sonin.mn
Сэтгэгдэл (0)
НҮБ. /Xinhua/. Сирид бүслэлтэд ороод байгаа энгийн иргэдийн тоо энэ онд хоёр дахин нэмэгдэж, нэг сая орчим болсон байна гэж НҮБ мэдэгдэв.
 
Өнгөрсөн зургаан сарын хугацаанд бүслэлтэд орсон хүмүүсийн тоо 486 700 – 974 080-д хүрсэн байна гэж Яаралтай тусламжийг зохицуулагч Стивен О'Брайен мэдэгдлээ.
 
Энгийн иргэдийг тусгаарлан өлсгөж, агаарын цохилт өгч, эрүүл мэнд болон хүмүүнлэгийн тусламжаас холдуулж байна гэж тэрбээр мэдэгджээ.
 
Сирийн Ерөнхийлөгч Башар аль-Асадын цэргүүд харгис хэрцгий тактик хэрэглэж байгааг О'Брайен буруушаасан байна. 
Эдгээр бүслэлтийг зогсоох арга хэмжээ авахыг НҮБ-ын Аюулгүйн Зөвлөл хүчлэхгүй, хүсэхгүй байна гэж тэрбээр хэлжээ.
 
Хамгийн сүүлд сөрөг хүчний хяналтад байгаа Дамаск хотын Жобар, Хажар аль-Асвад, Хан аль-Ших дүүргүүд болон нийслэл хотын гаднах хөдөө аж ахуйн Гоута бүсийн хэд хэдэн газар бүслэлтэд орсон байна.
 
Д.Нямтулга
 
Эх сурвалж: “Монцамэ” агентлаг