ВАШИНГТОН. /CNN/. БНХАУ Дэлхийн эрүүл мэндийн байгууллагад /ДЭМБ/ шинэ коронавирусний халдварын анхны тохиолдлуудын талаар өнгөрсөн 12 дугаар сард мэдээлснээс хойш уг халдвар дэлхийн 210 улс орон, нутаг дэвсгэрт бүртгэгдэж, нийт 1511000 хүн халдвар авчээ.
Цар тахал Антарктидаас бусад бүх тивд тархсан бөгөөд одоогийн байдлаар бүртгэгдсэн халдварын тохиолдол болон нас баралтын дийлэнх нь анх халдвар дэгдсэн эх газрын Хятадаас гадна бүртгэгдээд байна.
Хятад улсын хувьд 11 сая оршин суугчтай Хубэй мужид халдвар хамгийн их тархжээ. Халдварын тохиолдлуудын ихэнх нь Хубэй мужийн нийслэл Ухань хотод бүртгэгдсэн бөгөөд халдварын тархалтыг тус хотын зэрлэг амьтны захаас үүдэлтэй хэмээн үзэж байгаа юм.
Эх газрын Хятадад халдварын шинэ тохиолдлын тоо буурсаар байгаа бол үүнээс гадна бүртгэгдсэн шинэ тохиолдлын тоо нэмэгдэж, Итали, Испани, АНУ тэргүүтэй орнуудад халдварын олон тохиолдол бүртгэгдсээр байна. Тэдгээрээс АНУ-д халдвар хамгийн их тархсан бөгөөд сүүлийн мэдээллээр тус улсад 430 мянга орчим хүн халдвар авч, 14695 хүн нас барсан байна.
Мэргэжилтнүүдийн мэдээлснээр, вирус хэр аминд халтай эсэх нь тодорхойгүй байгаа бөгөөд оношлогдохгүй байж болзошгүй хөнгөн шинж тэмдэгтэй юм уу шинж тэмдэггүй тохиолдол маш олон байгаа ажээ.
АНУ-ын Харшил, халдварт өвчин судлалын үндэсний хүрээлэнгийн захирал, доктор Энтони Фаучи вирусний нас баралтын түвшнийг 2 орчим хувь хэмээн үзсэн бол ДЭМБ уг үзүүлэлтийг 3.4 хувь гэж тооцоолсон байна.
Одоогоор халдварын голомт болоод байгаа АНУ-д халдварыг хязгаарлахын тулд олон арга хэмжээг хэрэгжүүлж байгаагийн зэрэгцээ халдвараас үүдэлтэй хохирол, үр дагаврыг бууруулахад голчлон анхаарч байна. Тус улсад өнгөрсөн гуравдугаар сарын 25-ны байдлаар 180 сая хүн буюу нийт хүн амын тэн хагасаас илүү хувьд гэртээ байхыг үүрэг болгожээ.
Э.Хулан
Эх сурвалж: Монцамэ агентлаг
Сэтгэгдэл0
Дэлхийн 205 оронд коронавирусийн халдвар тархсан байна. Тиймээс гаднаас коронавирусийн халдвартай хүн онгоцоор зөөвөрлөн авчраад байх нь зөв үү? Үхэр монголчууд гадаадад байгаа иргэдийг онгоцоор зөөвөрлөн авчрахыг дэмжээд байх юм. Хэрэв тэд онгоцоор коронавирусийн халдвар тээн авчирч гэр бүл ах дүү хамаатан садан бусад хүмүүст вирусээ халдааж вирусийн халдвар хяналтаас гарвал яах вэ. Цөөхөн хүн амтай жижиг эдийн засагтай ядуу буурай улс яаж чадахгүй вирусийн өмнө хүчин мөхөсдөж дарга цэрэг баян ядуу хүүхэд залуус хөгшидгүй бүгд хиарч үхэх болно.
Орос гадаадаас иргэдээ авчирахгүй. Тэнд нь амьдрахад нь туслана гэж гадаад яамандаа 500 сая рубль зарцуулах эрх өгсөн. Манай ЗГ иргэдээ тэнд нь амьдрахад нь туслаад тэнд нь байлгаачээ
ЭНЭ вирус САЙН вирус ДЭЛХИЙГ ХОРДУУЛЖ буй АЖ ҮЙЛДВЭР шуналын ЭХ ҮҮСВЭР зах зээлд хүчтэй ЦОХИЛТ өглөө БАЙГАЛ ОРЧИНГ аврах ГАНЦ ХЭРЭГСЭЛ энэ шинэ өвчин ТАХАЛ БАЙХ НЬ ОЙЛГОМЖТОЙ БОЛЛОО мөнгө хэмээх ЦААСАН БУРХАНЫГ дийлээрэй ГЭЖ ХҮСЕЯ
Гадаадад байгаа хүмүүсээ авчирч эрсдэлд орох биш, харин тэдэнд ЭСЯ-аараа дамжуулж тусламж үзүүлбэл зохистой болов уу? Тэгэхгүй бол хөл хорих цаг тогтоосоор байтал амь амжиргаа хэцүүдэх нь байна шүү