sonin.mn
Сэтгэгдэл (2)

Төр нийгмийн зүтгэлтэн С.Зоригийн хөшөөнд цэцэг өргөж, хүндэтгэл үзүүлэх үеэрээ УИХ-ын гишүүн асан, АН-ын гишүүн З.Нарантуяа тус хэрэгт холбогдсон Т.Чимгээд Нийслэлийн Засаг дарга асан Х.Нямбаатар орон сууц олгосон асуудлаар байр сууриа илэрхийллээ. 


Тэрээр: "Т.Чимгээг хэрэв хэлмэгдүүлсэн бол нэр төрийг нь цагаатгаад, уучлалт гуйгаад, төрийн өмнөөс үйл ажиллагаа явагдах ёстой. Гэтэл дурын нэг Нийслэлийн Засаг дарга, дурын улстөрч гарч ирээд энэрэнгүй сэтгэл гаргаад, байр саваар дэмжиж туслаад байгаа нь цэвэр улс төрийн зорилгодоо ашиглах гэж байгаа үйлдэл. Яагаад гэвэл хуулийн байгууллага буруу ажилладаг юм бол мянга мянган адилхан хүмүүс байгаа шүү дээ.


Тэднийг бүгдийг нь гаргаж ирээд байр өгөөч. Бүгдийг нь шагна л даа. Гэтэл ганцхан хэргийг сугалж авчраад, ганц хэрэг дээр хуулийн системийн бүх хүмүүсийн хөдөлмөрийг, үйл ажиллагааг нь харлуулж болохгүй. Энэ бол хүлээн зөвшөөрч болохгүй үйл ажиллагаа явагдаад байна. Т.Чимгээг цагаатгаагүй байгаа." гэлээ.


Н.Отгончимэг