Алма-Ата хотод болсон террорист халдлагын улмаас амиа алдсан хүмүүсийн ар гэрийнхэнд тус бүр 15 сая тенге буюу 45 мянган долларын нөхөн төлбөр олгох шийдвэр гарчээ. Гэмтэж шархадсан хүмүүсийн ар гэрт 5 сая тенге буюу 15 мянган доллар өгөхөөр болсон байна. Энэ тухай Tengrinews.kz цахим хуудас хотын захиргааны мэдээллийг иш татан уламжиллаа.
Үүний өмнөхөн Алма-Ата хотын Дотоод хэргийн хэлтсийн төлөөлөгч Салтанат Азимбек хэлэхдээ, хохирогчдын ар гэрийнхэнд 60 сарын цалинтай тэнцэх хэмжээний мөнгөн төлбөр олгож, оршуулгын зардлыг улсаас даана гэж мэдэгдсэн юм. Өнөөдөр Алма-Ата болон Астана хотын цагдаагийн ажилтнууд амиа алдсан нөхдийнхөө ар гэрийнхэнд нэг өдрийн цалингаа хандивлажээ.
Сануулан дурдахад, даваа гарагт Алма-Ата хотын Алмалийн районы цагдаагийн газар болон Үндэсний аюулгүй байдлын хэлтэс байрладаг байшин руу зэвсэгт этгээдүүд дайран орж, таван хүн, тэдний дотор цагдаагийн гурван ажилтныг хөнөөсөн байна. Халдлагын үеэр 8 шархадсаны зургаа нь цагдаа нар байжээ.
Х.Сарнай
Эх сурвалж: "Монцамэ" агентлаг
Сэтгэгдэл0
Manai hayand nuguu gaihal terrorist haldlaga ireed udaj bna tuunchlen manai hariataas garsan Kazak humuus ene uildeld tatagdan orj ISIS tudiigui busad shashnii horigloson bulegt elseh Bolson talaar alban bolon alban bus Medeelel bga getel manai uls yu hiij bna
Дээр байгаа төр улсаа буруу удирдсан томчуулыг л нухаарай монгол ард түмэндээ муу хийхгүй байхаа.
Нөгөө этгээдүүд нь арай манай баянөлгийн хасгууд биш байгаа. Тэгвэл Казахстан битгий явцгаа.