Улаанбаатар /МОНЦАМЭ/. УИХ дахь АН-ын бүлэг өнөөдөр “Төрөөс мөнгөний бодлогын талаар 2019 онд баримтлах үндсэн чиглэл батлах тухай” тогтоолын төслийг хэлэлцэж, Монголбанкны удирдлагуудын мэдээллийг сонсчээ. Энэ талаар тус бүлгийн дарга Д.Эрдэнэбат мэдээлэл хийв.
Төрийн аливаа бодлогыг хэрэгжүүлэхдээ өмнөх жилүүдийнхээ алдаа, дутагдлаас суралцаж, засан сайжруулж байх ёстой гэдгийг Д.Эрдэнэбат гишүүн хэлээд, “Төрөөс мөнгөний бодлогын талаар 2018 онд баримтлах үндсэн чиглэлд хэрэгжээгүй хэд хэдэн зүйл бий. Тухайлбал, ипотекийн зээл олголтыг сайжруулах заалт хангалттай хэрэгжээгүй. Нөгөөтэйгүүр, чанаргүй зээлийг бууруулах, инфляцийн түвшиг тогтвортой байлгах зэрэг зорилт хангагдаагүй. Хамгийн гол нь эдийн засгийн өсөлт иргэдийн амьдралд эерэг нөлөө үзүүлж чадсангүй. Тиймээс дээрх алдаа, дутагдлаасаа суралцаж, ирэх онд Засгийн газар, Монголбанк бодлогын уялдаа, холбоогоо сайжруулан, хамтран ажиллах сануулж байна. Монгол Улсад гадаад, дотоод өр, импорт зэргээс үүдэлтэй эдийн засгийн олон дарамт бий. Түүнчлэн хэрэглээний зээл өссөөр байгаа нь айл, өрхүүдийг өрийн дарамтад орж байгааг харуулж байна. Үүнийг ирэх оны мөнгөний бодлогод тусгаж, шийдвэрлэх ёстой. Энэ бүх саналаа Засгийн газар болон холбогдох байгууллагуудад хүргүүлнэ” хэмээв.
Ч.Ариунболд
Эх сурвалж: Монцамэ агентлаг
Сэтгэгдэл0
Хэрэглээний зээлийг бүрмөсөн хаачихмаар юм. 1.Зээл авсан иргэд зээлээрээ төр засаг, ах дүүсээ дарамдалдаг болсон. 2.Айл өрхийн төсөв, санхүү, сэтгэл зүйд муу нөлөө үзүүлж байна. 3.Хөдөөгийн иргэд онц шаардлагагүй зүйлд гэнэн сониуч зан, дүйвээнээр хандаж зээл авч байна. 4.Иргэд цалин орлогоо авангуут шууд зээлээ төлж байгаа учир худалдаа, үйлчилгээний бусад салбаруудын хөгжилд тушаа болж байна. Мөн тэтгэвэрийн зээлийг бүрмөсөн хаамаар санагддаг. Учир нь ахмадууд маань өөрсдөө хэрэглээд үр, ач зээ нараа хааяа эрхлүүлж байвал нэн таатайсан. Ихэнх ахмадуудын архи уудаг, өр зээлдээ баригдсан арчаа муутай хүүхдүүд нь л хөгшдийн тэтгэвэрийг зээл авхуулж дуусгаж байна.
Өөрсдөө засаглаж байхдаа юу хийж байсийн
Хусэлтээрээ зээл авчихаад эцэсд нь чадахаа байхаар бусдыг дарамталдаг ухэр монголчуудын зан