Манай улсаас 120 км зайтай орших БНХАУ-ын Халиут гацаанд коронавирусын халдварын хоёр тохиолдол гарсан. Энэ сарын 8-ны орой лабораторийн шинжилгээгээр батлагджээ. Тус газар нь Гашуунсухайт боомттой хиллэдэг юм.
 
 
 
Иймээс Өмнөговь аймгийн удирдлагууд санаачилга гаргаж, Монголын нүүрсний компаниуд экспортоо зогсоож эхэлсэн.  Өчигдрийн байдлаар Гашуунсухайт боомтоор нэвтэрч буй нүүрсний тээвэр бүрэн зогсоод байна.
 
 
 
Тэгвэл Оюутолгойн ордоос зөөдөг зэсийн баяжмалын цуваа  Гашуунсухайтаар гарсаар байгаа талаарх мэдээллийг эх сурвалж өглөө. Зэсийн баяжмал ачсан 32-48 машин тус боомтоор өдөртөө наашаа цаашаа гардаг байна.
 
 
Б.Дамдин-Очир
Эх сурвалж: “Зууны мэдээ” сонин