Сайншанд-Замын-Үүд чиглэлийн улсын чанартай хатуу хучилттай авто замын Сайншанд сум руу салсан дөрвөн замын уулзвараас нефть боловсруулах үйлдвэр хүртэлх хүнд даацын, тусгай зориулалтын 17,5 км автозамыг Зэвсэгт хүчний 7780-р ангийн бие бүрэлдэхүүн гүйцэтгэж дууслаа.
ЗХЯ-ны Төрийн нарийн бичгийн даргын энэ сарын 15-ны 359 дүгээр тушаалаар байгуулагдсан улсын комисс орон нутагт ажиллаж хүлээн авч байнгын ашиглалтанд орууллаа.
Зэвсэгт хүчний 7780-р ангийн 189 цэргийн алба хаагч Алтанширээ суманд ажилласан бөгөөд хугацаат цэргийн алба хаагчдыг өвлийн сургалтад сурган, бүтээн байгуулалтын ажилд оролцуулсан байна. Хамгийн гол нь цементээр бэхжүүлсэн 2 үе суурьтай, 100 тоннын даацтай тусгай зориулалтын замыг орон нутагт тэр дундаа говийн бүсэд тавих анхны технологийг нэвтрүүлж, нутагшуулсан. Энэхүү замаар үйлдвэрийн тоног төхөөрөмж, бүтээгдэхүүнийг зөөхөд ямар ч заадгүй, эвдрэл гэмтэлгүй ашиглагдах боломжтой юм.
Мөн орон нутгийн чанартай автозам барих төсвөөр хүнд даацын, тусгай зориулалтын замыг барьж болдог, 36 хувь илүү газар шорооны ажил хийсэн ч ямар нэг алдагдалгүй дотоод нөөц боломжоо ашиглан ажлаа чанартай гүйцэтгэж дууссан байна.
Монголын зэвсэгт хүчин бие даан бүтээн байгуулалтанд оролцохын зэрэгцээ НҮБ-ын энхийг дэмжих ажиллагаанд явах 240 хүний бүрэлдэхүүнтэй ротын инженер техникийн ажилтнуудыг энэхүү тусгай зориуулалтын хүнд даацын автозам тавих ажилд оролцуулж, хамгийн сүүлийн үеийн техникт мэргэжшүүлж, технологид суралцуулж бэлтгэсэн байна.
Сэтгэгдэл0
Бүтээн байгуулалтын сайхан мэдээ байна. Монгол залуус цэргийн алба хаах хугацаандаа энэ мэтчилэн бүтээн байгуулалтын ажилд оролцож, мэргэжил эзэмшиж, "зоос" олж, хөдөлмөрийн амт шимтийг үзвэл Монгол эх орондоо хоёргүй сэтгэлээр зүтгэх эх орончид болох нь дамжиггүй.
Зэвсэгт хүчнийхэндээ баярлалаа. Энэ бол их амжилт их туршлага хөдөлмөр юм шүү.
Удахгүй дэлхий нийтээр цахилгаанаар ажилладаг автомашин хэрэглэдэг болох гэж байна. Нефть боловсруулах үйлдвэр хэрэггүй байхаа.
Даанч богинохон юм даа Хятадууд бол хоёр өдөр л тавих байх Гэвч яахав Чамлахаар чанга атга гэж
Сайн сайхан мэдээлэл унших ч бас сайхан юмаа. Манай залуус юм хийж чадаж байгааг харуулж байна. Харин ихэс дээдэс маань дэлхийн шившиг болоод байх, тэгээд ичинэ гэж байхгүй л юм даа.
luivarcin omhii Bat uul ardchilald niitsdeggui geed hutsaad bsan terend ch hulgai luivar l heregtei l dee Bayarlalaa eronhiilogch eronhii saidaa bayarlalaa ZH ii zaluusaa ingej l bid saihan amidrana jinhene hunii niigem baiguulna