sonin.mn
Сэтгэгдэл (0)
МАХН-ын  21-р зууны II Их чуулган өнөөдөр болж байна.Чуулганд оролцогчдод амжилт хүсч МАН-ын даргаас ирүүлсэн илгээлтийг МАН-ын Намын байгуулалтын газрын дарга Б. Баярбаатар сонордуулав.
Уг илгээлтэнд: "Саяхан хуралдсан МАН-ын 28-дугаар Их хурлаар МАН-ын даргаар сонгогдсонд баяр хүргэсэн чин сэтгэлийн захидал ирүүлсэнд чин сэтгэлийн талархал илэрхийлье. Мөн Монгол орны 21 аймаг 330 сум нийслэлийн есөн дүүргийн МАХН-ын гишүүдийн төлөөлөл болон тус чуулганд оролцож байгаа төлөөлөгч та бүхэнд мэндчилгээ дэвшүүлж байгааг хүлээн авна уу. Монгол Улсад үйл ажиллагаа явуулж буй нийт улс төрийн намуудын эрхэм зорилго нь Монгол Улсын улс төр, нийгэм, эдийн засгийн байдал хүнд байгаа хэдий ч улс орны эрх ашгийн төлөө зөв шийдэл, оновчтой гарцыг хамтдаа эрэлхийлэн хэрэгжүүлэх нь үр дүнтэй гэж бид үзнэ. МАХН-ын ээлжит II Их чуулганаас гарах шийдвэрүүд нь Монголын ард түмний сайн сайхны төлөө байна гэдэгт бүрэн итгэлтэй байна. Төрийн нуруу түвшин түмэн олон минь амгалан байх болтугай. МАХН-ын Их чуулганд амжилт хүсье. XVII жарны “Тийн унжлагат” хэмээх шороон нохорй жилийн сар шинэдээ сайхан шинэлээрэй." гэжээ.