Баасан - 04 сарын 26,
2024
ВАШИНГТОН. /Fox News/. АНУ-д коронавирусний халдвар авсан хүний тоо одоогийн байдлаараа нэмэгдсээр байвал өдөрт бүртгэгдэх халдварын тохиолдлын тоо 100 мянга давж болзошгүй гэж тус улсын Харшил, халдвар өвчин судлалын үндэсний хүрээлэнгийн дарга Энтони Фаучи анхааруулжээ.
"Одоогоор өдөрт халдварын 40 мянгаас дээш тохиолдол бүртгэгдэж байна. Цаашид энэ байдлаараа нэмэгдвэл өдөрт 100 мянган тохиолдол бүртгэгдэж болзошгүй байна. Би үүнд маш их санаа зовниж байна” гэж Э.Фаучи мягмар гарагт Сенатын танхимын сонсголын үеэр хэлсэн байна.
АНУ-ын өмнөд, баруун нутгаар халдварын тохиолдлын тоо нэмэгдэх болсон бөгөөд муж улсууд эдийн засгаа сэргээж, Африк гаралтай Америк иргэн Жорж Флойдыг нас барсны дараа эсэргүүцлийн жагсаал өрнөснөөс хойш халдвар авсан хүний тоо нэмэгдэх болжээ.
Аризона, Калифорни, Флорида, Техас муж улс халдварын тохиолдлын тоо нэмэгдсэнтэй холбогдуулан хязгаарлалтын арга хэмжээнүүдийг цуцлах төлөвлөгөөгөө хойшлуулах юм уу цуцалжээ. Аризонад ням гарагт халдварын 3858 тохиолдол бүртгэгдсэн нь тус муж улсад өдөрт илэрсэн хамгийн олон тохиолдол болсноос гадна сүүлийн 10 хоногийн долоод нь 3000-аас дээш тохиолдол бүртгэгдсэн байна.
Э.Фаучи өмнө нь “Fox News” сувагт, халдварын тохиолдол юуны улмаас огцом нэмэгдсэнийг хэлэхэд “хэтэрхий эрт байна” гэж мэдээлж байжээ.
Шинээр илэрсэн тохиолдлуудын дийлэнх нь баар, зоогийн газраар үйлчлүүлсэн залуучууд байгаа бөгөөд тэдэнд халдварын ноцтой шинж тэмдэг илрэхгүй байгаа ажээ. Гэвч залуучуудаас хөгшин, эмзэг хүмүүст халдвар дамжих эрсдэл өндөр байгааг Э.Фаучи онцолжээ.
Мөн Кливленд хотын Олон нийтийн эрүүл мэндийн газрын даргын мэдээлснээр, өдрийн цагаар хөл хөдөлгөөнийг хязгаарлахаа больсон тавдугаар сарын 30-нд “Black Lives Matter” жагсаал болсноос хойш халдварын тохиолдлын тоо огцом нэмэгдэж эхэлсэн байна.
АНУ-д өнгөрсөн гуравдугаар сараас тогтоосон хөл хориог цуцлах үед халдварын хоёр дахь давлагаа дэгдэж болзошгүй гэдгийг эрүүл мэндийн байгууллагын мэргэжилтнүүд анхааруулсаар байжээ.
Э.Хулан
Эх сурвалж: "Монцамэ" агентлаг
Сэтгэгдэл0
Хулан орчуулага чинь буруу байна . 100 -гаар нэмэгдэнэ гэж хэлээгүй . Харин өдөрт 100 мянга хүрч болзошгүй гэж ярьж байна.
Намууд одооноос эхлэн дараагийн ерөнхийлөгчийн сонгуульд цаг алдалгүй хүнээ тодруулж бэлдэхж эхлэх хэрэгтэй.Хүрэлсүх дараагийн ерөнхийлөгч болох бодолтой байгаа.Хүрэлсүхийг яавч ерөнхийлөгч болгож болохгүй.Энэ хүн Монгол улсын ерөнхийлөгч байхаар хүн биш. АН Алтанхуягийг, Шинэ нам Болд Батзандан гэх мэт улсуудаа одооноос сойж эхэл.Сонгуулийн ажлаа эхэл.Сонгуулийн пиараа хийхдээ өрсөлдөгчийнхөө гарал үүсэл,бизнес хийхгүй байж яаж тэрбумтан болсон,улсын өмч хөрөнгө казинодож идсэн уусан,хүчин,улаан махны хэрэгт орж явсан эсэх. төрийн албанд шахаа хийсэн эсэх,60 тэрбумынхан ЖДҮ-чидтэй хэрхэн түрийвч нэгтэй эсэх , Засгийн газрын ордны ард газар авч 7 давхар байшин бариулж зараад гадаад руу зугатсан гэж мэт холбгдолтой хэргүүдийн талаарх баримт материалыг гэрчүүдээс өндөр үнээр худалдаж авах мэтээр одооноос яаралтай эхэл.Өөр ямар нэгэн сонгуулийн соел тактик мактик огт хэрэггүй.Үр дүн огт өгөхгүй.Сонгуулиас өмнө өрсөлдөгчийнхөө бузар булайг илчил..Үүнийг хатуу ойлгож одооноос ажлаа эхэл.