ЗХЖШ-ын 032-р ангид алба хааж байсан, ахлах ахлагч О.Батдэлгэр хэрхэн хохирсон тухай түүний өмгөөлөгч Г.Балжмаа болон О.Батдэлгэр нар мэдээлэл хийлээ. Мэдээллийн эхэнд өмгөөлөгч Г.Балжмаа: “Өнөөдөр ЗХЖШ-ын хаалттай орчин, түүний цаана гардаг аман тушаалууд, уг тушаалуудаас болж хүний амьдрал хэрхэн хохирч байгаа тухай ярья гэж бодож байна. Миний хажууд ЗХЖШ-ын 032-р ангид алба хааж байсан, ахлах ахлагч О.Батдэлгэр, одоогоор иргэн болчихсон, яагаад гэвэл өөрийн хүсэлтээр ажлаа өгсөн, ийм хүн байна. Энэ хүн надад би өөрийн ажил төрөл, амьдрал ахуй, нэр хүндээрээ хохирчихлоо гэж хандсан учир өмгөөллийн үйлчилгээ үзүүлж байгаа юм. 2021 оны 03 сарын 22-ний өдөр 032-р ангид алба хааж байсан хугацаат цэргийн алба хаагчийн эгчийн зүгээс 2 асуудал дээр гомдол гаргасан. Нэгдүгээрт, ахлах ахлагч О.Батдэлгэрт зодуулсны улмаас шүд цуурч, гүйлсэн булчирхай цочсон. Хоёрдугаарт, намайг дарамталж, өөрийнхөө дансаар мөнгө авдаг байсан гэх асуудал. Ийм 2 асуудлаар шалгаж өгөөч ээ гэж ЗХЖШ-д гомдол гаргасан байдаг. Энэ асуудлаар шалгалт хийж, одоог хүртэл эцсийн шийдвэр гараагүй байгаа. Үүнээс үүдэж О.Батдэлгэр дээр БЗД-ийн цагдаагийн 1-р хэлтэс дээр эрүүгийн хэрэг үүсгэсэн байгаа. Эрүүгийн хуулийн 28.3-т заасан захирагч захирагдагчдаа хүч хэрэглэсэн гэх, 6 сараас 1 жил хүртэл хорих ялтай эрүүгийн хэрэг үүсчихсэн байгаа юм.” гэв.
Харин О.Батдэлгэр: “2021 оны 03 сарын 21-ний өдөр Г.Дэлгэрхишиг гэж хүнээс бэлтгэл байлдагч Г.Бямбадорж цэргийн ангид алба хааж байх хугацаандаа надад зодуулж, шүд цуурч, гүйлсэн булчирхай цочсон гэх гомдол над дээр ирсэн. Уг гомдлын дагуу ЗХЖШ-аас ажлын хэсэг гарч, хурандаа н.Ариунболд, дэд хурандаа н.Батжаргал нар ирж шалгасан. Шалгаад одоог хүртэл ямар ч шийдвэр гаргаагүй. Тэгсэн хэр нь н.Дугаррагчаа хурандаа ирээд, чи мөнгө авсан болох чинь нотлогдсон. Ажлаас гарах өргөдлөө өг. Нэг хоногийн дотор ангийн захирагчаар цохуул гэдэг аман тушаал өгсөн. Мөн энэ шалгалтийн явцад буруутай эсэх нь тогтоогдоогүй байхад эрүүгийн гэмт хэрэг үйлдсэн мэтээр дарамт шахалт үзүүлж, дарга нар бузар булайгаар нь дууддаг байсан.
Тэгээд энэ бүхний дараа 2021 оны 04 сарын 22-ний өдөр би өөрийн хүсэлтээр ажлаас гарах хүсэлтээ өгсөн.
Би 2012 онд 032-р ангид хугацаат цэргийн албанд татагдан очиж байсан. Ингээд олон залуучууд дундаас шалгарч, улирах хүсэлт өгөөд, 2013 оны 05 сарын 23-ний өдөр ЗХЖШ-ын даргын тушаалаар 032-р ангид буудагчаар томилогдож, улмаар 2020 оны 01 сарын 16-ны өдөр Монгол Улсын төрийн хүндэт харуулийн салааны ахлагчийн албан тушаалд томилогдсон. Энэ хугацаанд би сахилгын болон гэмт хэргийн шинжтэй ямарваа нэгэн үйлдэл гаргаж байгаагүй. Ингээд ажиллаж байтал хугацаат цэргийн алба хаагч Г.Бямбадоржийн гүтгэлгээс болж ажлаасаа гараад, 5 хүүхдээ тэжээж чадахгүй, ажил хайгаад, цагдаад хүртэл эрүүгийн хэргээр шалгагдаж байна. Өнөөдөр яагаад хэвлэл мэдээлэлд хандах болсон бэ? гэвэл надаас өмнө олон залуучууд хохирч байсан гэдгийг мэдэхгүй ч, надаас хойш олон сайхан залуучууд битгий хохироосой, талхныхаа мөнгөнөөс битгий салаасай гэж энэ алхмыг хийлээ” гэв.
