sonin.mn
Сэтгэгдэл (0)

Улаанбаатар хотын  Замын цагдаагийн газрын ЖШУХ дээр  өнөөдрийн байдлаар 419 дуудлага мэдээ мэдээлэл  хүлээн авснаас зам тээврийн ослын  333 дуудлага бүртгэгджээ.

 

Согтуугаар тээврийн хэрэгсэл жолоодсон 47 жолоочийг журамлан гарч болзошгүй осол хэргээс урьдчилан сэргийлэв. Гэвч согтуу жолооч нар хүн дайраад зугтсан хоёр ч тохиолдол гарчээ. Баянгол дүүргийн нутаг Энхтайваны өргөн чөлөө, 25 дугаар эмийн сангийн урд замд "N.Tida" маркийн авто машины жолооч Г нь явган зорчигч 75 настай эмэгтэй Ү-г мөргөж гэмтээн хэргийн газрыг орхиж явсныг олж барихад жолооч Г нь согтууруулах ундааны зүйл хэрэглэсэн үедээ тээврийн хэрэгсэл жолоодож явсан байна.

Мөн Баянгол дүүргийн нутаг Энхтайваны өргөн чөлөө Техник импортын хойд замд "Т.Nadia" маркийн авто машины жолооч Ш нь явган зорчигч 16 настай эрэгтэй Э-г мөргөж гэмтээн хэргийн газраас зугтаж  яваад баригдлаа. сүүлийн үед согтуугаар хүн дайраад зугтах болсныг ЗЦГ-аас анхааруулж байна.

Ж.Батсайхан

 

Эх сурвалж: “Монцамэ”агентлаг