“Тогтвортой аялал жуулчлалыг Монгол Улсад хөгжүүлэх нь” сэдэвт ажил хэргийн зөвлөлгөөнийгБОАЖЯ, СЭЗИС, БНХАУ-ын Өвөр Монголын СЭЗИС-ийн санаачилгаар Нидерландын Засгийн газар болонМаастрихтын менежментийн их сургууль, БНХАУ-ын “Шилийн гол” Ажил мэргэжлийн дээд сургууль,ОХУ-ын Тува улсын их сургууль, БНХАУ-ын Шандоны аялал жуулчлалын коллежтэй хамтран зохионбайгуулав.
Уг зөвлөгөөнөөр ОХУ, Монгол Улс болон БНХАУ-ын хооронд тогтвортой аялал жуулчлалыгхөгжүүлэх жишиг загварыг тодорхойлох, түүнийг хэрэгжүүлэх арга замын талаар хэлэлцсэн бөгөөдтүншлэх оновчтой арга хэлбэрийг сонгохыг зорьсон юм. Зөвлөгөөний үеэр нэгдсэн хэлэлцүүлгийгоролцогч талуудын дунд явуулсан нь үр дүнтэй болж буйг оролцогчид хэллээ.
Энэ үеэр тогтвортой аялал жуулчлалыг хөгжүүлэх үзэл санааг түгээн дэлгэрүүлэх талаар БНХАУ Өвөр Монголын СЭЗИС, Шилийн голын АМДС, Шандуны аялал жуулчлалын сургууль, Кипр улсын Никозиагын их сургуулийн аялал жуулчлалын сургууль, ОХУ Якутск дахь Зүүн хойд бүсийн холбооны их сургууль, Тува Улсын их сургуультай хамтран ажиллах ерөнхий гэрээ байгуулснаа дуулгав.
Монголын Санхүү эдийн засгийн их сургуулийн ректор, профессор Д.Батжаргал, ОХУ-ын Тувагийн их сургуулийн профессор Севек В.К, Шилийн голын Ажил мэргэжлийн дээд сургуулийн орлогч захирал Бао Хай Лун, Өвөрмонголын Санхүү эдийн засгийн их сургуулийн аялал жуулчлалын сургуулийн дэд захирал Чүө Ян Ни болон тус сургуулийн эрдмийн сургуулийн дэд захирал доктор, профессор Хан Пэн нарын байр суурийг сонирхлоо.
Д.Батжаргал: ЖУУЛЧДЫГ УГТАН АВЧ ҮЙЛЧЛЭХ ХҮМҮҮСИЙГ БЭЛТГЭХ ХЭРЭГТЭЙ
-Бидний хөгжүүлэхийг зорьж байгаа аялал жуулчлал нь Монголын нүүдлийн ахуйн соёл. Хамгийн сайн мэдэх хүмүүс нь тайлбарладаг байх учиртай. Тэгэхээр малчин ардууд жуулчдад учрыг нь ухуулах зайлшгүй шаардлага бий. Харамсалтай нь манай малчид тэр бүр хэлний мэдлэг эзэмших нь ховор. Мэдээж орчуулагч хэрэг болно. Энэ ажлыг гадаадад сурч байгаа монгол оюутнууд хийж чадна шүү дээ. Аялал жуулчлалын салбарт зөвхөн хөтөчөөс илүүтэй жуулчдыг угтан авч үйлчлэх хүмүүсийг бэлтгэх хэрэгтэй. Ер нь хөтөч орчуулагч гэдэг нь бидний хөгжүүлэхийг зорьж буй энэ салбарт тун чухал. Тиймээс малчдыг оролцуулах ёстой гэж харж байна. Манай улсад ирж байгаа жуулчид Монголын соёл урлагийн тоглолт, музей үзэх төдийгөөр бидний соёлыг хэмжиж болохгүй. Соёлын өвийг бүрэн таних боломж олгохын тулд энэ салбарыг зайлшгүй хөгжүүлэх шаардлага тулгарч байна. Энэ нь тухайн өрхийн орлогын эх үүсвэр болохоос гадна эдийн засагт ч хувь нэмрээ оруулах юм. Мэдээж тухайн жуулчны баазад ажиллах малчин өрхийг жил бүр сонгон шалгаруулалтаар тодорхойлно. Магадгүй тендертэй адилтган будлиан орох вий гэх болгоомжлол гарах байх. Гэхдээ нутгийн иргэдийн дунд арын хаалга хэрэглэх боломжгүй. Яагаад гэвэл, жинхэнэ монгол ахуйгаа хадгалж байгаа өрхийг сонгох учраас хүмүүсийн нүдэнд ил шударга шалгаруулалт байх болно. Аялал жуулчлалын салбар эдийн засагт жин дарах хэмжээний орлого оруулах боломжтой ч хамгийн бага орлогыг оруулдаг. Түүнээс гадна жуулчид “Түүх, соёл, байгалийн үзэсгэлэнт газартай боловч жуулчдыг татах хэмжээнд хөгжүүлж чадаагүй байна” хэмээн халагладаг. Учир нь бид цогцоор нь хөгжүүлээгүй учраас хүмүүст оновчтой шийдлээр үзүүлж чадахгүй байгаа нь тэднийг залхааж байгаа хэрэг. Тиймээс манай сургуулийн хувьд аялал жуулчлалыг тогтвортойгоор хөгжүүлэхийн тулд гурван улсын их сургуулиудыг түшиглэн ажиллах болно. Ингэснээрээ илүү судалгаатай, үндэслэлтэйгээр энэ салбарыг хөгжүүлэх боломжтой. Өөрөөр хэлбэл, аялал жуулчлалын салбарыг хөгжүүлэхийн тулд зоосны нүдээр харах нь чөдөр болдог. Тиймээс хэт мөнгөний ашиг харах нь энэ салбарын хөгжлийг боомилох нэг шалтгаан болж байна.
