БРЮССЕЛЬ. /DW/. Европын Комисс /ЕК/ Европын орнуудын эдийн засгийн 2023 оны өсөлтийн төсөөллийг үл ялиг ахиулан нэг орчим хувиар өснө хэмээн урьдчилан таамаглалаа. Инфляцын хувьд саарах төлөвтэй байгаа ч өндөр хэвээр байна гэж үзэж байна.
ЕК-ын мэдээлснээр, 2023 онд еврогийн бүсийн 20 орны эдийн засаг 0.8 хувиар өсөх төлөвтэй байгаа бол 27 гишүүнтэй Европын Холбооны өсөлт 0.9 хувьтай байх төлөвтэй байна. Энэ нь өмнөх улирлын тайлангийн төсөөлөлтэй /0.3/ харьцуулахад өссөн үзүүлэлт боллоо.
2022 оны сүүлийн улиралд ЕХ-ны эдийн засаг ердөө 0.1 хувийн өсөлт үзүүлсэн бөгөөд дээрх төсөөллөөр техникийн хямралд орохоос зайлсхийх төлөв ажиглагдаж байна. Эдийн засаг хоёр улирал дараалан агшсан тохиолдолд техникийн хямралд орох эрсдэлтэй гэж эдийн засагчид үздэг. Харин 2024 оны өсөлтийн төсөөллийг хэвээр үлдээсэн бөгөөд ЕХ 1.6 хувь, еврогийн бүс 1.5 хувийн өсөлт үзүүлнэ гэж таамагласан байна. Инфляцын хувьд 2023 онд Еврогийн бүсэд 5.6 хувь, ЕХ даяар 6.3 хувьтай байх төлөвтэй байна. Еврогийн бүсэд инфляц өнгөрсөн 10 дугаар сард дээд цэгтээ буюу 10.6 хувьд хүрснээс хойш аажмаар буурч, нэгдүгээр сард 8.5 хувьд хүрээд байгаа юм.
Э.Хулан
Эх сурвалж: "Монцамэ" агентлаг
Сэтгэгдэл0
Европын орнууд америк хэмээх колончлогч орон түүний дагуул европын холбоонд засаглалийн тусгаар тогтнол, цусны тусгаар тогтнол, ахуйн тусгаар тогтнол, оюуны тусгаар тогтнол, оршинхуйн тусгаар тогтнолоо бүрэн алдаж, одоо хил хязгаар орон зайн тусгаар тогтнолоос өөр юу ч байхгүй болсон байна.
Ирээдүйд европын орнууд газар газрын орон орны хогийн дүрвэгсэд цагаачид үүрлэсэн аллага мансууруулах бодисны хэрэглээ гадуурхалт арьс өнгөний үзэл баян ядуугийн ялгаа ихэссэн бла америк шиг болохыг хүсээгүй бол европын орнууд дүрвэгсэд цагаачдыг цагаачлалын орон америк руу нь албадан явуулж цаашид цагаач дүрвэгсдийг хүлээн авахгүй байсан өлзийтэй.Европын орнууд зөвхөн өндөр ур чадвартай туршлагатай эсвэл сард 10,000 доллараас дээш орлоготой цагаачдийг хүлээн авч байнгын оршин суух зөвшөөрөл өгсөн дээр байна.
Европ гэж хамгийн их туйлширдаг Орос алга байж болж байгаа юм уу?
Европын орнуудад юмны үнэ нэмэгдсэн ч шинэ жилийн хямдралаар бүр брёнд бараагаар хувцаслаж болж байна. Хүнс ч 7 хоногийн сарын хямдралаар цуглуулаад авчихна. Цалин өндөр. Монголтой харьцуулах аргагүй баян сайн амьдарч байна лээ. Тэтгэврийн хөгшин гэхэд монгол мөнгөөр 3 сая авна. 70, 80н настай хөгшчүүд улс дамжин казино тоглож мөнгөө үрнэ.
Тийм баян юм бол европчууд олон хүүхэд гаргамаар юм.