Монгол Улсын “Автотээврийн өөрөө явагч хэрэгслийн албан татварын тухай хууль, Агаарын бохирдлын төлбөрийн тухай хууль”-ийн дагуу автотээврийн болон өөрөө явагч хэрэгслийг эзэмшиж байгаа хувь хүн, хуулийн этгээд албан татвар төлдөг. Хуульд хувь хүн автотээврийн болон өөрөө явагч хэрэгслийн албан татварыг жилд нэг удаа тухайн жилийн зургадугаар сарын 01-ний дотор төлөх үүрэгтэй бол албан байгууллага, аж ахуйн нэгж эхний хагас жилээр албан татварыг төлөх ба жилийн албан татварыг урьдчилан төлөх боломжтой гэж заасан байдаг.
Уг хуулийг хэрэгжүүлэх, иргэдэд банкинд дараалал үүсгэж цаг хугацаа алдахгүй байх боломжоор хангах зорилгоор автомашины улсын дугаарын сүүлийн оронгоос хамаарч төлөх шинэчилсэн журмыг Нийслэлийн ИТХ-ын Тэргүүлэгчдийн 2015 оны 01-р сарын 26-ны өдрийн 28 дугаар тогтоолоор баталсан.
Тодруулбал, жолооч таны автомашины улсын дугаар :
1, 6 тоогоор төгссөн бол нэгдүгээр сард
2, 7 тоогоор төгссөн бол хоёр дугаар сард
3, 8 тоогоор төгсссөн бол гуравдугаар сард
4, 9 тоогоор төгссөн бол дөрөвдүгээр сард
5,0 тоогоор төгссөн бол тав дугаар сард албан татвар, төлбөр хураамжаа төлнө
Энэ жилийн хувьд нийслэлийн Засаг даргын 2015 оны А/143 тоот захирамжаар байгуулагдсан ажлын хэсэг татвар, төлбөр хураах ажлыг 2015 оны 02 дугаар сарын 10-ны өдрөөс эхэлж зохион байгуулсан бөгөөд нийслэлийн хэмжээнд авто тээвэр болон өөрөө явагч хэрэгслийн албан татвар, агаарын бохирдлын төлбөр, авто зам ашигласны төлбөр хураах нэг цэгийн үйлчилгээ 16 байршилд, амралтын өдрүүдэд уртасгасан цагаар ажиллаж байна. Жолооч таны автомашины улсын дугаар 5,0 тоогоор төгссөн бол энэ сард автотээврийн болон өөрөө явагч хэрэгслийн албан татвараа төлнө. Хэрэв заасан хугацаанд татвараа төлөөгүй тохиолдолд Замын цагдаагийн алба нь өөрийн эрх хэмжээ, хуулийн хүрээнд авто тээврийн эзэмшигчдэд хариуцлага тооцож, замын хөдөлгөөнд оролцуулахгүй байх хүртэл холбогдох хуулийн дагуу арга хэмжээ авна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Сэтгэгдэл0
Хувь хүний эрх чөлөөнд халдаж мөнгө босгодог аргаа болих хэрэгтэй даатгалын систем бол сайн дурын байх ёстой татвар ч гэсэн ингэж хүчиндэхээ боль сайн машин унахаар илүү татвар авна гэсэн чинь юү гэсэн дээрэм бэ
ЭНЭ ЦАГИЙН АРЧААГҮЙ АВИЛГАЧИН ТӨРИЙН ДЭЭРЭМ.
СОНСГОЛОНГИЙН ЗАМ БАРИНА ГЭЖ ЖИЛ ГАРАН ШОРОО ТООСООР БУЛЛАА.МАНТУУ ЦАРАЙЛСАН ЦАГААН ТОЛГОЙТ ДАРГА ҮҮНИЙГ ЮУ ГЭЖ ҮЗЭЖ БАЙНА..ТАНД ЭНЭ ОГТ ХАМААГҮЙ ЮУ..ХАМААГҮЙ ЮМ БОЛ ЗАЙЛААД ӨГӨӨРЭЙ.
Ядарсан ард түмний хүүхдийн талх сүүний мөнгийг дээрэмдэж амь зуугч төрийн гахайнууд ичиг ичиг. Нэртэйгээр нь авгай хүүхдийн татвар төлүүлээч. Нууц амрагийн татвараа дарга нар төлөөрэй. Төлөөгүй новшид баар, буудлууд үйлчлэхгүй болно. Төрөөс хулгайлсан хулгайчид эрүүгийн хууль чангарахаас өмнө ядаж татвар төлцгөө.