Бямба - 04 сарын 27,
2024
Монгол улсын ШУА-ийн ээлжит Их чуулган 10 дугаар сарын 13-ны өдөр болж ШУА-ийн Ерөнхийлөгчийн ээлжит бус сонгуулийг зохион байгуулав.
Сонгуулийн дүнд нийт гишүүдийн олонхийн саналаар ШУА-ийн Тэргүүн дэд ерөнхийлөгч, академич Д.Рэгдэлийг ШУА-ийн Ерөнхийлөгчөөр сонголоо.
Тэрбээр 1951 онд Говь-Алтай аймгийн Бигэр суманд төржээ. 1976 онд ЗХУ-ын Харьковын их сургуулийг биохимич мэргэжлээр төгсөж, 1985 онд Берлиний Гумболдтын Их сургуульд доктор (Ph.D), 2001 онд “Липоксигеназууд, нийтлэг шинж, өвөрмөц онцлог” сэдвээр химийн шинжлэх ухааны доктор (Sc.D)-ын зэрэг тус тус хамгаалжээ.
Улмаар 2002 онд Монгол улсын Шинжлэх ухааны академийн гишүүнээр сонгогдсон байна. Тэрбээр ШУА-ийн Хими болон Физикийн хүрээлэнд эрдэм шинжилгээний ажилтан, Хими, хими технологийн хүрээлэнд лабораторийн эрхлэгч, эрдэмтэн нарийн бичгийн даргаар ажиллаж байгаад 2001-2009 онд ШУА-ийн эрдэмтэн нарийн бичгийн дарга, 2009 оноос ШУА-ийн Тэргүүн дэд ерөнхийлөгчөөр сонгогдон ажиллаж байсан юм.
Академич Д.Рэгдэл 1996 онд Монгол Улсын Төрийн соёрхол, 2006 онд Монгол Улсын Шинжлэх ухааны гавьяат зүтгэлтэн цол хүртжээ.
Ж.Болор
Эх сурвалж: "Монцамэ" агентлаг
Сэтгэгдэл0
Намын томилго л байна. Энэ Рэгдэл гэдэг хүн ШУА-ийн удирдлаган эрдэмтэн нарийн бичгийн дарга, тэргүүн дэд еөрөнхийлөгчөөр олон жил ажилласан юм байна. Тэр үедээ сайн ажиллаж чадаагүй дээ. Энхтүвшин гэдэг хүн байгаа үгүй нь мэдэгддэггүй, дагаад энэ Рэгдэл ч чимээ аниргүй л байсан. Уул нь энэ ШУА гэдэг байгууллагыг жинхэнэ утгаар нь ажиллуулж чадвал эдийн засагт, улс орны хөгжилд их үр дүнтэй дээ. Даан ч эрдэмтэн нэртэй хэдэн нөхдүүд цалин аваад суухаас судалгаа шинжилгээ хийж, шинжлэх ухааны дүгнэлт гаргаж чадахгүй юм даа.
Баяр хүргьe! Сансарт хиймэл дагуул бaйтугай хүнээ нисгэхэд ШУА гол үүрэгтэй байсан. Амжилт sanaachlagatai ajillah baihaa