Хан Пэн: ОЮУТНУУДАД ХЭЛНИЙ БЭРХШЭЭЛ ТУЛГАРАХГҮЙ
-Хоёр сургуулийн хоорондын хамтын ажиллагааны хувьд сургалтын хөтөлбөрт ялгаатай тал байсан хэдий ч мэргэжил нэг учраас адил тал ч бас бий. Манай сургуулийн багш нарын олонх нь өвөрмонголчууд. Тиймээс хэлний бэрхшээл тулгарах нь бага. Мөн манай сургуулийн багш нар хятад, монгол хэлийг хослуулан сурдагаараа бусдаас ялгаатай. Тэгэхээр хоёр сургуулийн хувьд оюутнуудад өөрийн сонирхсон мэргэжлээр сурахад хэлний бэрхшээл тулгарахгүйгээрээ онцлог давуу талтай.
Бао Хай Лун: МОНГОЛД АЯЛАЛ ЖУУЛЧЛАЛЫГ ХӨГЖҮҮЛЭХ БОЛОМЖ БИЙ
-Энэ удаагийн уулзалтад оролцсондоо сэтгэл өндөр байна. Тогтвортой аялал жуулчлалыг хөгжүүлснээр Өвөрмонголын орон нутгийн нөхцөл боломжийн талаар ярилцлаа. Ялангуяа гурван улсын төрийн бодлого уялдан зохицож байна гэж харлаа. Монгол Улсын хувьд нүүдэлчин амьдрал нь аялал жуулчлалыг хөгжүүлэх бүрэн боломжтой. Бидний хувьд нөхцөл байдал ямар байгаа, цаашид хэрхэн хамтарч ажиллах вэ гэдгийг харахаар ирсэн. Түүнээс гадна Өвөрмонголын Эдийн засгийн их сургуулийн хувьд хамтран ажилласнаар олон боломжийг нээж байна. Өөрөөр хэлбэл, бид хэлний бэрхшээлгүйгээр ойлголцох боломжтой.
Севек В.К: АЯЛАЛ ЖУУЛЧЛАЛ ХӨГЖИХ УЧИРТАЙ
-Энэ удаагийн уулзалтад “Үндэстэн ястны ахуйн онцлог, боломж, түүнд аялал жуулчлал хэрхэн нөлөөлж байгаа нь” сэдэвт илтгэл тавьсан. Тува улс Алтай Саяны мужийн төвд оршдогоороо онцлог. Энэ бүсэд Орос, Баруун Монгол, зүүн Казахстан, Хятад улс байдаг. Энэ улсуудаар дамнасан олон үндэстэн амьдардаг бөгөөд өөрсдийн соёл, хэлтэй. Эдгээр нь өөрсдийн уламжлалт амьдралаар амьдарч ирсэн. Тува улсын хувьд нүүдлийн мал аж ахуй эрхэлж байсан. Тиймээс аялал жуулчлалын гол үндэс нь амьдралын хэв маяг байх болно гэдгийг өөрийнхөө илтгэлээр хэллээ. Цаашид бүсийг хамарсан улсуудын аялал жуулчлалыг хөгжүүлэхэд тулгамдсан асуудлыг хэлэлцэн шийдэлд хүрэхийг зорьж байна. Түүнчлэн гурван улсын хамтарсан ажил хэрэгч уулзалтын үр дүнд тогтвортой аялал жуулчлалыг хөгжүүлэхэд нэлээд хувь нэмрээ оруулах чухал санал, санаачлага гарна гэдэгт итгэлтэй байна.
Чүө Ян Ни: ЦААШИД ХЭРХЭН ХАМТРАН АЖИЛЛАХ ВЭ ГЭДЭГ ЧУХАЛ
-Энэ удаагийн уулзалтад оролцохдоо хамтын ажиллагааны хүрээнд цаашид хэрхэн ажиллах вэ гэдгээ харж, судлахаар ирсэн. Аялал, жуулчлал, зочлохуйн үйлчилгээний хөтөлбөртөө мэргэжилтнүүдийг бэлтгэхэд анхаарах зүйлсийг мэдэж авахыг зорьж байна. Түүнчлэн төсөл, төлөвлөгөөг хэрэгжүүлэх талд хэрхэн хамтарч ажиллах вэ гэдгийг сонирхож байгаа юм. Тогтвортой аялал жуулчлалыг хөгжүүлэх төслийг хэрэгжүүлэхийн тулд сургуулийнхаа хөтөлбөрт оруулснаар санхүүгийн тусламж авах эсэхийг анхаарах хэрэгтэй гэж бодож байна.
Сэтгэгдэл0