АПУ компанийн гэрээт борлуулагч, “Ариун алтан тэвш” компанийн ажилтан Б.Алтанхуяг бусдын гарт харамсалтайгаар амиа алдсан хэрэг өнгөрсөн оны есдүгээр сард гарсан. Хэргийг нэхэн сануулбал, талийгаач 2014 оны есдүгээр сарын 15-ны өдөр 11.00 цагийн үед биедээ дөрвөн сая гаруй төгрөгтэй, “УНК 2983” улсын дугаартай ачааны саарал микро автобусандаа 7-8 сая төгрөгийн бараа ачин, Хонхороос Гачуурт чиглэлийн дэлгүүрүүдэд бараа тараах гэж гараад ор сураггүй алга болсон байдаг.
Түүний цогцсыг цагдаагийн бие бүрэлдэхүүн алга болсноос нь хойш 15 хоногийн дараа Налайх дүүргийн III хороонд байрлах нэгэн уурхайгаас олж, төд удалгүй Баянзүрх дүүргийн XI хороонд байрлах хүнсний дэлгүүрийн эзэн П гэгч нь хөнөөсөн болохыг тогтоосон билээ. Одоогоор сэжигтэн П-д Монгол Улсын Эрүүгийн хуулийн 91,2.1-т зааснаар эрүүгийн хэрэг үүсгэж, ШШГЕГ-ын харьяа Цагдан хорих 461 дүгээр ангид саатуулан шалгаж буй.
Албаны эх сурвалжийн мэдээлснээр энэхүү хэргийн мөрдөн байцаалтын ажиллагаа дуусах шатандаа орсон бөгөөд хэрэг прокурорт шилжээд байгаа аж. Харин мөрдөн байцаалтын явцад тангараг өргөсөн цагдаагийн алба хаагчид хүний эрхийг ноцтойгоор зөрчиж, гэрчийн мэдүүлэг өгч буй хоёр эмэгтэйн биед халдсан хэрэг гарчээ.
Тодруулбал, эл хэрэгт гэрчээр байцаагдаж байгаа Налайх дүүргийн иргэн Б.Отгонцэцэг, Г.Дэлгэрцэцэг нараас мэдүүлэг авсан нэр бүхий хоёр мөрдөн байцаагч тэдэнд эрүү шүүлт тулган, улмаар зодож танхайрсан байна. Ингэхдээ хэргийг хүчээр тулгах гэж хүртэл оролджээ.
Энэ талаар эх сурвалж хэлэхдээ “Өнгөрсөн онд гарсан АПУ компанийн гэрээт борлуулагч, талийгаач Б.Алтанхуягтай холбоотой хэрэгт гэрчээр байцаагдаж байгаа Б.Отгонцэцэг, Г.Дэлгэрцэцэг нарт Налайх дүүргийн Цагдаагийн хэлтсийн хоёр мөрдөн байцаагч гэрчийн мэдүүлэг авахдаа эрүү шүүл тулгаж, зодож танхайрсан. Тангараг өргөсөн цагдаа нар гэрчийн биед халдана гэдэг байж болохгүй зүйл. Мөрдөн байцаах ажиллагааг явуулсан байцаагч нар хүний эрхэнд халдаж, эрүүдэн шүүж байцаалт авсан нь өөрөө хууль зөрчсөн хэрэг. Тиймээс нэр бүхий хоёр мөрдөн байцаагчид хариуцлага тооцох хэрэгтэй” гэв.
Түүнчлэн эл хэрэгт гэрчээр байцаагдаж буй Б.Отгонцэцэг, Г.Дэлгэрцэцэг нар цагдаагийн алба хаагчид “Гэрчийн мэдүүлэг авахдаа эрүүл шүүлт тулгасан. Зодож танхайрсан. Улмаар хэрэг тулгах гэж оролдсон” гэх гомдлыг “Хүсэл зорилгоо нэгтгэе" үндэсний хөдөлгөөнд гаргаад байгаа аж. Тус хөдөлгөөний “Ээжүүд" холбоо нэр бүхий хоёр мөрдөн байцаагчид хариуцлага тооцохыг шаардаж, саяхан Улаанбаатар хотын цагдаагийн газар болон Цагдаагийн ерөнхий газрын удирдлагуудтай уулзахыг хүссэн ч хүлээж аваагүй байна.
Тэд энэ талаар хэлэхдээ “Өнгөрсөн нэгдүгээр сард Б.Отгонцэцэг, Г.Дэлгэрцэцэг нар цагдаагийн алба хаагчид гэрчийн мэдүүлэг авахдаа биед нь халдсан талаар гомдол ирүүлсэн. Энэ асуудлаар бид Улаанбаатар хотын цагдаагийн газар болон, Цагдаагийн ерөнхий газрын удирдлагуудтай уулзахаар очсон. Биднийг удирдлагууд нь хүлээж аваагүй. Харин дээр хоёр байгууллагын хэвлэлийн ажилтнууд нь хүлээж авч, уулзсан.
