Их эзэн Чингис хааны мэндэлсний 860 жилийн ойд зориулан Монгол Улсын Ерөнхийлөгчийн ивээл дор зохион байгуулж буй “Чингис хааны ертөнц ба Монгол судлал” сэдэвт цогц арга хэмжээний нээлт өнөөдөр болж, Монгол Улсын Ерөнхийлөгч Ухнаагийн Хүрэлсүх оролцон үг хэллээ.
МОНГОЛ УЛСЫН ЕРӨНХИЙЛӨГЧ ХЭЛСЭН ҮГЭНДЭЭ:
“Эрхэм хүндэт эрдэмтэн судлаачид,
Хүндэт зочид оо,
Монгол үндэстний бахархал, дэлхийн түүхийн мянганы суут хүмүүн Эзэн Богд Чингис хааны мэндэлсний түүхт 860 жилийн ойд зориулсан олон улсын эрдэм шинжилгээний хуралд дэлхийн өнцөг булан бүрээс хүрэлцэн ирсэн эрдэмтэн судлаачид, зочид төлөөлөгчид Та бүхэнд энэ өдрийн мэндийг өргөн дэвшүүлье.
Тэртээ 860 жилийн өмнө Эзэн Богд Чингис хаан хүмүүн заяаг олон мэндэлж, тархай бутархай овог аймгуудыг нэгэн тугийн доор нэгтгэн, нүүдэлчийн соёл иргэншлийг цогцлоож, дэлхийн түүхэн дэх хамгийн хүчирхэг эзэнт гүрний нэгийг байгуулсан түүхтэй билээ.
Чингис хааны баримталж байсан үзэл санаа, өрнүүлж байсан үйл хэрэг нь хүн төрөлхтний хөгжлийг сааруулж байсан зөрчил тэмцэл, дайн тулааныг эцэслэж, өрнө дорныг төвшитгөн “Монголын их амар амгалан”-г тогтоож, дэлхийн хөгжилд онцгой хувь нэмэр оруулсан билээ.
Монгол судлалын үе үеийн эрдэмтэн судлаачид Та бүхний нөр их хөдөлмөр бүтээлийн үр дүнд, Эзэн Богд Чингис хаан болон түүний залгамжлагчид соёл иргэншлийг байгуулагчид, соён гэгээрлийг түгээгчид, амар амгаланг тогтоогчид, хөгжил дэвшлийг түүчээлэгчид байсан гэдэг нь улам бүр тодорхой болсоор байна.
Энэхүү үйл хэрэгт өөрийн гэсэн хувь нэмрээ оруулж, олон улсын эрдэм шинжилгээний хуралд хүрэлцэн ирсэн эрдэмтэн мэргэд Та бүхэн Монголын түүх, соёлыг тал бүрээс нь сурвалжлан судалж, дэлхий нийтэд үнэн бодитоор сурталчлан таниулж байгаад Монгол Улсын Ерөнхийлөгч чин сэтгэлээсээ талархал илэрхийлж байна.
Монгол төрийн бодлогын цөмд Монгол судлал чухал байр суурь эзэлж ирсэн билээ. Монгол судлалын тэргүүлэх чиглэл болсон Чингис хаан судлалыг цаашид улам өргөжүүлэн хөгжүүлэхийн тулд, Монгол Улсын төрөөс Чингис хааны өв соёлын бие даасан судалгааны хүрээлэн байгуулсан бөгөөд Чингис хаан музей тун удахгүй үүд хаалгаа нээхэд бэлэн болоод байна.
Монгол Улсын Ерөнхийлөгчийн бодлого, үйл ажиллагааны хөтөлбөрт “Чингис хаан судлалын олон улсын холбоо” байгуулж, дэлхийн олон орны эрдэмтэн судлаачдын хамтын ажиллагааг идэвхжүүлэн дэмжих, олон улсын эрдэм шинжилгээний хурал, зөвлөгөөн зохион байгуулах, ном бүтээл хэвлэн нийтлүүлэх, Чингис хааны өв соёлыг сурталчлан таниулах үйл хэргийг дэмжин ажиллахаар тусгасан юм.
Ийм учраас энэхүү хурлаар Чингис хаан судлалын олон улсын холбоог байгуулж, “Чингис хаан судлалын олон улсын хурал”-ыг гурван жил тутамд нэг удаа Монгол Улсын Ерөнхийлөгчийн ивээл дор зохион байгуулахыг санал болгож байна.
Түүнчлэн, цаашид дэлхийн улс орнуудын номын сан, музей, архив, хувь хүмүүсийн цуглуулгад буй Чингис хаан болон түүний залгамжлагчдын түүхэнд холбогдох эд өлгийн болон оюуны соёлын зүйлсийг сурвалжлан цуглуулах, судлан шинжлэх, сурталчлан таниулах, хамтын бүтээл туурвих, чухал ном бүтээлийг орчуулах зэрэг ажлыг Монгол Улсын Ерөнхийлөгч дэмжиж, Та бүхэнтэй нягт хамтран ажиллахаа илэрхийлж байна.
Чингис хаан бол дэлхийн түүхэнд монгол хүн, монгол үндэстнийг мөнхлөн дархалж, тусгаар Монгол Улсын оршихуйг тамгалсан гавьяатан билээ.
