Улаанбаатар /МОНЦАМЭ/. Засгийн газрын өнөөдрийн хуралдаанд Сангийн сайд Ч.Хүрэлбаатар Засгийн газрын тусгай сангуудад хийсэн шалгалтын дүнг танилцууллаа.
Тэрбээр, “Сангийн яамнаас Тариалан эрхлэлтийг дэмжих сан (ТЭДС), Мал хамгаалах сан (МХС), Хөдөлмөр эрхлэлтийг дэмжих сан, Жижиг, дунд үйлдвэрлэлийг дэмжих сан (ЖДҮХС), Боловсролын зээлийн сан, Автозамын санд шалгалт хийлээ. Шалгалтын дүнг үндэслэн татан буулгах сангуудын нэрсийг ирэх долоо хоногт болох Засгийн газрын хуралдаанаар тодорхой болгоно. Шалгалтын явцад 319 аж ахуйн нэгж хоёр сангаас зэрэг зээл авсныг тогтоосон. Мөн ТЭДС, ЖДҮХС болон МХС-гаас зэрэг зээл авсан аж ахуйн нэгжүүд ч байна. Засгийн газрын тусгай сангийн зээлийн мэдээлэл Монголбанкны мэдээллийн санд ордоггүй. Үүний улмаас сангуудын хугацаа хэтэрсэн зээлийн үлдэгдэл 130 тэрбум төгрөгт хүрсэн байна. Харин шалгалт эхэлснээс хойш буюу сүүлийн хоёр сарын хугацаанд энэхүү өр 100 тэрбум төгрөг болж буурсан. Засгийн газраас цаашдаа тусгай сангуудын үйл ажиллагааг ил тод, нээлттэй болгох, үүнд олон нийтийн оролцоог хангах чиглэлд анхаарах болно. Үүний тулд сангуудын Удирдах зөвлөлд ТББ, мэргэжлийн холбоодын төлөөллийг оролцуулна” гэлээ.
Ч.Ариунболд
Эх сурвалж: Монцамэ агентлаг
Сэтгэгдэл0
татан буулгах гэдэг нь сангын хөрөнгийг хулгайлчихаад татан буулгах гэж байна даа. гэхдээ хулгай заавал илэрдэг дээ .
ХУДАЛ ХУЛГАЙ ИЛЭРДЭГ ЖАМТАЙ , ЯМАР НЭГ БАЙДЛААР
Татан буулгах яах вэ. Сангуудаас хулгай хрийсэн асуудлыг үүгээр дарагдуулчихбал хэрэг алгаа. Мартагнуулах нэг хэлбэр шүү.