sonin.mn
Сэтгэгдэл (0)
Солонгосын "Zyle Daewoo" компаний Дэд Ерөнхийлөгч Тай Ва Ким  ба "Тэнүүн Огоо" ХХК-ийн захирал А.Ганхуяг нар мэдээлэл хийлээ.
 
Энэ үеэрээ тэрээр : " Юуны өмнө Улаанбаатарчуудаа бухимдуулсандаа уучлалт гуйж байна.Би автобуснуудаа үзэхэд алдаатай зүйл байна. Иймээс үйлдвэрлэлийн алдаатай зүйл байвал тат гэж хэлсэн. "Zyle Daewoo" автобуснуудаа 30 хувь хямдруулж өгч байгаа.Хэтэрхий улс төржүүлж байна. Яахав шахсан, хурдлуулсан тал бий. 2023 оны 3-р сард л манай талаас эхний төлбөрөө шилжүүлсэн. Яагаад Хятадын ч юм уу? өөр улсын автобус аваагүй юм гэхээр "Daewoo"-г манай жолооч нар хэрэглээд сурчихсан юм. Би брэндийн автобус оруулж ирсэндээ буруутан болоод сууж байна. Би өөрийгөө АТГ-т шалгуулна." гэв. Харин "Zyle Daewoo" компаний төлөөлөл: "Монголын ард түмэн, Монгол Улсын Засгийн Газар, Нийслэлийн Засаг Даргаас уучлалт гуйж байна. Ковид-19-оос болж манай компани хүнд асуудалд орсон. Гэхдээ одоо бид Катар, Саудын Арабид автобус нийлүүлэхээр болсон, Мөн Монголд 600 шинэ автобус оруулж ирэхээр болж энэ төслийг эхлүүлсэн.
 
Монгол Улстай гэрээ хийж байгаа нь ОХУ-ын зах зээлд гарах хүсэлтэй минь холбоотой. Манай компани Монгол Улстай дотно харилцаатай. Иймээс ч Монгол улс руу шинэ автобусыг 30 хувийн хөнгөлөлттэй оруулж байгаа.
 
Монголоос захиалга өгөхөд бид хурдан үйлдвэрлэсэн тул бид будаг гэх мэт жижиг алдаа гаргаснаа хүлээн зөвшөөрч байна. Гэхдээ энэ бол том алдаа биш. Монголын сошиалаар муу мэдээ явж байгааг би сонссон."Zyle Daewoo" компанийг дампуурсан гэж байгаа нь худал, бид хүчтэй хэвээр байгаа. Хэрэв хүсэх юм бол манай үйлдвэрт очиж болно. Мөн автобусны арлын дугаарыг шалгаж үзэхэд 30 жилийн өмнөх дугаар гарч ирсэн гэж байсан. Бид Солонгосын хуулийн дагуу ажилладаг. Иймээс энэ мэдээлэл худал. Мөн бидний автобусыг хуучин, капитал засварт орсон гэж байгаа нь үнэхээр худал мэдээлэл. Би шоконд орсон. Энэ дөрвөлжин загвар арай удаан тэсэх чадвартай гэж үздэг, одоо ч үүнийгээ үйлдвэрлэж байгаа. Мөн Казакстанд байдаг салбар үйлдвэр үүнийг хямдхан үйлдвэрлэх боломжтой гэж ярьж байгаа нь худал. Хар утаа ялгарсан гэж байгаа нь худал мэдээлэл. Монголын дизель түлшний чанар муу учраас автобус хар утаа гаргасан байх. Яваандаа тосыг өөртөө шингээгээд зүгээр болчихно. Монголын талаас маш их хурдал гэж шахаж байсан тул алдаатай автобусуудаа буцааж, шинэчилнэ гэдгээ амлаж байна. Манай компаий талаар хуурамч мэдээлэл тарааж буй хүмүүсийг олж тогтоон, шүүхэд дуудах болно" гэв.
 
С.Сарнай