Бидний монголчууд, Монгол Улсын үе үеийн Ерөнхийлөгчид Эзэн богд Чингис хааныхаа суу алдар, түүх намтар, үзэл санаа, үйл хэргийг алдаршуулан мөнхжүүлэх, монголчуудын төрт ёсны үнэт өвийг бэхжүүлэх бодлогыг баримталж ирсний дагуу, сүүлийн жилүүдэд их хааны шүтээн Бурхан Халдун хайрхныг дэлхийн соёлын өвд бүртгүүлж, Төрийн ордон, төрийн болон орон нутгийн бүх шатны байгууллага, хилийн чанадад суугаа дипломат төлөөлөгчийн газрууд, сургалтын байгууллага, монгол хүн, айл өрх бүр Чингис хааны эш хөргийг дээдлэн залах Ерөнхийлөгчийн зарлиг гарч, хэрэгжиж эхэлсэн бөгөөд их хааны төрсөн нутагт аялал жуулчлалын томоохон төв байгуулахаар төлөвлөж байна.
Эрхэм хүндэт эрдэмтэн мэргэд ээ,
Чингис хаан болон түүний үйл хэргийг хэдий чинээ олон улсын эрдэмтэн судлаачид сонирхон судална, төдий чинээ монголчууд бидний түүх дэлхий дахинаа танигдан тодрох учиртай.
Эзэн Богд Чингис хааны дэлхий дахинд үлдээсэн агуу их өв, олон зуун жил дамжин үргэлжилсэн түүхэн үйл хэргийн талаарх судалгааг нэгэн шатаар ахиулахад энэ удаагийн олон улсын хурал үнэтэй хувь нэмэр оруулна гэдэгт итгэл төгс байна.
Чингис хааны суу алдрыг мөнхжүүлж, Монгол судлалыг дэлхий нийтэд хөгжүүлэх их үйлсэд үнэтэй хувь нэмэр оруулж байгаа Та бүхний эрдэм судлалын ажилд амжилт бүтээлийн дээдийг хүсэн ерөөе!
Эрхэм хүндэт Та бүхэнд Монголын ард түмний нэрийн өмнөөс гүн талархал илэрхийлье.
Эзэн Чингис хааны суу алдар, сүр хүч үеийн үед даян дэлхийд мандан дуурсагдах болтугай.”
Сэтгэгдэл0
Hurair, Hurai, Hurai! Eruul bat orshig!
Чингис хааны үед үндэслэлгүй хөрөнгөжсөн гэж энэ нөхрийг аль хэдийн толгойг нь авцан байгаа
МАН Чингисийн угсаанынхныг хоморголон хядсан.Одоо юун Чингис вэ? МАН-ын манж хятадын өмхий шээснүүд өөрсдөө чингис болох гээд байна уу? Зайлцгаа алнууд аа..
Хүрэлсүх гэдэг манж хятадын Сянь Минг овогт өмхий сда зайл чи..
цус гартаа атгаж төрсөн ази ёвропгүй бүгдийг алж айлгаж байсан дорнын чингэс хятад улсыг нэгтгэн байгуулж чингэсийн удам хятадыг толгойлж байсан тул одоогийн хятад шиг хүчирхэг байжээ манж ч гэсэн хүчирхэг байснаа дарагдаж Тайван " ГЭГДЭЖ хятадт бүслэгдэх нь тэрээ
Бүлт бүлт үсэрч том том юм донгосч байхаар үнийн хөөрөгдөлд туйлдсан ард иргэддээ чиглэсэн арга хэмжээ аваачээ. Луйварчин наймаачид өнөөдөр бүх юмны үнээ ямар ч үндэслэлгүй нэмээд ард иргэдийг басамжилж байна.
Ер нь Монголд Монголынхоо түүхийг уншиж мэдсэн нь хэд байдаг болоо, гарын арван хуруунд л багтах байх.
za araichdee 1962 ond ih Haanii 800 jiliin oid tsuglasan humuus hurliin zaaland bagtaagui shuu!!!
Зөв л юм хийж байнашдаа эзэн хааныг маань казак хятад булаацалдаад оросууд үгүйсгээд хэцүү цаг үе ирж байна
Mongolin said darga nar ulsin buh horongo idej uugaad l, oyuni homsdoltoi amdardag n medne! Gehdee aria c der, johon c gesen ard irgeddee heregtei jum hiideggui jum uu?
Махан толгой Хүрэлсүх нэг удаа Чингисийн ээжийг хэн гэдэг вэ гэсэн асуултад Сувдаа гэж хариулж байсныг гэрчлэх хүн бий.
gants oguulber tsaas haralgui hunii oodoos harj baigaad helj chaddag bolchihoosoi
20сая хүн хядсан шүү дээ !!!
boll'j muu hujaa nar
Чингис гэдэг нэрээр хоол хийж идэх биш дээ, ард түмнийхээ амьжиргаа, улс орныхоо хөгжлийг бодмоор байна шүү, нөхөөр чи!!!
Энэ тэнэгт өөр хийх юм байдаггүй бга шүү.
Хамгийн хоцрогдсон салбар бол монгол судлал! Хэдэн алдар нэрд дуртай емчлегч эрдэмтэд нь хегжуулж ч чадахгуй, холбоо нь багадаагуй!!!
Их хаанаа Ухнаагийн хүүхдээр хүндэтгэхээ заалгах уу? Толгой муутай гарт өөр шоудаж, санаачлах зүйл алга уу? Өнөөдөр монголчууд тартагтаа тулж амьдарч байгаа нь У.Хүрэлсүх гэх овилгогүй, толгойгүй хүн ч их буруутай. Лоозонгийн чанартай юм хэдэн жил чалчих вэ???!!!
Bitgii dongos zail
Ухрах биш урагшилмаар байхын. Энэ улс оронд үүнээс чухал ажил өчнөөн байна!!! Өвөл боллоо тэц 5 юу болов гээд л эхэлнэ шүү дээ.