Монголбанкны нэр хүнд ч гэж муу байна. Зүгээр харж байхад “инфляцийг онилох” буюу төгрөгийн дотоод худалдан авах чадварыг хамгаална гэж зарлаад байх шиг байгаа юм. Харин гадаад ханшийг болохоор зах зээл нь зохицуулна гээд зоригтой хэлчихэж чадахгүй дүлэгнээд байгаа юм. Тэгээд л хөөрхий улирлын нөлөө энэ тэр гээд л янз бүрийн тайлбар олох гэж зүдрээд байгаа харагддаг. Энэ ацан шалаанаас гарах боломж тэр төв банкны хуулийн өөрчлөлтийн үед гарсан уу гарсан. Харамсалтай нь ашиглаж чадаагүй л дээ. (medee.mn сайт)

Энд нэг хэдэн хүн компани болж тоглоод, мөнгө идэж байхад та зөвшөөрөх үү? Өө та цай уусан уу, май цайны мөнгө. Өө та тэдэн минут илүү ажиллачихсан уу, май мөнгө. Та ажлын хэсэгт орчихсон байна шүү дээ ядарсан уу, май мөнгө... гээд хэдэн хүн бие биедээ хувааж өгөөд сууж байгаа нь зөв үү? Берлинд гэхэд МИАТ-ын төлөөлөгчөөр 10 хүн суулгаж байсныг би хоёрыг нь татаад найм болгосон. “Хэдэн хүн төлөөлөгчөөр ажиллаж болох вэ?” гэхээр дуугарахгүй байгаа юм шүү дээ. Тэгээд нэг хуруугаа гозойлгохоор толгой дохиж байгаа юм. Нэг л хүн төлөөлөгчөөр ажиллах газар найман хүн ажиллаж байна. Сөүлд найм, Бээжинд зургаа. Дээрээс нь та хэрвээ МИАТ-ад ороод гурван жил ажилласан бол жилдээ нэг удаа нөхрөө, хүүхдүүдээ, ээж, аавыгаа дагуулаад үнэгүй ниснэ. Тэгэхээр чинь тийшээ хүн болгон тийшээ шуурахгүй яах юм. (baabar.mn сайт)

Монголын эдийн засаг эерэг үзүүлэлттэй байгаа энэ үед уул уурхайн бүтээгдэхүүний экспорт нэмэгдсэн. Мөн Монголбанк валютын нөөцтэй бий. Эдийн засгийн ихэнх үзүүлэлт эерэг байгаа энэ тохиолдолд валютын ханшийг тогтоон барих ажлыг Монголбанк хангалттай сайн хийж чадахгүй байна. Засгийн газартайгаа уялдаж ажиллахгүй байна. Монголбанк интервенц хийхгүй байна. Монголбанкны ерөнхийлөгч Н.Баяртсайхан валютын нөөцийг гурван тэрбум төгрөгт хүргэсэн гэдэг сайн нэр зүүхийн тулд интервенц хийхгүй байгаа. Валютын ханш гэдэг бол тодорхой бодлогоор явдаг зүйл. Гэтэл энэ бодлогоо сайн гаргаж чадахгүй байгаа нь улмаар шатахууны үнэд нөлөөлж байгаа. (news.mn сайт)

АНУ-ын Стэнфордын их сургуулийн Зөвлөлдөх ардчиллын төвийн захирал, профессор Ж.Фишкин “Нөхцөл байдлаас шалтгаалан зөвлөлдөх санал асуулгууд харилцан адилгүй үр дүн дагуулж байна. Зөвлөлдөх санал асуулгыг төр зохион байгуулдаг. Ер нь бол санал асуулгыг зохион байгуулдаг Зөвлөлдөх хороо бүгдийг хянах ёстой” хэмээж байлаа. Ард түмний нэр барьж, хуулиар дулдуйдан гаргасан бодлого, шийдвэрийн улмаас ард иргэдээ хэдэн зуун саяар нь хэлмэгдүүлсэн улс орон олон байдгийг нэг бус оролцогч анхааруулж, зөвлөлдөх санал асуулгаар тийм үр дүнд хүрэх вий хэмээн болгоомжилж буйгаа нуугаагүй юм. ("Өнөөдөр" сонин)

УИХ-ын гишүүдийн тойрогтоо зарцуулах хөрөнгө 5 тэрбумд хүрч, Сангийн сайд Ч.Хүрэлбаатар өөрийн тойрог болох Увс аймагт бусад аймгаас 10 дахин их буюу 52.8 тэрбум төгрөг төсөвлөсөн нь ёс зүйгүй

Олон улсын байгууллагуудтай хамтраад санхүүгийн өргөтгөсөн хөтөлбөр хэрэгжүүлж байна. Засгийн газраас сүүлийн нэг жил төсвийн сахилга батыг сайжруулах ажил хийснээр бас ч гэж эдийн засаг сайжирч байна. Гэхдээ бүрэн сайжраагүй. Тийм учраас ОУВС-аас манай эдийн засгийг бага зэрэг эмзэг байгаа шүү гэдгийг анхааруулж байгаа. (medee.mn сайт)