Маргааш баруун аймгуудын нутгийн зарим газраар, энэ сарын 24-нд нутгийн баруун хагаст, 25-нд ихэнх нутгаар цас орж, цасан шуурга шуурч, хүйтрэхийг Ус цаг уур, орчны шинижлгээний газар анхаарууллаа.
Энэ сарын 24-28-ныг хүртэлх цаг агаарын урьдчилсан төлөв танилцуулж байна. Энэ сарын 24-нд баруун аймгуудын нутгийн зүүн хэсэг, төвийн аймгуудын ихэнх нутгаар, 25-нд баруун аймгуудын нутгийн хойд хэсэг, төвийн аймгуудын нутгийн зарим газар, говийн аймгуудын нутгийн зүүн хэсэг, зүүн аймгуудын ихэнх нутгаар, 26-нд нутгийн хойд хэсгээр, 27-нд нутгийн зарим газраар цас орж, цасан шуурга шуурна. Салхи 24, 27-нд нутгийн зарим газраар, 25, 26-нд говь, талын нутгаар секундэд 14-16 метр хүрч ширүүснэ. 24-нд нутгийн баруун хэсгээр, цаашдаа ихэнх нутгаар хүйтний эрч бага зэрэг чангарч, Увс нуурын болон Дархадын хотгор, Завхан голын эх, Идэр, Тэс голын хөндийгөөр шөнөдөө 36-41 градус, өдөртөө 26-31 градус, Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн голын хөндийгөөр шөнөдөө 28-33 градус, өдөртөө 17-22 градус, цас багатай энгэр ээвэр газраар шөнөдөө 16-21 градус, өдөртөө 6-11 градус, бусад нутгаар шөнөдөө 22-27 градус, өдөртөө 12-17 градус хүйтэн байна.
Сэтгэгдэл0
энэ юу ч бишш якутад адуу малаа маллаад тавин градуст орос фургоноор яваад өвс тэжээлээ өгөөд малаа маллад байж байна
Хөгшөөн манай Монгол танай Якут биш гэдгийг ойлгож байгаад дараа нь тэнэгтвэл ямар вэ?!
-50 гэдэг ч тусдаа асуудал шүү. Тэнд хүмүүс нь хувцаслах нь хүртэл биднээс өөр, хувцас нь хүртэл өөр. Энгэр урдуураа битүү устэй комбинзон шиг юм өмсөнө. За тэгээд амьдардаг л байх даа. Одоо ч харь гариг дээр очиж амьдарна гээд байгаа үед бол бүр л өөр орчин нөхцөлд орох байх даа