Лхагва - 05 сарын 08,
2024
Азербайжаны нийслэл Баку хотноо өнгөрөгч амралтын өдрөөр болсон жүдо бөхийн “Их дуулга” тэмцээнээс гавьяат тамирчин С.Ням-Очир мөнгөн медаль хүртсэн байна.
Тус тэмцээнд 48 орны 354 жүдоч барилдсанаас манайхаас эрэгтэй зургаа, эмэгтэй хоёр бөх зодоглосон юм. Эрэгтэйчүүдийн 73 кг-д 40 бөх барилдсанаас С.Ням-Очир нэгдүгээр тойрогт Узбекстаны Шарипов, Туркийн Хасан нарыг дараалан цэвэр, Украины Дреботыг хоёр юүко үнэлгээгээр ялж, их шөвөгт шалгарав. Улмаар Германы Игор Вандткег торгуулиар ялж шигшээд талбайн эзэн орны тамирчин Рустам Оружовт торгуулиар хожигдож, мөнгөн медаль хүртжээ. Энэ жинд Хөдөлмөрийн баатар, Х.Цагаанбаатар барилдсан ч Беларус, Бразилийн бөхчүүдийг ялж, Унгарын М.Унгварид торгуулиар, дагах барилдаанд ОХУ-ын Зелимхан Оздоевт ялагдан, VII байр эзлэв.
Эрчүүдийн 60 кг-д Д.Амартүвшин V, дэлхийн аварга Г.Болдбаатар VII, 81 кг-д Н.Дагвасүрэн VII байрт оров. Багийн дүнгээр Азербайжан улс хоёр алт, нэг мөнгө медаль хүртэж тэргүүлсэн бол Румын, ОХУ, Нидерланд, Их Британи улс II-V байрт шалгарлаа. Монголын баг тамирчид нэг мөнгө, V байр нэг, VII байр гурав эзэлсэн амжилтаар XV байрт орлоо.
Д.Өлзий
Эх сурвалж: "Монцамэ" агентлаг
Сэтгэгдэл0
Temtseend oroltsson buh tamirchdada bajar hurgeje.Hulsuu dusluulj l javaa shuu dee!! dandaa medali avah bolomjgui ue taarch bolno doo.
Сайн байцгаана уу? Баяр хргэе, Ням-Очироо, сайхан л сонин дууллаа. Нөгөө хэд маань ч гэсэн сайхан барилдаждээ. Нээрээ л, медаль дандаа аваад байна гэж юу байхавдээ, хэхэхэ. Заримдаа ч, медалиасаа илүүтэй удаах барилдаан тэмцээнд яах хэрхэийгээ мэдэж олж авах гэхчлэн медалийн дайтай зүйл байдаг л байлгүйдээ.