Улаанбаатар /МОНЦАМЭ/. Монголын хөлбөмбөгийн холбоо, Монголын волейболын холбоо болон Монголын сагсан бөмбөгийн холбоод хамтран нэгдсэн хүсэлтээ Улсын онцгой комисс/УОК/-т хүргүүлэхээр болжээ.
УОК-оос тавдугаар сарын 18-нд хөлбөмбөгийн гурван тэмцээнийг зохион байгуулах зөвшөөрөл олгосон. Харин 2 хоногийн дараа уг шийдвэрээ цуцалсан юм. Хөлбөмбөгийн дээд лигт өрсөлдөх эрхээ өвөртлөөд байсан 10 баг оролцох хүсэлт гаргаж, бэлтгэлдээ ороод байв.
Манай орны 4 улирлын цаг агаарын байдлаас шалтгаалж 5-6 сарын хугацаанд л гадаа талбайд хөлбөмбөг тоглох боломжтой байдаг. Зөвхөн МХБХ-ны хөлбөмбөгчид, дасгалжуулагчид ийм нөхцөл байдал тулгараагүй бөгөөд Монголын сагсан бөмбөгийн тамирчдын холбоо ч коронавирусний улмаас дээд лигээ дундаас нь зогсоосон юм байна.
Харин УОК-оос зөвшөөрвөл олговол тэмцээнүүдийг хорио цээрийн журмын дагуу, үзэгчгүй хийх бүрэн боломжтой аж. Мөн тоглолтуудаа телевизээр шууд дамжуулахаар төлөвлөжээ.
Д.Өлзийсайхан
Эх сурвалж: Монцамэ агентлаг
Сэтгэгдэл0
Хэрэггүй 9-р сараас эхэл
Зөв зөв. Явдаг жорлонгууд ноололдож болдог юм бол хөл бөмбөг, сагсан бөмбөг яагаад тоглож болохгүй гэж.
Хөлбөмбөг, сагсаар манайхан нээх гавих биш зүгээр бэлтгэлээ хийгээд л явж байвал барав.