Улаанбаатар /МОНЦАМЭ/. Мэргэжлийн сумо бөхийн 69 дэх Их аварга, Хөдөлмөрийн баатар Хакүхо М.Даваажаргал аваргын монгол гэр Токиогийн олимпын наадмын Монгол Улсаа сурталчилна.
Энэхүү монгол урчуудын бүтээсэн 8 ханатай, бүрэн сийлбэртэй монгол гэрийг тун удахгүй Япон улс руу зөөвөрлөх юм байна. Харин уг чамин хийцтэй монгол гэр Монголын үндэсний олимпын хорооны дэргэд барьсан байгаа бөгөөд Токиогийн олимпыг угтаж хэрэгжүүлэх ажлуудын хүрээнд тус гэрийг Токио цамхагт барих юм.
Монгол үндэсний урлаг, соёлын бахархал болсон энэ гэрийн тооно болон баганан дээр Бөртө чоно, Гоо маралаас улбаасан гэдгийг суурь болгож босгосон Чингис хаан Нэгдсэн Их Монгол Улсаа байгуулсныг бэлгэдлийг тод илэрхийлж чимэглэсэн сийлбэртэй юм байна.
Мөн Их хааны түүхэн замналын эхлэлийг найман шарга мориор дүрсэлж, их гүрэн улсаа байгуулахад үнэн шударгыг эрхэмлэгч өрлөг сайдуудыг уг тоононд багтаажээ. Тоононы төвд улсын дээд захирагч Шихихутаг Их засаг хуулиа чандлан сахиулж суугаа байдлаар дүрслэгджээ. Тоононы хүрээнд хаант төрийн 9 эх бэлгэдлийг 9 эрдэнээр чимэглэн цаг хугацааны үргэлжлэл болох 12 жилээр хослуулжээ.
Д.Өлзийсайхан
Эх сурвалж: Монцамэ агентлаг
Сэтгэгдэл0
Uneheer gaihamshig buteejee
Mongol hel, mongol deel utgaa aldlaa geed l bdg geriin mod ch geseg yag ali heseguuddee ymar belegdeltei hee huaraar chimegleh ve gedeg n bvr togtchihson zuil bailtai. MGL geheer l bvh iym n Chingis bh albagui l bailtai. Duuren chinginseer heelsen ger dotor l chingis arhia sognood l nairlahiin biz dee.
japan avarga mongol ger t jhn tiim l yumdaa tee. ger bol ch saihan ed bn .
Тооны голд хүн сийлсэн нь жаахан утга алга. Түүний оронд соёмбо үсэг байсан бол илүү дээр байжээ.