Сэтгэгдэл (36)
ЛОНДОН. /TheGuardian/. Түүхийг гуйвуулахыг оролдсон хэмээн буруутган, үйл ажиллагаанд нь Хятадын Засгийн газар хөндлөнгөөс оролцсоны улмаас Хамаг Монголын эзэн Чингис хааны тухай үзэсгэлэнгээ хойшлуулах шийдвэр гаргаж буйгаа Францын музей мэдэгджээ. 
XIII зууны агуу байлдан дагуулагчийн тухай үзэсгэлэнгээ гурав гаруй жилийн хугацаагаар хойшлуулсан тухайгаа Францын Нант хотын “Chвteau des ducs de Bretagne” түүхийн музей мэдэгдсэн байна.
Бид хүн төрөлхтөн, шинжлэх ухаан, ёс суртахууны үнэт зүйлсийг хамгаалах үүднээс үзэсгэлэнг хойшлуулах шийдвэр гаргасан хэмээн музейн захирал Бертранд Гуйллет мөн мэдэгджээ. Үзэсгэлэнд “Монгол”, “Эзэнт гүрэн”, “Их эзэн Чингис хаан” зэрэг үгсүүдийг ашиглахгүй байх, хасахыг Хятадын эрх баригчид хүсжээ.
 
 
 
Өвөр Монголын өөртөө засах оронд оршин суудаг монголчуудыг ялгаварлан гадуурхаж, тэднийг чиглэсэн бодлогоо Хятадын Засгийн газар чангатгасантай холбоотойгоор энэ маргаан үүсжээ. Үзэсгэлэнг ӨМӨЗО-ын Хөх хотын музейтэй хамтран гаргахаар төлөвлөж байсан хэдий ч Хятадын соёлын өвийн товчоо төлөвлөгөөндөө өөрчлөлт оруулахыг шаардсан байна. 
 
 
 
Музейн удирдлага Хятадын Засгийн газрыг “цензур” тогтоож байна гэж үзэж Өвөр Монголчуудын эсрэг баримталдаг байр сууриа улам чангатгаж байгааг нь онцолжээ. Үүнтэй холбоотойгоор Парис хот дахь Хятадын Элчин сайдын яам хариу тайлбар өгөөгүй байна.
 
Э.Аянзаяа
Эх сурвалж: монцамэ агентлаг