М.Чойжал
Сэтгэгдэл0
Зарим хугацаат цэргийн алба хаагч дургүй дарга, захирагч нараа худлаа гүтгэж, ажил амьдралаар нь хохироодог явдал өнгөрсөн нийгэмд байсан, өнөөгийн нийгэмд бүр ч газар авсныг бодолцох цаг болсон шүү. Амьдрах гэж яваа жирийн нэг ахлагчийг хэн нэгний аман үгээр хэлмэгдүүлж болохгүй ээ. Уг нь ангийн захирагч нь сайн залуу бий дээ. Эгэл жирийн алба хаагчаа эрхбиш мэдэж байгаа байлгүй.
хүн гүтгэдэг адгийн хулгайчуудын нүгэл нь нүдээрээ гардаг юмаа
Цэрэгт татагдахаасаа өмнө гэр бүлийн бохир орчинд хүмүүжсэн хүн хогнууд армид очоод хулгайч нь хулгайгаа хийж,хүчирхийлэгч нь хүчирхийлэл үйлдэж алуурчин нь даргаа,цэргээ алж байна. Энэ хүн хогнуудыг бүгдийг нь цэвэрлэнэ гэдэг бол манай нийгмийг бүхэлд нь ёс суртахуунтай, нүгэл үл үйлдэж, буян хийгчдийг төлөвшүүлнэ гэсэн үг юм. Шашин нийгмийн өмнө хүлээсэн үүргээ биелүүлж ёс суртахуунтай иргэдийг төлөвшүүлэхэд чармайлт гаргах хэрэгтэй байна. Шашингүй үзэлтэй араатнуудыг онцгой анхааралдаа авах ёстой. Тэд ямар ч бузар үйлдэл ,юу ч хийнэ.Тэрийгээ хүний эрхээр зөвтгөнө.
15 генерал нэг өдөр төрүүлдэг Женко армийг бол алсан. Европ Оросын улс төр Азийн Монголд үргэлж ингэж хандаж ирсэн уламжлалтай.
Нэг дор арваад генерал төрөөд байхад чинь яаж байгаа юм бээ хүний гүтгэлэгээр хүн хохироож энэ Баттулга уу чамайг яана даа.
Хөсрий олс байхаар нь атгачихсан чинь үзүүрт нь үхэр байсныг мэдэлгүй хулгайд сэрдэгдэж шоронд оров гэдэг шиг нэг муу үхэж байсан байлдагчийн өөрийнх нь хүсэлтээр эгчээс нь явуулсан мөнгийг нь дансаараа авч дамжуулж өгсөн нь буруудаж хөөрхий энэ муу ядарсан ахлагч хоолноосоо салсан юм байна.Ганц энэ залуу ч биш олон арван ахлагч нарыг халаад байх юм бол Мэргэжлийн цэрэгт суурилсан Зэвсэгт хүчин чинь хүнгүй болно шүү.Тэгээд ч угаасаа ахлагч нар олигтой цалин авдаг биш.Гадаадад ЭДА-нд явах гэж бөөн хээл хахууль.Ирээд бөөн татаас өгдөг ангидаа.Армйин нэр барьж гадаадад өчнөөн доншуучилдаг генерал хурандаа нар нь татвар төлөгчдийн мөнгөөр гараа угааж удахгүй болох Хааны эрэлд сургуулиас бас Өмнөд Суданд байгаа болон одоо явах ээлжийн төсвөөс тэрбум тэрбумаар нь хулгай хийдэг. Сайханбяар бол мэргэшсэн авлигач.Сайд болонгуутаа яамныхаа БХЗГ-ын даргаас бусдыг нь өөрийнхөө үгнээс гарахгүй дунд гарахгүй бага дунд гарын авлигачдаар сольсон.БХЗГ-ын дарга нь түүнийг унасан морь чинь хулгайнх шүү
От Русских европейцев!
generaluud chin boon zali , ene zaluug zaaval ingej zovooch estoi umuu