sonin.mn
Сэтгэгдэл (0)
СӨҮЛ./РИА Новости/. БНАСАУ-ын нийслэл Пхеньян хотод хүрэлцэн ирсэн Өмнөд Солонгосын Ерөнхийлөгч Мүн Жэ Инийг Умард Солонгосын удирдагч Ким Жөн Ун биечлэн угтан авчээ. Энэ тухай Өмнөд Солонгосын нийслэл Сөүл хот дахь Солонгос хоорондын дээд хэмжээний уулзалтын хэвлэлийн төвөөс РИА Новости агентлагийн сурвалжлагч мэдээлжээ.
Өмнөд Солонгосын Ерөнхийлөгчийн гэргий Ким Жон Суг БНАСАУ-ын удирдагчийн гэргий Ли Соль Чу угтан авсан байна. 
Солонгосын ардын армийн цэргийн найрал хөгжимчид баярын марш тоглож, Өмнөд болон Умардын удирдагчид нисэх онгоцны буудал руу улаан хивсэн дээгүүр явах үеэр Мүн Жэ Инийг Пхеньянд айлчилж буйд зориулан ёслолын буудлага бууджээ.
Өмнөд Солонгосын Ерөнхийлөгч сүүлийн 11 жилийн хугацаанд анх удаа Пхеньянд айлчилж байгаа юм. Өмнө нь тус улсын Ерөнхийлөгч асан Но Мун Хён 2007 оны аравдугаар сард БНАСАУ-д айлчилж байв. 
 
Д.Жаргал
Эх сурвалж: Монцамэ агентлаг