sonin.mn
Сэтгэгдэл (0)
Эрүүл мэндийн сайд А.Цогцэцэг өнөөдөр Их Британийн BATH-ийн их сургуулийн эрдэмтдийн төлөөллийг хүлээн авч уулзлаа.
 
Уулзалтын эхэнд эрдэмтдийн зүгээс BATH-ийн их сургуулийн харьяа судалгаанд зориулсан сан байдгийг дуулгаад, МУИС-ийн судалгаа эрдэм шинжилгээний ажилд хамтран ажиллах хүсэлтэй байгаагаа сайдад уламжилсан юм.
 
Ялангуяа орчны эрүүл мэндийн чиглэлээр бодит тоон судалгааг гаргахаар төлөвлөсөн байна. Тус сан нь ДЭМБ-тай хамтран ажилладаг бөгөөд эрдэм шинжилгээний ажилд түлхүү анхаарч ажилладаг. Ингэхийн зэрэгцээ  санхүүжилтийг нь хариуцан ажиллаж, харин хийсэн ажлын үр дүн нь тухайн улсдаа үлддэг гэдгийг онцолж байв.
 
Энэхүү тоон судалгаа шинжилгээ хийснээр бодлогын түвшинд оновчтой шийдвэр гарахад ч нөлөө үзүүлнэ гэдэгт найдаж буйгаа хэлсэн юм.
Сайдын зүгээс хоёр улсын эрдэмтдийн багийг оролцуулсан нарийвчилсан тоон судалгаа хийхийг дэмжиж буйгаа илэрхийллээ.
 
Ж.Болор
Эх сурвалж: "Монцамэ" агентлаг