ВАШИНГТОН. /TASS/. АНУ-Мексикийн хилийн бүсэд тогтоосон онц байдлыг цуцлах тухай баримт бичгийг АНУ-ын Конгрессын Төлөөлөгчдийн танхим мягмар гарагт батлав. Энэ тухай Конгрессын цахим хуудсанд мэдээлжээ.
Техас муж улсаас Конгрессын Төлөөлөгчдийн танхимд сонгогдсон Ардчилсан намын гишүүн Хоакин Кастрогийн танилцуулсан уг тогтоолыг батлахыг 245 гишүүн дэмжсэн бол 182 нь эсэргүүцжээ. Баримт бичигт Мексиктэй залгаа хилийн бүсэд онц байдал зарласантай холбоотойгоор хана барих зардлыг бусад сангаас гаргуулахыг Ерөнхийлөгч Трампт хориглосон байна.
Одоо тогтоолыг Сенатын танхим 18 хоногийн дотор хэлэлцэх ёстой. Хэрэв Конгрессын дээд танхим баталбал баримт бичгийг Ерөнхийлөгчид өргөн барина. Харин Трамп уг баримт бичигт хориг тавина гэдгээ хэдийнэ мэдэгджээ.
АНУ-ын Ерөнхийлөгч Дональд Трамп тус улсын өмнөд хилийн бүсэд онц байдал зарлах тухай зарлигт хоёрдугаар сарын 15-нд гарын үсэг зурсан юм.
Д.Жаргал
Эх сурвалж: Монцамэ агентлаг
Сэтгэгдэл0
Энэ Америк үнэхээр ардчилсан улс юм бол Монгол улсын Ерөнхий сайд У.Хүрэлсүх нөхөр Трамптай адилхан шийдмэг байх нь зүйтэй бололтой... ХОЖИМ БОХИР ЗҮЙЛ ТОГТОХГҮЙ БОЛТОЛ НЬ ХУСААД ӨГӨӨЧ ЭНЭ ЗАВААН БҮХНИЙГ У.ХҮРЭЛСҮХ ЭЭ
Дуртайгаараа өөрсдөө хөрөнгөө гаргаад ханаа барина уу юугаа барина хамаа байж уу! Мексикчүүдээр хөрөнгө гаргаж хана бариулна гэж тэнэгтдэг нь утгагүй. Их гүрний дээрэнгүй бодлого явагдаад байгаа биз! Мексикчүүд манайхан шиг бөхөлзөж нахилзаж уучлалт гуйж энэ тэр болж шившгээ тарихгүй улс л даа үзвэл ч үзчихнэ. Далай ламыг монголд ирсэн гээд хятадууд жаахан боосон чинь хамаг сайдууд нь дахиж тэгэхгүй байя аа ахаа гээд яалаа даа