Тэдэнд учир байдлаа хэлсэн ч хүний эрхийг ноцтойгоор зөрчсөн хоёр байцаагчийнхаа нэрийг нийтэд зарлаагүй. Тэд хэлэхдээ "Хэрэг прокурорт шилжсэн. Хэрэв мөрдөн байцаах үйл явцтай холбоотой нотлох баримт байгаа бол прокурорт гомдол гаргах хэрэгтэй. Нотлох баримт үндэслэлтэй бол нэмэлт мөрдөн байцаалтад буцаах ёстой” гэсэн. Үүнээс гадна хоёр гэрч эмэгтэйн өргөдөл, нотлох баримт болох бичлэгийг дарга нартаа өөрсдийн биеэр өгнө гэдгээ дамжуулсан” гэсэн юм. Энэ талаар эргэн мэдээлэх болно.
Б.Төрбат
Эх сурвалж:
Сэтгэгдэл0
MONGOLIIN TSAGDAA NAR XERTSGII BALMAD TANXAI BOLOBSROLGUI MAANAG ESTOI ADGIIN SHAARUUD BAIDAG
tsagdaagiinhand ardchilal nevterch baigaa yum baina.
Цагдаа прокурор хоорондоо нягт холбоотой. Хоосон амны гарз биз дээ. Монгол улсын төр нь хүртэл Францаас хүн хулгайлж авчирахад оролцсон биз дээ.
Үнэн. Монгол эрчүүд эмэгтэй хүн бэлгийн дарамт үгээр доромжлуулж, зодуулж, хүчиндэхийг тоодоггүй. Гэртээ нөхөртөө алуулж байхад эрүүгийн гэмт хэрэг гэж үздэггүй. Ахуйн зөрчил гэдэг.
Гудамжаар явж байгаа охид бүсгүйчүүдийг өдөх, үг хэлээр доромжлох, ус шүрших (шээс шингэн нь ч байж мэднэ), юм шидэх энүүхэнд. Америкт ингэх нь бүү хэл удаахан ширтэж харвал бүдүүлэг авир гаргасан гээд хэрэг үүснэ.
Цагдаа бүр хачин болчихсон байна лээ Гэмт хэргийн талаар гаргасан гомлыг маань алга болгочихоод дарга нь би байцаагчдаа цохоод өгсөн тэр нь олдохгүй байна. Би одоо яах юм бэ гээд сууж байна. Ер нь цагдаа хүнийг хайрлаж, ялангуяа гэрч, хохирогч нарт хүнлэг ёсоор хандах ёстой. Гэтэл тэднийг залхаах, гэрчийг хий хардаж цагдаагийн үүд сахиулан олон хоног цагаар суулгаж байгаагаас сүүлийн үед гэмт хэргийг гэрчилэхээс эрс цааргалдаг болсон нь нууц биш. Энэ нь Пүрэв генаралын үеээс цагдаа цус энэ тэр гэж угаасаа толгой муутай хүмүүсийг хий хөөрөгдсөнөөс болсон байх талтай. Одоо прокурорын дэргэдэх мөрдөнг Тэмүүжин татан буулгаж бас нэг балаг тарьсан учираас жирийн иргэдийн цагдаатай холбогдсон гомдол хав дарагдаад өнгөрдөг нь бичигдээгүй хууль юм. Нэг ч хэрэг уншиж, үзээгүй Тэмүүжин мэтийг тэнгэрт гаргаснаас ийм байдал үүсэж байна.
Манай цагдаа нарт ёс зүй гэж алга даа. Үнэхээр зоддог хууль бус үйлдэл хийдэг шүү дээ
Medleg bolovsrol algaa
Нөхцөл байдал хүндэрвэл бид НҮБ-ын цэнхэр дуулгатануудад хандаж болно шүү.
Mongoliin tsagdaad shinetgel hiih heregtei. Davarsan golognuud baidag. Namaig hen helj nohoi hen saahav gesen bodoltoi mordonguudeer duursen hogiin alba tsagdaagiin mordon baitsaah alba
Bay gold yy rhinitis Mordon baicaagch nar jinxene xyn zodoj yraglagchid yun gerch mer ch zygeer l avaachaad devschixene dee mal alj baigaa tai yg adil
хийсэн хэргийг нуун дарж булзааруулах гэж байгаа хүн хогнуудыг цагдаа ганц нэг түлхэх мэтийн байцаалтын тактик л байсан байна шүү дээ.ямар хэрэг хүлээлгэх гэсэн биш хийсэн хэрэгтэн нь хам хэрэг эхнэртэйгээ байж байна.эмэгтэй хүн эрэгтэй хүнтэй яг тэгш эрхтэй гэдэг тул адилхан цаазаар авах ялтай болговол таарна.
Цагдаад цус сэлбэлт шаардлагатай байна. Цагдаагийн эрх мэдэлтнүүдийн үр хүүхэд, хамаатан садан болон найз нөхдийн хүүхдүүд арын хаалгаар ордог. Тэд дархлагдсан юм шиг түхийсэн, бүдүүлэг юмнууд байдаг. Шат шатны дарга нар нь ч гэсэн тэдэнд юм хэлж дээд дарга нартаа тал алдахаас айдаг.Ийм л юмнууд жирийн ард иргэдийг дээрэлхэж байдаг. Тиймээс арын хаалганы юмнуудыг цагдаагаас цэвэрлэх хэрэгтэй.