайд сонгон шалгаруулалт явуулалгvйгээр аль тvрvvлж өргөдөл өгсөн хvмvvст эзэмшvvлээд явчихсан байдаг. Энэ нь Монгол Улсын холбогдох олон хууль, дvрмийг зөрчсөн гэдгийг гурван шатны шvvхийн шийдвэр нотлодог.
Ийнхvv гурван шатны шvvхийн шийдвэрээр ашигт малмал хайх, олборлох эрх бvхий 106 талбайг эзэмших эрхийг хvчингvй болгосон тул 2014 оны долоодугаар сард Засгийн газрын шийдвэр гарч дээрх талбайнуудад дахин сонгон шалгаруулалт явуулах журмыг батласан. Энэхvv журмын явц, хэрэгжилт ямархуу байгаа талаар Уул уурхайн сайд Р.Жигжид Засгийн газрын хуралдаанд танилцуулсан.
Тvvний танилцуулснаар дээрх талбайн сонгон шалгаруулалт бизнес эрхлэгчдэд таатай байдлаар нэлээн ахицтай явж байгааг дуулгасан. Тусгай хамгаалалтын бvстэй давхардсан хэдэн лицензийн асуудал УИХ-аар орж шийдвэрлэгдэх байх.
-Одоо ажиллаж байгаа хvvхдийн эмнэлгvvд эмч, сувилагчийн хvрэлцээ муутай гэгдэж байгаа. Гэтэл шинээр байгуулагдах 150 ортой эмнэлэгт ажиллах эмч, мэргэжилтнvvдийг хаанаас гаргах юм бол. Энэ талаар судалгаа байна уу?
-Эрvvл мэнд, спортын яамны мэргэжилтнvvд энэ талаар судалгаа хийж vзээд шинээр эмхлэн байгуулагдах эмнэлгийн эмч, мэргэжилтнvvдийн хувьд санаа зовох зvйлгvй гэж дvгнэсэн юм билээ. Тvvнээс гадна эрvvл мэндийн чиглэлийн их сургуулиудад хvvхдийн эмнэлгvvдэд ажиллах эмч мэргэжилтнvvдийг бодлогоор зохицуулан бэлтгэж байгаа юм билээ.
-Монгол Улсын сайд М.Энхсайханы ажил vvргийн хуваарилалтыг харвал Уул уурхай, Эрчим хvчний сайдын эрх vvрэгтэй зарим талаар давхцаж магадгvй байдал ажиглагдаж байгаа. Энэ талаар ямар нэгэн зохицуулалт хийгдсэн болов уу?
-М.Энхсайхан сайдын хувьд эхний ээлжинд Оюутолгой, Тавантолгойн ажлын хэсэг, гадаадын хөрөнгө оруулагчидтай холбоотой зарим асуудлыг хариуцаж, зохицуулаад яв гэсэн vvрэг өгөгдсөн. Vнэхээр нарийн зохицуулалт хийгдэх ёстой л доо. Жишээ нь Уул уурхай, Байгаль орчин, Сангийн яамтай нягт хамтран ажиллах зvй ёсны шаардлага гарч ирэх нь ойлгомжтой.
Тийм ч учраас М.Энхсайхан сайдын хувьд эхний ээлжинд зөвхөн дээрх асуудлуудтай тулж ажиллахаар болж байгаа. Тэгээд бусад томоохон бvтээн байгуулалтыг хариуцаж Монгол Улсын сайдын хувиар чиглvvлэн ажиллахаар болсон. Хамгийн гол нь Ерөнхий сайдын зvгээс М.Энхсайхан сайдын ажлын чадвар, дадлага туршлагад итгэж байгаа учир хурдтай, vр бvтээлтэй ажиллахыг даалгасан.
Д.Түвшин
Эх сурвалж:
Сэтгэгдэл0
www.amazon.cn bolon www.taobao.com internet delguurees baraa hudaldan avah huseltei humuust zuuchilna. Beijing Jinchin Trans Olon ulsiin teever zuuchiin company Utas 98304871 beijind deh utas 86-010-84391096 Шинэ жилийн баярыг тохиолдуулан манай компани олон улсын ачаа тээврийн үйлчилгээндээ 12 сарын 1-ээс эхлэн 12 сарын 31-нийг дуустал байнгын үйлчлүүлэгч нартаа 20 %, шинэ үйлчлүүлэгч нартаа 10%-ийн хөнгөлөлт үзүүлнэ. Бид Хятадын бүх хотоос Монгол руу ачаа тээвэр хямд үнээр, түргэн шуурхай, найдвартай хийнэ. Манай компани Хятадаас бараа бүтээгдэхүүн, тоног төхөөрөмж худалдан авахад үйлдвэрлэгчтэй холбоо тогтооход зуучлах, хөрөнгө оруулагч олоход туслах, бараа бүтээгдэхүүн тоног төхөөрөмж худалдан авахад L/C үйлчилгээ үзүүлэх, Хятадад жуулчлах болон бусад шаардлагаар явахад орчуулгын үйлчилгээ үзүүлнэ. Жинчин Транс Олон Улсын Тээвэр Зуучийн Компани. Утас 98304871 Бээжин дэх утас 86-010-84391096
www.amazon.cn bolon www.taobao.com internet delguurees baraa hudaldan avah huseltei humuust zuuchilna. Beijing Jinchin Trans Olon ulsiin teever zuuchiin company Utas 98304871 beijind deh utas 86-010-84391096 Шинэ жилийн баярыг тохиолдуулан манай компани олон улсын ачаа тээврийн үйлчилгээндээ 12 сарын 1-ээс эхлэн 12 сарын 31-нийг дуустал байнгын үйлчлүүлэгч нартаа 20 %, шинэ үйлчлүүлэгч нартаа 10%-ийн хөнгөлөлт үзүүлнэ. Бид Хятадын бүх хотоос Монгол руу ачаа тээвэр хямд үнээр, түргэн шуурхай, найдвартай хийнэ. Манай компани Хятадаас бараа бүтээгдэхүүн, тоног төхөөрөмж худалдан авахад үйлдвэрлэгчтэй холбоо тогтооход зуучлах, хөрөнгө оруулагч олоход туслах, бараа бүтээгдэхүүн тоног төхөөрөмж худалдан авахад L/C үйлчилгээ үзүүлэх, Хятадад жуулчлах болон бусад шаардлагаар явахад орчуулгын үйлчилгээ үзүүлнэ. Жинчин Транс Олон Улсын Тээвэр Зуучийн Компани. Утас 98304871 Бээжин дэх утас 86-010-84391096