Баянзүрх дүүргийн Өмч, газрын харилцааны албаны удирдлагууд энэ сарын 10-нд 200 сая төгрөгийн авлига авч байсныг Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсийн алба хаагчид үйлдэл дээр нь баривчилжээ.
Баянзүрх дүүргийн Өмч, газрын харилцааны албаны удирдлагууд БНХАУ-ын иргэн Л-ээс авлига авч, БЗД-ийн Их цуурайтын аманд хотхоны зориулалт бүхий талбайг эзэмших гэрчилгээ олгосон байна.
Ингэхдээ өөрсдийн удирдлага дор ажилладаг, иргэн Б, Ч, П нартай үгсэн тохиролцож, иргэдийн цахим үнэмлэхийг ашигласан аж. Цагдаагийн алба хаагчид мөнгө болон бусад нотлох баримтыг хурааж, АТГ-т шижлүүлсэн хэмээн ЦЕГ-ын Хэвлэл мэдээллийн төвийн ажилтан, цагдаагийн ахмад Ё.Лхагвасүрэн хэллээ.
Мөн тэрбээр, хэргийн мөрдөн шалгах ажиллагаа дуусаагүй байгаа тул дэлгэрэнгүй мэдээлэл өгөх боломжгүй хэмээв.
Ч.Ариунболд
Эх сурвалж: "Монцамэ" агентлаг
Сэтгэгдэл0
Жирийн монголчуудад газар олддоггүй харин бас сайд дарга бас хятадуудад болохоор олдоод байдаг.Ийм учиртай юм байж.
Өмч, газрын харилцааны албаны удирдлагууд gej xen yum be, xvn yum uu, alban tushaal yum uu
хэргийн мөрдөн шалгах ажиллагаа дуусаагүй байгаа тул дэлгэрэнгүй мэдээлэл өгөх боломжгүй хэмээв гэжээ. Тэгээд л хэрэг таг дарагдаад замхардаг
Баянзүрхийн газрын алба дээр үеэс л хахууль авдаг байсан байх. Нийслэлийн газрын албаны зөвшөөрөл авсан хувь иргэний газраас хэнэгч үгүй өөр айлд дүүргийн газрын алба нь давхардуулаад газар олгочихдог байсан. Заргалдаад дийлээгүй.Энд авлигын асуудал байгаа ш дээ.Иймэрхүү маягаар газрын албаныхан албан тушаал,эрх мэдлээ ашиглаад хувийн ашиг сонирхлоор ажилладаг.